Jekjōn 80
Revelesōn letok kōn Josep Smith Rikanaan eo n̄an Stipen Burnett, ilo Hiram, Ohio, M̧aaj 7, 1832.
1–5, Stipen Burnett im Iden Smith kar kūr er n̄an kwaļo̧k naan ilo jabdewōt jikin rej kāālete.
1 Em̧ool, āindein Irooj ej ba n̄an eok rikarejera Stipen Burnett: Kwōn ilo̧k, kwōn ilo̧k ilo laļ im akwaļo̧k naan kōn gospel eo Aō n̄an armej otemjej ej itok ium̧win n̄irļo̧k in ainikiōm.
2 Im toun wōt am kōņaan juon m̧ōttam, Inaaj lewōj n̄an eok rikarejera Iden Smith.
3 Kōn menin, kom̧in ilo̧k im kwaļo̧k naan kōn gospel eo Aō, jekdo̧o̧n n̄e n̄an iōn̄ ak n̄an rak, n̄an rear ak n̄an rilik, ej jab aorōk, bwe kom̧ jamin bōd.
4 Kōn menin, kabun̄bun̄ļo̧k men ko me kom̧ ar ron̄, im em̧ool tōmaki, im ajeļā ke rem̧ool.
5 Lo, en̄in ej ankilaan E eo eaar akūr kom̧, ami Ripinmuur, em̧ool Jisōs Kraist. Amen.