Jekjōn 125
Revelesōn letok kōn Josep Smith Rikanaan eo, ilo Nauvoo, Illinois, M̧aaj 1841, kōn Ro Rekwōjarjar ilo territory in Iowa.
1–4, Ro Rekwōjarjar ren ekkal jikin kwelo̧k ko im ainļo̧k doon n̄an stake ko an Zaion.
1 Ta ej ankilaan Irooj kōn ro rekwōjarjar ilo Āneen Iowa?
2 Em̧ool, āindein Irooj ej ba, Ij ba n̄an kom̧, eļan̄n̄e ro rej aān̄inn̄in er make kōn Eta im rej kappukot n̄an āinwōt ro rekwōjarjar Aō, eļan̄n̄e renaaj kōm̧anm̧an ankilaō im kōjparok kien ko Aō kake er, ren ainļo̧k doon ippān doon n̄an jikin ko me Inaaj jitōn̄i n̄an er jān eo karejera Josep, im kalōkļo̧k jikin kwelo̧k ko n̄an Eta, bwe ren maron̄ pojak n̄an men eo epād ilo jikin ko̧koņ n̄an iien eo ej itok.
3 Ren kalōke juon jikin kwelo̧k n̄an Eta ioon bwidej eo iturājet jān jikin kwelo̧k in Nauvoo, im āt in aZaraemla en āt eo likūti ioon.
4 Im aolep ro rej itok jān turear, im jān turilik, im jān tuiōn̄, im jān turōk, im ewōr aer ikdeelel n̄an jokwe ijo, ren bōk aer jolōt ilo ejja jikin in wōt, barāinwōt ilo jikin kwelo̧k in aNashville, ak ilo jikin kwelo̧k in Nauvoo, im ilo aolep bstake ko me Iaar jitōn̄i, Irooj ej ba.