Jekjōn 75
Revelesōn letok kōn Josep Smith Rikanaan eo, ilo Amherst, Ohio, Jānwōde 25, 1832. Jekjōn in ej kobain ruo revelesōn rejenolo̧k jān doon (eo m̧oktata ilo eon 1 ļo̧k n̄an 22 im eo kein karuo ilo eoon 23 ļo̧k n̄an 36) ko kar lilo̧k ilo ejja raan eo wōt. Tōrre ekar ilo juon kwelo̧k eo me ie Josep Smith kar rie im kapit e President eo an Priesthood eo Eutiej. Jet ian elder ro rekar kōnan jeļā elapļo̧k kōn jerbal ko aer ilo tōrre eo. Revelesōn kein ilaļ rekar jarjar.
1–5, Elder ro retiljek rej kwaļo̧k kōn gospel eo renaaj bōk mour indeeo; 6–12, Jar n̄an bōk Rikaenōm̧m̧an eo, eo ej katakin kōn men otemjeļo̧k; 13–22, Elder ro renaaj jijet ilo ekajet e ro rekar jab bōk ennaan eo aer; 23–36, Baam̧le ko an mijenede ro ren bōk jipan̄ jān Kabun̄ in.
1 Em̧ool, em̧ool, Ij ba n̄an kom̧, N̄a eo ej ekkōnono em̧ool jān aainikien Jetōb eo Aō, em̧ool bAlpa im Omega, ami Irooj im ami Anij—
2 Eo̧ron̄, O kom̧ ro rekar letok etami n̄an ilo̧k n̄an kabun̄bun̄ļo̧k gospel eo Aō, im n̄an ajepi bjikin kallib eo Aō.
3 Lo, Ij ba n̄an kom̧ bwe ej Ankilaō bwe kom̧in ilo̧k im jab pād, ak jab ajowan ak jerbal kōn ami kajoor—
4 Im kotake ainikiōmi āinwōt kōn ainikien juon jilel, im akabun̄bun̄ļo̧k bm̧ool eo ekkar n̄an revelesōn ko im kien ko me Iaar liwōj n̄an kom̧.
5 Im āindein, eļan̄n̄e kom̧ij tiljek kom̧ naaj eddo kōn elōn̄ aleen, im buwa kōn cutiej, im dwōj, im ejab wabanban, im fmour indeeo.
6 Kōn menin, em̧ool Ij ba n̄an eok rikarejera William E. McLellin, Ij am̧anļo̧k mijen eo me Iaar leļo̧k n̄an e n̄an etal n̄an laļ ko iturear;
7 Im Ij leļo̧k n̄an e juon mijen im juon kien ekāāl, eo ilo e N̄a, Irooj, Ij akauweik e kōn bellotaan ko an būruōn;
8 Im eaar jero̧wiwi; mekarta, Ij jeorļo̧k an bōd im ba n̄an e bar juon alen, Kwōn ilo̧k ilo laļ ko ituiōn̄.
9 Im rikarejera Luk Johnson en etal ippān, im kabun̄bun̄ļo̧k men ko me Iaar jiron̄ er—
10 Im kūr ioon etan Irooj kōn aRikaenōm̧m̧an eo, eo enaaj katakin er aolep men otemjeļo̧k remennin aikuj n̄an er—
11 Im ajar iien otemjej bwe ren maron̄ jab ļotļo̧k; im toun wōt aer kōm̧m̧ane men in, Inaaj pād ippāer em̧ool n̄an jem̧ļo̧kin.
12 Lo, en̄in ej ankilaan Irooj am Anij kōn kwe. Em̧ool āindein. Amen.
13 Im bar juon alen, em̧ool āindein Irooj ej ba, rikarejera aOrson Hyde im rikarejera bSamuel H. Smith ren bōk aer ito-itak ļo̧k ilo laļ ko iturear, im kabun̄bun̄ļo̧k men kein ko me Iaar jiron̄ er; im toun wōt aer tiljek, lo, I naaj pād cippāer em̧ool n̄an jem̧ļo̧kin.
14 Im bar juon alen, em̧ool Ij ba n̄an rikarejera Lyman Johnson, im n̄an rikarejera aOrson Pratt, renaaj barāinwōt bōk ito-itak eo aer ļo̧k ilo laļ ko iturear; im lo, im lo, Ij pād ippāer barāinwōt, em̧ool n̄an jem̧ļo̧kin.
15 Im bar juon alen, Ij ba n̄an rikarejera Asa Dodds, im n̄an rikarejera Calves Wilson, bwe erro en barāinwōt bōk ito-itak eo aer n̄an laļ ko iturilik, im kabun̄bun̄ļo̧k gospel eo Aō, em̧ool āinwōt Iaar jiron̄ er.
