1 E ej ankilaō bwe karejera Warren A. Cowdery en jitōn̄e im kapiti juon pris eutiej in tōl ioon kabun̄ eo Aō, im ilo bukwōn in ^aFreedom im jikin ko ipeļaakin ijo;

2 Im en kwaļo̧k naan kōn gospel eo ejjeļo̧k jem̧ļo̧kin Aō, im kotak ainikien im kakkōl armej ro, jaab ilo ijo jikin make, a ilo kounty ko rej ekkejeltok;

3 Im kōmaatļo̧k aolep iien ko an n̄an kūr in eutiej im ekwōjarjar, eo me kiiō Ij leļo̧k n̄an e, im ^aniknik kappukote ^baelōn̄ in lan̄ im wānōk eo an, im aolep men ko rekkar renaaj kobaļo̧k ippān; bwe ^crijerbal eo ej tōllo̧ke wōņāān.

4 Im bar juon alen, em̧ool Ij ba n̄an kom̧, ^aitok eo an Irooj ej ^bepaak, im ej kailbōk laļ in āinwōt juon ^criko̧o̧t ilo bon̄—

5 Kōn menin, kan̄ōrn̄ōre ipūmi, bwe kom̧in maron̄ ro nejin ^ameram, im bwe raan eo en jab ^bkailbōk kom̧ āinwōt juon riko̧o̧t.

6 Im bar juon alen, em̧ool Ij ba n̄an kom̧, eaar wōr lan̄lōn̄ ilo lan̄ ke karejera Warren eaar badikdik n̄an jokoņ eo Aō, im kōjenolo̧k e jān m̧oņ ko an armej raņ;

7 Kōn menin, em̧ōņōņō karejera Warren, bwe enaaj wōr Aō tūriam̧okake ioon; im, jekdo̧o̧n ^ajuwa eo an būruōn, Inaaj kotak lōn̄ļo̧k e toun wōt an naaj kōttāik e make Im̧aō.

8 Im Inaaj leļo̧k n̄an e ^ajouj im bab-laļ eo kake e emaron̄ jutak; im eļan̄n̄e ej wōnm̧aanļo̧k n̄an juon rikam̧ool etiljek im juon meram n̄an kabun̄ in em̧ōj Aō kōpooje juon kūrawūn n̄an e ilo ^bm̧ōko im̧ōn kiin̄ an Jema. Em̧ool āindein. Amen.