Jekjōn 47
Revelesōn letok kōn Josep Smith Rikanaan eo, ilo Kirtland, Ohio, M̧aaj 8, 1831. Jon Whitmer, eo ekar dedeļo̧k an jerbal āinwōt juon clerk n̄an Rikanaan eo jinoin ekar jenliktak ke kar kajjitōk ippān bwe en jerbal āinwōt juon rijeje bwebwenato ko an Kabun̄ im juon riļo̧o̧k, im bōk jikin Oliver Cowdery. Ekar jeje, “I ban kar kōnan kōm̧m̧ane ak kōnke ankilan Irooj en kōm̧m̧an, im elan̄n̄e kōnan eo An in, i kōnan bwe En kalikkar e kōn Josep Rilolo eo.” Ālkin an Josep Smith kar bōk revelesōn in, Jon Whitmer ekar bōk im jerbal ilo opij eo jitōn̄e n̄an e.
1–4, Kar jitōn̄e Jon Whitmer n̄an kōjparok bwebwenatoin Kabun̄ in im n̄an jeje n̄an Rikanaan eo.
1 Lo, emennin aikuj ilo N̄a bwe rikarejera Jon en jeje im kōjparok juon abwebwenato iien otemjej, im jipan̄ eok, rikarejera Josep, ilo jei aolep men ko me naaj liwōji n̄an eok, m̧ae iien naaj bar kūri n̄an bar jet jerbal.
2 Bar juon alen, em̧ool Ij ba n̄an eok bwe e emaron̄ barāinwōt kotak ainikien ilo kwelo̧k ko, jabdewōt iien eo enaaj mennin aikuj.
3 Im bar juon alen, Ij ba n̄an eok bwe naaj jitōn̄ n̄an e bwe en kōjparok ļo̧o̧k im bwebwenato an kabun̄ in iien otemjej; bwe Oliver Cowdery em̧ōj Aō jitōn̄ e n̄an bar juon opij.
4 Kōn menin, naaj leļo̧ke n̄an e, toun wōt an tiljek, jān aRikaenōm̧m̧an eo, n̄an jeje men kein. Em̧ool āindein. Amen.