Jekjōn 74
Revelesōn leļo̧k n̄an Josep Smith, Rikanaan eo ilo Wayne Kounty, New York, ilo 1830 eo. Em̧ool m̧oktaļo̧k jān wōt kar kajutake Kabun̄ in, kajjitōk ko rekar wanlōn̄tak kōn wāween eo ejim̧we n̄an peptaij, im kōm̧m̧an bwe Rikanaan eo en kappukōti uwaak ko kōn mennin kōnono in. Bwebwenato eo an Josep Smith ej ba bwe revelesōn in ej juon kōm̧eļeļe in 1 RiKorint 7:14, juon eoon eo ekkā kōjerbale n̄an ba ejim̧we peptaij nin̄nin̄.
1–5, Paul ej kapilōk Kabun̄ eo ilo raan ko an n̄an jab kōjparok kien Moses; 6–7, Ajri ro reddik rewānōk im em̧ōj kokwōjarjar er kōn Pinmuur eo.
1 Bwe ļeo pālele ej ajab tōmak kokwōjarjar e jān kōrā eo pāleen, im kōrā eo pālele im jab tōmak kokwōjarjar e jān ļeo pāleen; eļan̄n̄e jaab ajri ro nejimi rettoon, ak kiiō rekwōjarjar.
2 Kiiō, ilo raan ko an rijjilōk ro kien m̧wijm̧wij eaar pād ilubwiljin aolep riJu ro rekar jab tōmak ilo gospel eo an Jisōs Kraist.
3 Im eaar waļo̧k bwe eaar jebartok juon aakwāālel ilubwiljin armej ko kōn kien bm̧wijm̧wij eo, bwe ļeo pālele ej jab tōmak eaar kōņaan bwe ajri ro nejin ren m̧wijm̧wij im pād ium̧win ckien Moses, kien eo me em̧ōj an kar kūrm̧ool.
4 Im eaar waļo̧k bwe ajri ro, kōnke kar kōkaajriri er ium̧win kien Moses, kar eo̧ron̄ am̧anit ko an ro jemāer im rekar jab tōmak gospel eo an Kraist, jān men in rekar erom jab kwōjarjar.
5 Kōn menin, jān un in rijjilōk eo eaar jeje n̄an kabun̄ eo, im leļo̧k n̄an er juon kien, jaab jān Irooj, ak jān e make, bwe juon ritōmak en jab akobaļo̧k n̄an juon eo ej jab tōmak; ijello̧kun n̄e bkien Moses ej jako jān ilubwiljier;
6 Bwe ajri ro nejier ren maron̄ pād wōt im jab m̧wijm̧wij; im bwe m̧anit eo en maron̄ jako, eo me ej ba bwe ajri ro reddik rej jab wānōk; bwe e kar pād ilubwiljin riJu ro;
7 Ak aajri ro reddik breweeppān, kōnke ckokwōjarjar er kōn dpinmuur eo an Jisōs Kraist; im en̄in ej meļeļe eo an jeje ko rekwōjarjar.