Jeje Ko Rekwojarjar
Katak im Bujen Ko 31


Jekjōn 31

Revelesōn letok kōn Josep Smith Rikanaan eo n̄an Tomas B. Marsh, Jeptōm̧ba 1830. Iien jab in eaar ālikin wōt juon kwelo̧k an Kabun̄ (lale kōmmeļeļe eo an jekjōn 30). Tomas B. Marsh em̧ōj an kar peptaij m̧oktaļo̧k ilo allōn̄ eo im kar ekkapit juon elder ilo Kabun̄ in m̧okta jān kar letok revelesōn in.

1–6, Tomas B. Marsh kar kūr e n̄an kwaļo̧k naan kōn gospel eo im kar kareel an kōn oņaake eo an baam̧le eo an; 7–13, Kar kapilōk e n̄an kōmmaanwa, jar iien otemjej, im ļoore Rikaenōm̧m̧an eo.

1 aTomas, nejū m̧aan, kwo jeraam̧m̧an kōnke tōmak eo am ilo jerbal in Aō.

2 Lo, kwe ekar lōn̄ en̄taan ko am kōnke baam̧le eo am; mekarta, Inaaj kōjeraam̧m̧an eok im baam̧le eo am, aaet, ro reddik nejūm; im raan eo ej itok n̄e renaaj lōke im jeļā m̧ool eo im juon wōt ippam̧ ilo kabun̄ in Aō.

3 Kotak būruōm̧ im lan̄lōn̄, bwe awa eo an mijen eo am emoottok; im loōm̧ enaaj rōļo̧k, im kwo naaj kwaļo̧k anaan ko rem̧m̧an naan in lan̄lōn̄ eļap n̄an epepen in.

4 Kwo naaj akwaļo̧k men kein me kar kwaļo̧ki n̄an rikarejera, Josep Smith, Jun. Kwo naaj jino n̄an kwaļo̧k naan jān iien in m̧aanļo̧k, aaet, n̄an m̧adm̧ōd ilo meļaaj eo me bemouj im pojak n̄an tile.

5 Kōn menin, abun̄raake sickle eo am kōn aolepān am, im jero̧wiwi ko am em̧ōj bjeoriļo̧k jān eok, im kwo naaj eddo kōn ctūr ko ioon likōm, bwe drijerbal eo ej tōllo̧ke wōņāān. Kōn menin, baam̧le eo am enaaj mour.

6 Lo, em̧ool Ij ba n̄an eok, etal jān er wōt ium̧win jidik iien, im kwaļo̧k naan eo Aō, im Inaaj kōpooj juon jikin n̄an er.

7 Aaet, Inaaj akōpeļļo̧k būruōn armej ro, im renaaj bōk eok. Im Inaaj kajutak jarlepju in rijar jān peim;

8 Im kwo naaj akōkajoorļo̧k er im kōpooj er ņae iien eo n̄e renaaj ainitok er.

9 Kwōn aineem̧m̧an ilo ben̄taan ko, jab kōnono ņae ro rej kōnono ņae. Tōl cm̧weo im̧ōm ilo ettā, im kwōn pen.

10 Lo, Ij ba n̄an eok bwe kwo naaj juon riuno n̄an kabun̄ in, ak jab n̄an laļ in, bwe reban bōk eok.

11 Etal ilo iaļ eo am ijoko jabdewōt Inaaj ba, im naaj lewōj e n̄an eok jān aRikaenōm̧m̧an ta eo kwo naaj ba im ia kwo naaj ilo̧k ie.

12 aJar iien otemjej, n̄e kwo ab deļo̧n̄ ilo bkapo im m̧wijkōk jān men eo woņeam̧.

13 Kwōn aniknik n̄an jem̧ļo̧k in, im lo, Ij pād bippam̧. Naan kein rej jab jān armej im jab jān armej raņ, ak jān N̄a, em̧ool Jisōs Kraist, am Ripinmuur, jān cankilaan Jemān. Amen.