Jekjōn 12
Revelesōn letok kōn Josep Smith Rikanaan eo n̄an Josep Knight Sr., ilo Harmony, Pennsylvania, Māe 1829. Josep Knight eaar tōmak ekkōnono ko an Josep Smith kōn an wōr ippān pileij ko kōn Bok in Mormon im jerbal in ukok eo innām ilo wōnm̧aanļo̧k eo im elōn̄ iien ekar leļo̧k kein jipan̄ ko n̄an Josep Smith im rijeje eo an, eo ekar kōm̧m̧an bwe ren maron̄ wōnm̧aanļo̧k ilo ukok. Jān kajjitōk an Josep Knight, Rikanaan eo eaar kajjitōk jān Irooj im kar bōk revelesōn in.
1–6, Rijerbal ro ilo jikin kallib grep in rej itōn bōk lo̧mo̧o̧r; 7–9, Aolep ro rekōņaan im rej tōllo̧ke remaron̄ jipan̄ ilo jerbal eo an Irooj.
1 aJuon jerbal eļap im kabwilōn̄lōn̄ enan̄in waļo̧ktok ilubwiljin ro nejin armej raņ.
2 Lo, N̄aij Anij; eo̧ron̄ naan eo Aō, eo em̧ōkaj im kanooj kajoor, ekkan̄ļo̧k jān jāje eo ruo mejān, n̄an ajeje ijeņ im ijeņ jim̧or mo̧kwōj ko im ņoņņoņmeej; kōn menin, eo̧ron̄ naan eo Aō.
3 Lo, meļaaj eo emouj epojak n̄an m̧adm̧ōd; kōn menin, jabdewōt eo ekōņaan m̧adm̧ōd e en bun̄raake sickle eo an kōn an maron̄, im m̧adm̧ōd ke ej raan wōt, bwe en maron̄ ko̧koņi n̄an an mour indeeo ilo aelōn̄ in Anij.
4 Aaet, jabdewōt eo enaaj bun̄raake sickle eo an im m̧adm̧ōd, ejja in wōt Anij ej kūr e.
5 Kōn menin, eļan̄n̄e kwo naaj kajjitōk jān Eō kwo naaj bōk; eļan̄n̄e kwo naaj kaļļaļļaļ enaaj peļļo̧k n̄an eok.
6 Kiiō, āinwōt am kar kajjitōk, lo, Ij ba n̄an eok, kōjparok kien ko Aō, im kappukot n̄an kōjerkak im kajutak jibadbad eo an Zaion.
7 Lo, Ij ekkōnono n̄an eok, im barāinwōt n̄an aolep ro ewōr aer ikdeelel n̄an kōjerkak tok im kajutak jerbal in;
8 Im ejjeļo̧k emaron̄ jipan̄ ilo jerbal in ijello̧kun wōt n̄e enaaj aettā im obrak kōn biakwe, ewōr an ctōmak, dkōjatdikdik, im eiakwe-em̧ool, im ejatōr ilo men otemjeļo̧k, jabdewōt naaj lōke n̄an kōjparok eo an.
9 Lo, N̄aij meram eo im mour eo an laļ, eo ej ekkōnono naan kein, kōn menin eo̧ron̄i kōn am maron̄, innām ej kūr eok. Amen.