Jekjōn 126
Revelesōn letok kōn Josep Smith Rikanaan eo, ilo m̧weo im̧ōn Brigham Young, ilo Nauvoo, Illinois, Juļae 9, 1841. Brigham Young ej kab jepļaakļo̧k n̄an baam̧le eo an ilo Nauvoo ālkin epaakeļo̧k ruo iiō in mijen eo an ilo England.
1–3, Brigham Young rej nebar e kōn jerbal ko an im kameraik e jān ito-itak ettoļo̧k ilo raan ko rej pedotok.
1 Eo eaorōk im jitōnbōro jeiū im jatū, Brigham Young, em̧ool āindein Irooj ej ba n̄an eok: Karejera Brigham, ej jab mennin aikuj jān peim n̄an likūt baam̧le eo am̧ āinwōt ilo iien ko remootļo̧k, bwe joortak eo am̧ em̧m̧an n̄an Eō.
2 Iaar loe am̧ jerbal im kijejeto ilo ito-itak ko am̧ kōn Eta.
3 Ij kōn menin jiron̄ eok n̄an jilkinļo̧k naan eo Aō ijoko rettoļo̧k, im bōk juon kōjparok etiljek n̄an baam̧le eo am̧ jān iien in, kiiō m̧aanļo̧k im indeeo. Amen.