Jekjōn 33
Revelesōn letok kōn Josep Smith Rikanaan eo n̄an Ezra Thayre im Northrop Sweet, ilo Fayette, New York, Oktoba 1830. Ilo an kar kwaļo̧k kadkadin revelesōn in, bwebwenato an Rikanaan eo ej kapen e ke “Irooj … epojak iien otemjej n̄an katakin ro im reniknik ilo kappukot ilo tōmak.”
1–4, Rijerbal ro kūr er n̄an kwaļo̧k gospel eo ilo awa eo kein kajon̄ouljuon; 5–6, Kabun̄ in em̧ōj an jutak, im ro rikāālet An kar itōn aini er; 7–10, Ukeļo̧k, bwe aelōn̄ in lan̄ epaak; 11–15, Kabun̄ ej ekkal ioon ejm̧aan in gospel in; 16–18, M̧aanjāppopo n̄an itok eo an Ļeo Pālele.
1 Lo, Ij ba n̄an kom̧ro, rikarejera Ezra im Northrop, kom̧ro en kōpeļļo̧k lo̧jiln̄ōmiro im eo̧ron̄ ainikien Irooj amiro Anij, Eo anaan eo An em̧ōkaj im kajoor, ekkan̄ļo̧k jān jāje ruo mejān, n̄an ajeje ijeņ im ijeņ mo̧kwōj ko im ņoņņoņmeej, ānbwin im jetōb; im ej rijeļā ļōmņak ko im bkōttōpar ko an bōro.
2 Bwe em̧ool, em̧ool, Ij ba n̄an kom̧ro bwe em̧ōj kūr kom̧ro n̄an kotak ainikiōmiro āinwōt aainikien juon jilel, n̄an kwaļo̧k gospel eo Aō n̄an juon epepen eankeke im nana.
3 Bwe lo, ameļaaj eo emouj epojak n̄an m̧adm̧ōd; im e kiiō awa eo bkein kajon̄ouljuon, im ciien eo āliktata me Inaaj kūr rijerbal ro ļo̧k ilo jikin kallib grep eo Aō.
4 Im ajikin kallib eo Aō em̧ōj an bjorrāān ilo jekjek otemjeļo̧k; im ejjeļo̧k men ej kōm̧m̧an cem̧m̧an ijello̧kun jet wōt; im rej dbōd ilo wāween otemjeļo̧k kōnke epriestcraft ko, aolep ļōmņak ko ippāer rettoon.
5 Im em̧ool, em̧ool, Ij ba n̄an kom̧ro, bwe akabun̄ in Iaar bkajutake im kūrtok jān ibuļōn āne jem̧aden.
6 Im em̧ool āindein Inaaj aaini ro Aō rikāālet jān m̧ōttan ko bemān in laļ in, em̧ool jon̄an wōt eo enaaj tōmak ilo N̄a, im eo̧ron̄ e Ainikiō.
7 Aaet, em̧ool, em̧ool, Ij ba n̄an kom̧ro, bwe meļaaj eo emouj epojak n̄an m̧adm̧ōd; kōn menin, bun̄raake sickle ko amiro, im m̧adm̧ōd kōn aolepān amiro kajoor, ļōmņak, im maron̄.
8 aKōpeļļo̧ke lo̧n̄iūmiro im renaaj obrak, im kom̧ro naaj erom āinwōt bNipai etto, eo ar ito-itak jān Jerusalem ilo āne jem̧aden.
9 Aaet, kōpeļļo̧k lo̧n̄iūmiro im jab dāpiji, im kom̧ro naaj eddo kōn atūr ko ioon likōmiro, bwe lo, Ij pād ippemiro.
10 Aaet, kōpeļļo̧k lo̧n̄iūmiro im renaaj obrak, im ba: aUkeļo̧k, ukeļo̧k, im kom̧in kōpooje iaļ eo an Irooj, im kajim̧we iaļ ko An; bwe aelōn̄ in lan̄ ej epaaktok;
11 Aaet, ukeļo̧k im apeptaij, aolep kom̧ kajjojo, kōn jeorļo̧k eo an jero̧wiwi ko ami; aaet, kom̧in peptaij em̧ool jān dān, innām ej itok peptaij eo kōn kijeek im eo kōn Jetōb Kwōjarjar.
12 Lo, em̧ool, em̧ool, Ij ba n̄an kom̧ro, en̄in ej agospel eo Aō; im keememej bwe enaaj wōr aer tōmak ilo N̄a n̄e jaab rej jamin mour;
13 Im ioon aejm̧aan in Inaaj kalōk kabun̄ eo Aō; aaet, ioon ejm̧aan in em̧ōj kalōk kom̧, im eļan̄n̄e kom̧ij wōnm̧aanļo̧k wōt, baor ko an hell rej jamin anjo̧ ņae kom̧.
14 Im kom̧ naaj keememej anaan in jiron̄ ko im bujen ko an kabun̄ in im kōjparoki.
15 Im jabdewōt eo ej tōmak kom̧ naaj akapen e ilo kabun̄ in Aō, jān likūt bpā ko ioon, im Inaaj door mennin cletok eo an Jetōb Kwōjarjar ioer.
16 Im Bok in Mormon eo im ajeje ko rekwōjarjar em̧ōj liwōj jān Eō n̄an ami bnaan in tōl; im kajoor eo an Jetōb eo Aō ej ckōmour men otemjeļo̧k.
17 Kōn menin, kom̧in niknik, jar iien otemjej, lale bwe Lamb ko ami ren pojak im urur, im oil eo ippemi, bwe kom̧in maron̄ pojak ilo iien itok eo an aĻeo Pālele—
18 Bwe lo, em̧ool, em̧ool, Ij ba n̄an kom̧ro, bwe em̧ōkaj Aō aitok. Em̧ool āindein. Amen.