Jekjōn 53
Revelesōn letok kōn Josep Smith Rikanaan eo n̄an Algernon Sidney Gilbert, ilo Kirtland, Ohio, Juun 8, 1831. Jān kajjitōk eo an Sidney Gilbert, rikanaan eo eaar kajjitōk ippān Irooj kōn jerbal im ijjitōn̄ eo an Brother Gilbert ilo Kabun̄ in.
1–3, Kūr im kāālet eo an Sidney Gilbert ilo Kabun̄ in ej n̄an ekkapit n̄an juon elder; 4–7, E ej barāinwōt itōn jerbal āinwōt juon rikōnono ikijjien bisop.
1 Lo, Ij ba n̄an eok, rikarejera Sidney Gilbert, bwe Iaar ron̄ jar ko am; im kwaar kūr n̄an Eō bwe en alikkar n̄an eok, jān Irooj am Anij, kōn kūr im akāālet eo am ilo kabun̄ in, eo me N̄a, Irooj, Iaar kotak e ilo raan kein āliktata.
2 Lo, N̄a, Irooj, eo kar adebwāāle kōn jero̧wiwi ko an laļ, Ij lewōj n̄an eok juon kien bwe kwōn beļļo̧k jān laļ.
3 Bōk ioom̧ ekkapit eo Aō, em̧ool eo an juon elder, n̄an kwaļo̧k tōmak im ukeļo̧k im ajeorļo̧k in jero̧wiwi ko, ekkar n̄an Aō innaan, im bōke an Jetōb Kwōjarjar jān likūt bpā ko ioon;
4 Im barāinwōt n̄an juon aripinej jenkwan kabun̄ in ilo jikin eo me naaj jitōn̄e jān bisop eo, ekkar n̄an kien ko me naaj liwōj tokālik.
5 Im bar juon alen, em̧ool Ij ba n̄an eok, kwōnaaj bōk ito-itak eo am ippān ro rikarejera Josep Smith, Jun., im Sidney Rigdon.
6 Lo, er kein kain̄i ko m̧oktata me kwōnaaj bōki; im bweier naaj kallikkar ilo juon iien ej itok, ekkar n̄an am jerbal ilo jikin kallib grep eo Aō.
7 Im bar juon alen, I kōņaan bwe kwōn jeļā bwe eo lo̧mo̧o̧ren e ej eo wōt ej aniknik n̄an jem̧ļo̧kin. Em̧ool āindein. Amen.