Jekjōn 52
Revelesōn letok kōn Josep Smith Rikanaan eo n̄an elder ro an Kabun̄ in, ilo Kirtland, Ohio, Juun 6, 1831. Juon kwelo̧k kar kōm̧m̧ane ilo Kirtland, ijjino ilo 3 raan im kilōk ilo 6 raan in Juun. Ilo kwelo̧k in ekkapit ko jinoin tata n̄an opij eo an pris eutiej rekar kōm̧m̧an, im ekar wōr waļo̧k ko an jetōb ko reriab im rej jab m̧ool kar kili im kadiwōjiļo̧k.
1–2, Kwelo̧k eo tokālik em̧ōj kaalikkar ke enaaj bōk jikin ilo Missouri; 3–8, Ijjitōn̄ ko an jet elder ro n̄an ito-itak ippān doon rej kōm̧m̧an; 9–11, Elder ro ren katakin ta Rijjilōk ro im rikanaan ro rekar je; 12–21, Ro kōmeramļo̧k er jān Jetōb rej jebar kōn leen ko in nebar im mālōtlōt; 22–44, Elōn̄ elder ro kar jitōn̄ er n̄an ilo̧k im kwaļo̧k naan kōn gospel eo ilo ito–itak eo aer n̄an Missouri n̄an kwelo̧k eo.
1 Lo, āindein Irooj ej ba n̄an elder ro em̧ōj An kar akūr im kāālet ilo raan kein āliktata, jān ainikien Jetōb eo An—
2 Im ba: N̄a, Irooj, inaaj kaalikkar n̄an kom̧ ta I kōņaan bwe kom̧in naaj kōm̧m̧an jān iien in m̧ae kwelo̧k eo tokālik, eo enaaj bōk jikin ilo Missouri, ioon aāne eo I naaj bkōjenolo̧k n̄an armej ro Aō, ro rej juon cm̧ōttan in Jekab, im ro rej rijolōte ekkar n̄an dbujen eo.
3 Kōn menin, em̧ool Ij ba n̄an kom̧, kōtļo̧k ro rikarejera Josep Smith, Jun., im Sidney Rigdon bwe ren bōk ito-itak eo aer ālikin wōt an dedeļo̧k m̧aanjāppopo ko remaron̄ kōm̧m̧ani n̄an likūt m̧ōko im̧weer, im ito-itak n̄an āneen Missouri.
4 Im jon̄an wōt aer tiljek n̄an Eō, naaj kaalikkar e n̄an er ta eo renaaj kōm̧m̧ane;
5 Im e naaj barāinwōt, jon̄an wōt aer tiljek, naaj kaalikkar n̄an er aāneen jolōt eo ami.
6 Im jon̄an wōt aer jab tiljek, naaj bukweļo̧k er, em̧ool āinwōt Ankilaō, āinwōt ej em̧m̧an n̄an Eō.
7 Im bar juon alen, em̧ool Ij ba n̄an kom̧, kōtļo̧k karejera Lyman Wight im karejera Jon Corrill bwe ren bōk ito-itak eo aer kiiō kiiō wōt;
8 Im barāinwōt rikarejera Jon Murdock, im rikarejera Hyrum Smith, bōk ito-itak eo aer n̄an ejja jikin eo wōt deblo̧ke ļo̧k iaļan Detroit.
9 Im ren ito-itak jān ijeņ kwaļo̧k naan eo ilo iaļ eo tok, im ba aejjeļo̧k men eļapļo̧k jān men eo me brikanaan ro im rijjilōk ro rekar jeje, im men eo me katakin er jān cRikaenōm̧m̧an eo kōn jar in tōmak.
10 Ren etal aruo ian ruo ian, im āindein ren kwaļo̧k naan ilo iaļ eo ilo jarlepju otemjej, im peptaij jān bdān, im likūt cpā ko ioon iturin dān eo.
11 Bwe āindein Irooj ej ba, I naaj kōkaduļo̧k jerbal eo Aō ilo awānōk, bwe raan ko rej itok n̄e I naaj jilkinļo̧k ekajet n̄an anjo̧.
12 Im rikarejera Lyman Wight en ekkōl, bwe Setan ekōņaan alikliki e āinwōt kilin wūt.
13 Im lo, e eo ej atiljek naaj kōm̧m̧an bwe en irooj ioon elōn̄ men ko.
14 Im bar juon alen, I naaj lewōj n̄an kom̧ juon jon̄ok ilo aolep men kein, bwe kom̧in maron̄ jab po ilo m̧oņ; bwe Setan eajeeded ilo āne eo, im ej ilo̧k im m̧oņe laļ ko—
15 Kōn menin e eo ej jar, eo jetōb eo an ej aettā, ejja in wōt Ij bbōke eļan̄n̄e e ej pokaki ckain̄i ko Aō.
16 E eo ej kōnono, eo jetōb eo an ej ettā, eo kajin eo an ejouj im ej kōketak, ejja in wōt ej jān Anij eļan̄n̄e e ej pokaki kain̄i ko Aō.
17 Im bar juon alen, e eo ej wūdiddid ium̧win kajoor eo Aō naaj akōkajoorļo̧k, im naaj jebar kōn leen ko an nebar im bmālōtlōt, ekkar n̄an revelesōn ko im m̧ool ko me em̧ōj Aō kar liwōji n̄an kom̧.