16 Im e eo ej tiljek naaj anjo̧ ioon aolep men otemjeļo̧k, im naaj akotak e ilo raan eo āliktata.
17 Im bar juon alen, Ij ba n̄an rikarejera Major N. Ashley, im rikarejera Burr Riggs, ren bōk ito-itak eo aer barāinwōt ļo̧k ilo laļ eo iturōk.
18 Aaet, aolep rein ren bōk ito-itak ko aer, āinwōt Iaar jiron̄ er, im etal jān em̧ n̄an em̧, im jān jikin ko reddik n̄an jikin ko reddik, im jān jikin kwelo̧k n̄an jikin kwelo̧k.
19 Im ilo jabdewōt em̧ kom̧ij deļo̧n̄, im rej bōk kom̧, likūt ami kōjeraam̧m̧an ioon m̧weo.
20 Im ilo jabdewōt em̧ kom̧ij deļo̧n̄, im rej jab bōk kom̧, kom̧ naaj etal jān m̧weo ilo jidimkij, im apikpikūrļo̧k būn̄al in neemi āinwōt juon kam̧ool ņae er.
21 Im kom̧ naaj obrak kōn alan̄lōn̄ im m̧ōņōņō; im jeļā men in, bwe ilo raan in ekajet eo kom̧ naaj briekajet ro an m̧weo, im liaakeļo̧k er;
22 Im enaaj ļapļo̧k an em̧m̧an n̄an ripegan ilo raan in ekajet eo, jān m̧weo; kōn menin, akan̄ōrn̄ōre ipūmi im kom̧in tiljek, im kom̧ naaj anjo̧ ioon aolep men otemjeļo̧k, im naaj kotak kom̧ ilo raan eo āliktata. Em̧ool āindein. Amen.
23 Im bar juon alen, āindein Irooj ej ba n̄an kom̧, O kom̧ elder ro an kabun̄ eo Aō, ro em̧ōj lewōj etami bwe kom̧in maron̄ jeļā Ankilaan kōn kom̧—
24 Lo, Ij ba n̄an kom̧, bwe ej ijo kuņaan kabun̄ eo in n̄an jipan̄ ilo rejetake baam̧le ko an ro, im barāinwōt n̄an rejetake baam̧le ko an ro kūri er im reaikuj jilkinļo̧k er n̄an laļ n̄an kabun̄bun̄ļo̧k gospel eo n̄an laļ in.
25 Kōn menin, N̄a, Irooj, Ij lewōj n̄an kom̧ kein in, bwe kom̧in bōk jikin ko n̄an baam̧le ko ami, toun wōt an ro jeiūm̧i im jatūmi m̧ōņōņō in kōpeļļo̧k burueer.
26 Im aolep rein im remaron̄ bōk jikin ko n̄an baam̧le ko aer, im rejetake eo an kabun̄ n̄an er, ren jab kab likjab jān ilo̧k ilo laļ in, men̄e n̄an rear ak n̄an rilik, ak n̄an iōn̄ ak n̄an rak.
27 Ren kajjitōk im renaaj bōk, kaļļaļļaļ im enaaj peļļo̧k n̄an er, im naaj kōjjeļāik er n̄an ijo eutiej, em̧ool jān aRikaenōm̧m̧an eo, n̄an ia renaaj etal.
28 Im bar juon alen, em̧ool Ij ba n̄an kom̧, bwe aolep em̧m̧aan eo ej aikuj akakke aikuj n̄an bbaam̧le eo an make, en kakke, im ilo wāween in ej jamin naaj m̧wijkōk jān kūrawūn eo an; im en jerbal ilo kabun̄ in.
29 Aolep em̧m̧aan en atiljek ilo aolep men kein. Im brijowan ej jamin wōr jikin ilo kabun̄ in, ijello̧kun wōt n̄e ej ukeļo̧k im kajim̧wi iaļ ko an.
30 Kōn menin, rikarejera Simeon Carter im rikarejera Emer Harris ren bōrokuk ilo jerbal in;
31 Im barāinwōt rikarejera Ezra Thayre im rikarejera aTomas B. Marsh;
32 Im rikarejera Hyrum Smith im rikarejera Reynolds Cahoon;
33 Im barāinwōt rikarejera Daniel Stanton im rikarejera Seymour Brunson;
34 Im barāinwōt rikarejera Sylvester Smith im rikarejera Gideon Carter;
35 Im barāinwōt rikarejera Ruggles Eames im rikarejera Stipen Burnett;
36 Im barāinwōt rikarejera Micah B. Welton im barāinwōt rikarejera Iden Smith. Em̧ool āindein. Amen.