Jekjōn 3
Revelesōn leļo̧k n̄an Josep Smith Rikanaan eo, ilo Harmony, Pennsylvania, Juļae 1828, kōn 116 alen in manuscript eo kar ukōte jān m̧ōttan eo m̧oktata in Bok in Mormon, eo kar ņa etan bok in Liai. Rikanaan eo eaar aboor an kar kōtļo̧k alen kein n̄an aer eļļā jān oņaake eo an n̄an eo an Martin Harris, eo ar jerbal ium̧win jidik iien āinwōt rijeje ilo ukok eo an Bok in Mormon. Revelesōn in kar leļo̧k kōn Urim im Tumim eo (Lale jekjōn 10.)
1–4, Iaļ eo an Irooj ej juon iaļ ejjeļo̧k jem̧ļo̧kin; 5–15, Josep Smith eaikuj ukeļo̧k ak m̧wijkōk jān mennin leļo̧k eo n̄an ukok; 16–20, Bok in Mormon ej wōnm̧aantak n̄an lo̧mo̧o̧ren ineen Liai.
1 aJerbal ko, im karōk ko, im jibadbad ko an Anij rej jamin likjab, im ejjab maron̄ lōn̄ ejjeļo̧k tokjāer.
2 Bwe aAnij ej jab etetal ilo iaļ ko raankeke, ak jeorļo̧k n̄an anbwijmaron̄ ak n̄an anmiin̄, ak Ej jab irļo̧k jān men eo Eaar ba, kōn menin iaļ ko An rejim̧we, im biaļ eo An ej juon iaļ ejjeļo̧k jem̧ļo̧kin.
3 Keememej, keememej bwe ej jab ajerbal eo an Anij ej likjab, ak jerbal an armej;
4 Bwe men̄e juon armej emaron̄ bōk elōn̄ revelesōn ko, im wōr an kajoor n̄an kōm̧m̧ane elōn̄ jerbal ko reļļap, mekarta eļan̄n̄e ej akōmmejāje ilo maron̄ eo an make, im kajejtokjān bkapilōk ko an Anij, im ļoorļo̧k lipjerjer ko an ankilaan im ikdeelel ko an ckanniōk make, e eaikuj wōtlo̧k im kilaaktok dillu an Anij ejim̧we ioon.
5 Lo, em̧ōj kar lōke eok kōn men kein, ak ewi jon̄an an kar jejjet naan in jiron̄ ko am; im keememej barāinwōt kallim̧ur ko kar kōm̧m̧ani n̄an kwe, eļan̄n̄e kwaar jab rupi.
6 Im lo, ewi ekkutkut in am kar arupi naan in jiron̄ ko im kien ko an Anij, im kar etal ilo bkarreelel an armej.
7 Bwe, lo, kwōn kar jab amijak armej eļapļo̧k jān Anij. Men̄e armej rej bkajejtokjān kapilōk ko an Anij, im dike naan ko An—
8 Mekarta kwōn kar tiljek; im Enaaj kar erļo̧ke Pein im rejetake eok ņae aolep am̧ade kijeek ko an brijum̧ae; im Enaaj kar pād ippam̧ ilo iien ko otemjej crōapan̄.
9 Lo, kwe Josep, im em̧ōj kar kāālet eok n̄an kōm̧m̧ane jerbal eo an Irooj, ak kōnke bōd, eļan̄n̄e kwōj jab kile kwo naaj wōtlo̧k.
10 Ak keememej, Anij e tūriam̧o; kōn menin, ukeļo̧k jān men eo kwaar kōm̧m̧ane eo eāinjuon n̄an kien eo me Iaar lewōj n̄an eok, im Ij kāālet wōt eok, im bar kūr eok n̄an jerbal in;
11 Eļan̄n̄e kwo ban kōm̧m̧ane men in, naaj kōtļo̧k eok im kwo naaj āinwōt armej raņ, im eban bar wōr am mennin letok.
12 Im n̄e em̧ōj am kar kōjepļaakļo̧k men eo Anij Eaar lewōj am loļo̧kjeņ im kajoor n̄an aukōte, kwaar leļo̧k men eo ekwōjarjar ilo pein juon bem̧m̧aan enana,
13 Eo eaar kajejtokjān kapilōk ko an Anij, im kar rupi kallim̧ur ko rekwōjarjartata ko kar kōm̧m̧ani im̧aan Anij, im eaar pedped ioon ekajet eo an make im akōmmejāje ilo an make mālōtlōt.
14 Im en̄in ej un eo bwe ren jako maron̄ ko am ium̧win jidik tōrean—
15 Bwe kwaar kōtļo̧k kapilōk an aritōl eo am n̄an jujuri ioon laļ jān jinoin.
16 Mekarta, jerbal eo Aō enaaj wōnm̧aanļo̧k, bwe āinwōt jeļā eo kōn juon aRilo̧mo̧o̧r eaar itok n̄an laļ, kōn bnaan in kam̧ool an riJu ro, āindein enaaj cjeļā eo kōn Rilo̧mo̧o̧r eo ej itok n̄an armej ro Aō—
17 Im n̄an ariNipai ro, im riJekab ro, im riJosep ro, im riZoram ro, kōn naan in kam̧ool an ro jemāer—
18 Im anaan in kam̧ool in enaaj itok n̄an jeļā eo an briLeman ro, im riLemuel ro, im riIshmael ro, ro raar cidakunkunļo̧k ilo jab tōmak kōnke nana eo an ro jemāer, ro Irooj Eaar kōtļo̧k n̄an dko̧kkure ro jeir im jatier riNipai ro, kōnke nana ko im kajjōjō ko aer.
19 Im kōn lukkuun aun in bpileij kein kar kōjparoki, ko ewōr ļo̧o̧k kein ie—bwe ckallim̧ur ko an Irooj ren maron̄ kūrm̧ool, ko Eaar kōm̧m̧ani n̄an armej ro An;
20 Im bwe ariLeman ro ren maron̄ itok n̄an jeļā eo kōn ro jemāer, im bwe ren maron̄ jeļā kallim̧ur ko an Irooj, im bwe ren maron̄ btōmak gospel eo im catartar ioon em̧m̧an ko an Jisōs Kraist, im dwōj kōn tōmak ilo etan, im bwe kōn aer ukeļo̧k ren maron̄ bōk lo̧mo̧o̧r.