Jekjōn 23
Juon lelkan in ļalem Revelesōn ko litok kōn Josep Smith Rikanaan eo, ilo Manchester, New York, Eprōļ 1830, n̄an Oliver Cowdery, Hyrum Smith, Samuel H. Smith, Josep Smith Sr., im Josep Knight Sr. Āinwōt waļo̧k in ikdeelel ko an armej ro etaer ewaļo̧k ijin ilōn̄ n̄an jeļā kōn jerbal ko aer kajjojo, Rikanaan eo eaar kajjitōk ippān Irooj im eaar bōke juon revelesōn n̄an kajjojo armej.
1–7, Rikaļoor rein m̧oktaļo̧k kar kūr er n̄an kwaļo̧k naan, kōketak, im kōkajoorļo̧k Kabun̄ in.
1 Lo, Ij kōnono n̄an kwe, Oliver, jet naan ko. Lo, kwo jeraam̧m̧an, im ejjeļo̧k liaakeļo̧k ņae eok. Ak kwōn ekkōl kōn ajuwa, n̄e kwo ab deļo̧n̄ ilo bkapo.
2 Kwōn kwaļo̧k kūr eo am n̄an kabun̄ in, im barāinwōt im̧aan laļ in, im būruōm̧ enaaj peļļo̧k n̄an kwaļo̧k m̧ool eo jān ijin m̧aanļo̧k im indeeo. Amen.
3 Lo, Ij kōnono kwe, Hyrum, jet naan ko; bwe kwe barāinwōt ejjeļo̧k liaakeļo̧k ņae eok, im būruōm̧ epeļļo̧k, im loōm̧ em̧ōj an rōļo̧k; im kūr eo am ej n̄an kōketak, im n̄an akōkajoorļo̧k kabun̄ in iien otemjej. Kōn menin ijo kuņaam̧ ej n̄an kabun̄ in indeeo, im men in jibadbad eo an baam̧le eo am. Amen.
4 Lo, Ij kōnono jet naan n̄an kwe, aSamuel; bwe kwe barāinwōt ejjeļo̧k liaakeļo̧k ņae eok, im kūr eo am ej n̄an kōketak, im n̄an kōkajoorļo̧k kabun̄ in; im kwo jan̄in bōk kūr in n̄an kwaļo̧k im̧aan laļ in. Amen.
5 Lo, Ij kōnono jet naan n̄an kwe, Josep; bwe kwe barāinwōt ejjeļo̧k liaakeļo̧k ņae eok, im kūr eo am barāinwōt ej n̄an kōketak, im n̄an kōkajoorļo̧k kabun̄ in; im en̄in ej jerbal eo am jān iien in m̧aanļo̧k im indeeo. Amen.
6 Lo, Ij kwaļo̧k n̄an kwe, Josep Knight, jān naan kein, bwe kwōj aikuj ineek adebwāāl eo am, eo ilo e kwōj aikuj bjar ilo cainikiōm im̧aan laļ in barāinwōt ilo ittino, im ilo baam̧le eo am, im ilubwiljin ro jeram̧, im ilo jikin otemjeļo̧k.
7 Im, lo, ej am jerbal n̄an akobaļo̧k ippān kabun̄ eo em̧ool, im leļo̧k kajin eo am n̄an kōketak iien otemjej, bwe kwōn maron̄ bōk jinōkjej an rijerbal. Amen.