Jekjōn 8
Revelesōn letok kōn Josep Smith Rikanaan eo n̄an Oliver Cowdery, ilo Harmony, Pennsylvania, Eprōļ 1829. Ilo aer kar ukōte Bok in Mormon, Oliver, eo ar wōnm̧aanļo̧k ilo an jerbal āinwōt juon rijeje, jeje ke Rikanaan eo ej kōnono, eaar kōņaan bwe en kapit kōn mennin letok in ukok. Irooj ar uwaake owar in an ilo An letok revelesōn in.
1–5, Revelesōn ej itok jān kajoor eo an Jetōb Kwōjarjar; 6–12, Jeļāļo̧kjeņ kōn mennin ittino ko an Anij im kajoor eo n̄an ukōti ļo̧o̧k in etto ko ej itok jān tōmak.
1 aOliver Cowdery, em̧ool, em̧ool, Ij ba n̄an eok, bwe āinwōt an m̧ool ke Irooj emour, eo ej am Anij im am Ripinmuur, em̧ool āindein kwo naaj bōk juon bjeļāļo̧kjeņ kōn jabdewōt men ko kwo naaj ckajjitōk ilo tōmak, kōn bōro eo em̧ool, im lōke ke kwo naaj bōk juon jeļāļo̧kjeņ ikijjien m̧wijm̧wij ko ioon dļo̧o̧k ko rem̧or, ko rej mennin etto, ko ewōr ie m̧ōttan ko in jeje ko rekwōjarjar Aō ko kōnono kaki jān men ko ekwaļo̧ki jān Jetōb eo Aō.
2 Aaet, lo, I naaj aba n̄an eok ilo ļōmņak eo am im ilo bbūruōm̧, jān cJetōb Kwōjarjar, eo enaaj itok ioom̧ im eo enaaj pād ilo būruōm̧.
3 Kiiō, lo, en̄in ej jitōbōn revelesōn; lo, en̄in ej jetōb eo im kōn e Moses ar bōktok ro nejin Israel im dibuki aLom̧aļo Ekilmir ioon bwidej em̧ōrā.
4 Kōn menin en̄in ej mennin letok eo am; kwōn kōjerbal e, im kwo jeraam̧m̧an, bwe enaaj kōjo̧o̧r eok jān pein rikōjdat ro am, āindein, eļan̄n̄e eaar jab āinwōt, ren kar m̧an eok im bōktok jetōb eo am n̄an ko̧kkure.
5 O, keememej anaan kein, im kōjparok kien ko Aō. Keememej, en̄in ej mennin letok eo am.
6 Kiiō en̄in ej jab aolep mennin letok eo am; bwe ewōr bar juon am mennin letok, eo ej mennin letok eo an Aron; lo, eaar ba n̄an eok elōn̄ men ko;
7 Lo, ejjeļo̧k bar juon kajoor, ijello̧kun wōt kajoor eo an Anij, eo emaron̄ kōm̧m̧an bwe mennin letok in an Aron en pād ippam̧.
8 Kōn menin, jab pere, bwe e ej mennin letok jān Anij; im kwo naaj kabwijere ilo peim, im kōm̧m̧ani jerbal ko rekabwilōn̄lōn̄; im ejjeļo̧k kajoor enaaj maron̄ bōk e ļo̧k jān peim, bwe ej jerbal an Anij.
9 Im, kōn menin, jabdewōt men kwo naaj kajjitōk Ippa n̄an ba n̄an eok kōn wāween in, men in Inaaj lewōj n̄an eok, im enaaj wōr am jeļāļo̧kjeņ kake e.
10 Keememej bwe ijello̧kun atōmak kwo ban kōm̧m̧an jabdewōt; kōn menin kajjitōk ilo tōmak. Jab kōjak kōn men kein; jab bkajjitōk kōn men ko kwōn kar jab.
11 Kajjitōk bwe kwōn maron̄ jeļā mennin ittino ko an Anij, bwe kwōn maron̄ aukok im bōk jeļāļo̧kjeņ jān aolep ļo̧o̧k in etto kein ko kar ņooji, ko rekwōjarjar; im ekkar n̄an tōmak eo am enaaj kōm̧m̧an n̄an eok.
12 Lo, ej N̄a eo Eaar kōnono men in; im N̄a ejja Eo wōt Eaar ekkōnono n̄an kwe jān jinoin. Amen.