18 Im bar juon alen, e eo anjo̧ ioon im ej ajab jebar kōn leen ko, em̧ool ekkar n̄an jon̄ok in, ej jab jān Eō.
19 Kōn menin, jān jon̄ok in kom̧ naaj ajeļā jetōb ko ilo aolep wāween ko ium̧win aolepān lan̄ ko.
20 Im raan ko em̧ōj aer itok; ekkar n̄an tōmak an armej raņ enaaj akōm̧m̧an n̄an er.
21 Lo, kien in leļo̧ke n̄an aolep elder ro em̧ōj Aō kar kāālet er.
22 Im bar juon alen, em̧ool Ij ba n̄an kom̧, kōtļo̧k rikarejera aTomas B. Marsh im rikarejera Ezra Thayre bwe ren bōk ito-itak eo aer barāinwōt, kwaļo̧k naan eo ilo iaļ eo n̄an ejja āniin wōt.
23 Im bar juon alen, kōtļo̧k rikarejera Aisak Morley im rikarejera Ezra Booth ren bōk ito-itak eo aer, barāinwōt kwaļo̧k naan eo ilo iaļ eo n̄an ejja āniin wōt.
24 Im bar juon alen, kōtļo̧k ro rikarejera aEdward Partridge im Martin Harris bwe ren bōk ito-itak eo aer ippān ro rikarejera Sidney Rigdon im Josep Smith, Jun.
25 Kōtļo̧k ro rikarejera Devid Whitmer im Harvey Whitlock barāinwōt bwe ren bōk ito-itak eo aer, im kwaļo̧k ilo iaļ eo n̄an ejja āniin wōt.
26 Im kōtļo̧k ro rikarejera aParley P. Pratt im bOrson Pratt bwe ren bōk ito-itak eo aer, im kwaļo̧k ilo iaļ eo, em̧ool n̄an ejja āniin wōt.
27 Im kōtļo̧k ro rikarejera Solomon Hancock im Simeon Carter barāinwōt bwe ren bōk ito-itak eo aer n̄an ejja āniin wōt, im kwaļo̧k ilo iaļ eo.
28 Kōtļo̧k ro rikarejera Edson Fuller im Jekab Scott barāinwōt bwe ren bōk ito-itak eo aer.
29 Kōtļo̧k ro rikarejera Livai W. Hancock im Zebedi Coltrin barāinwōt bwe ren bōk ito-itak eo aer.
30 Kōtļo̧k ro rikarejera Reynolds Cahoon im Samuel H. Smith barāinwōt bwe ren bōk ito-itak eo aer.
31 Kōtļo̧k ro rikarejera Wheeler Baldwin im William Carter barāinwōt bwe ren bōk ito-itak eo aer.
32 Im kōtļo̧k ro rikarejera aNewel Knight im Selah J. Griffin jim̧or bwe ren ekkapit, im barāinwōt bōk ito-itak eo aer.
33 Aaet, em̧ool Ij ba, kōtļo̧k bwe aolep rein ren bōk aer ito-itak n̄an juon jikin, ilo iaļ kein aer, im juon em̧m̧aan en jab kalōk ioon apedped an bar juon, im jab ito-itak ilo maalkan neen bar juon.
34 E eo ej tiljek, ejja in wōt naaj kōjparok e im kōjeraam̧m̧an e kōn eļap aleen.
35 Im bar juon alen, Ij ba n̄an kom̧, kōtļo̧k ro rikarejera Josep Wakefield im Solomon Humphrey bwe ren bōk ito-itak eo aer n̄an bukwōn ko irear;
36 Kōtļo̧k bwe ren jerbal ippān baam̧le ko aer, im akabun̄bun̄ļo̧k bar ejjeļo̧k men ko jān rikanaan ro im rijjilōk ro, bwe men ko me rekar bloi im ron̄jaki im kanooj ctōmaki, bwe kanaan kein ren maron̄ kūrm̧ool.
37 Ilo waļo̧k in bōd, kōtļo̧k bwe men ko kar likūt ioon Heman Basset ren abōk jān e, im likūt ioon bōran Simonds Ryder.
38 Im bar juon alen, em̧ool Ij ba n̄an kom̧, kōtļo̧k Jered Carter bwe en aekkapit juon pris, im barāinwōt George Jemes en ekkapit juon bpris.
39 Kōtļo̧k bwe bwe in elder ro ren alale jarlepju in rijar ko, im kabun̄bun̄ļo̧k naan eo ilo ijoko ipeļaakier; im kōtļo̧k bwe ren jerbal kōn peier make bwe en ejjeļo̧k bkabun̄-jar n̄an ekjab ak nana imminene kake.
40 Im keememej ilo aolep men otemjeļo̧k ro arijeram̧ōl im briaikuj, rinan̄inmej im riban, bwe eo ej jab kōm̧m̧ani men kein, ejja in wōt e ej jab Aō rikaļoor.
41 Im bar juon alen, kōtļo̧k ro rikarejera Josep Smith, Jun., im Sidney Rigdon im Edward Partridge bwe ren bōk ippāer juon apeba in kwaļo̧k kadkadier jān kabun̄ in. Im en bar wōr juon bōke n̄an rikarejera Oliver Cowdery barāinwōt.
42 Im āindein, em̧ool āinwōt Iaar ba, eļan̄n̄e kom̧ij tiljek kom̧ naaj kukļo̧k ippān doon im lan̄lōn̄ ioon āneen aMissouri, eo ej āneen bjolōt eo ami, eo ej kiiō āneen rikōjdat ro ami.
43 Ak, lo, N̄a, Irooj, Inaaj kōm̧ōkaj jikin kwelo̧k eo ilo iien eo an, im naaj kōpālpel kūrawūn ioon ro retiljek kōn am̧ōņōņō im kōn lan̄lōn̄.
44 Lo, N̄aij Jisōs Kraist, eo Nejin Anij, im I naaj akotak er ilo raan eo āliktata. Em̧ool āindein. Amen.