Jeje Ko Rekwojarjar
Katak im Bujen Ko 68


Jekjōn 68

Revelesōn letok kōn Josep Smith Rikanaan eo, ilo Hiram, Ohio, Nobōm̧ba 1, 1831, ilo uwaake jar eo bwe kolm̧enļo̧kijen eo an Irooj en alikkar kōn Orson Hyde, Luk S. Johnson, im William E. McLellin. Men̄e jet m̧ōttan revelesōn in rekar kaiokļo̧k lōm̧a rein emān, eļapļo̧k ijo ie ej ekkejel n̄an Kabun̄ in. Revelesōn in kar kōdepakpakļo̧k iumin tōl an Josep Smith ke ekar likūt ilo bok ilo edition eo ilo 1835 an Katak im Bujen Ko.

1–5, Naan ko an elder ro n̄e kōm̧akūt er jān Jetōb Kwōjarjar rej jeje ko rekwōjarjar; 6–12, Elder ro ren kwaļo̧k naan im peptaij, im kakōļļe ko renaaj ļoortok lukkuun ritōmak ro; 13–24, M̧aanje in em̧m̧aan ilubwiljin ro nejin Aron emaron̄ jerbal āinwōt Bisop Eļap (en̄in meļeļein, kabwijer ki ko an presidency āinwōt juon bisop) ium̧win tōl ko an Presidency eo Kein Kajuon; 25–28, Ro Jemān im jinen rej jiron̄ er n̄an katakin gospel eo n̄an ajri ro nejier; 29–35, Ro Rekwōjarjar reaikuj kōjparok Jabōt, niknik jerbal, im jar.

1 Rikarejera, Orson Hyde, kar kūr e jān ekkapit eo an n̄an kabun̄bun̄ļo̧k gospel eo ejjeļo̧k jem̧ļo̧kin, jān aJetōb eo an Anij emour, jān armej n̄an armej, im jān aelōn̄ n̄an aelōn̄, ilo jarlepju in rijar ko an ro rinana, ilo im̧ōn jar ko aer, etale aer ļōmņak im tipdiki aolep jeje ko rekwōjarjar n̄an er.

2 Im, lo, im lo, en̄in ej jon̄ok eo n̄an aolepān ro kar kapit er n̄an priesthood in, ro mijen eo aer em̧ōj jitōn̄e n̄an er n̄an wōnm̧aanļo̧k—

3 Im en̄in ej jon̄ok eo n̄an er, bwe renaaj aekkōnono āinwōt kōm̧akūtkūt er jān Jetōb Kwōjarjar.

4 Im jabdewōt renaaj kōnono n̄e kōm̧akūtkūt er jān aJetōb Kwōjarjar enaaj jeje ekwōjarjar, enaaj ankilaan Irooj, naaj ļōmņak eo an Irooj, naaj naan eo an Irooj, naaj ainikien Irooj, im bkajoor eo an Anij n̄an lo̧mo̧o̧r.

5 Lo, en̄in ej kallim̧ur eo an Irooj n̄an kom̧, O kom̧ ro rikarejera.

6 Kōn menin, kom̧in m̧ōņōņō, im ajab mijak, bwe N̄a Irooj Ij pād ippemi, im naaj jutak ippemi; im kom̧ naaj jeje kam̧ool kōn Eō, em̧ool Jisōs Kraist, bwe N̄aij eo Nejin Anij emour, bwe N̄a iaar, bwe N̄aij, im bwe N̄a inaaj itok.

7 En̄in ej naan eo an Irooj n̄an kom̧, rikarejera aOrson Hyde, im barāinwōt n̄an rikarejera Luk Johnson, im n̄an rikarejera Lyman Johnson, im n̄an rikarejera William E. McLellin, im n̄an aolep elder ro retiljek an kabun̄ eo Aō—

8 aKom̧in ilo̧k ilo aolepān laļ, im bkwaļo̧k naan kōn gospel eo n̄an aolep carmej, im m̧akūtkūt ilo dmaron̄ eo me Iaar lewōj n̄an kom̧, im epeptaij ilo etan Jemān, im etan Nejin, im etan Jetōb Kwōjarjar.

9 Im aeo ej tōmak im ej peptaij enaaj bmour, im eo ej jab tōmak enaaj cjako.

10 Im eo ej tōmak enaaj jeraam̧m̧an kōn akakōļļe ko renaaj ļoore, em̧ool āinwōt e kar jeje.

11 Im n̄an kom̧ naaj lewōj e n̄an jeļā akakōļļe ko an iien ko, im kakōļļe ko an itok eo an eo Nejin Armej;

12 Im kōn jon̄an wōt eo Jemān enaaj jeje kam̧ool, n̄an kom̧ naaj lewōj kajoor eo n̄an asili er n̄an mour indeeo. Amen.

13 Im kiiō, kōn men ko kobaiktok n̄an bujen ko im kien ko, rej er kein—

14 Ewōr repād tokālik, ilo iien eo an Irooj, bar jet abisop ro n̄an kōjenolo̧k er n̄an kabun̄ in, n̄an jerbal em̧ool ekkar n̄an eo m̧oktata;

15 Kōn menin renaaj apris utiej ro im rej tōllo̧ke, im renaaj ijjitōn̄ jān bPresidency eo Kein Kajuon an Melkizedek Priesthood eo, ijello̧kun wōt n̄e rej lukkuun ro bwijjin cAron.

16 Im eļan̄n̄e rej lukkuun ro bwijjin aAron ewōr juon aer jim̧we āinwōt kōmlet n̄an opij eo an bisop eo, eļan̄n̄e rej m̧aanje ilubwiljin m̧aan ro nejin Aron.

17 Bwe m̧aanje eo ej kabwijer jim̧we eo n̄an presidency eo ioon priesthood in, im aki ko ak maron̄ eo an ejja in wōt.

18 Ejjeļo̧k juon em̧m̧aan ewōr an jim̧we kōmlet kake n̄an opij in, n̄an kabwijer ki ko an priesthood in, ijello̧kun wōt n̄e ej alukkuun bwijjin im m̧aanjien Aron.

19 Ak, āinwōt juon apris eutiej an Melkizedek Priesthood eo ewōr an maron̄ n̄an m̧akūtkūt ilo aolep opij ko reddikļo̧k im emaron̄ m̧akūtkūt ilo opij eo an bbisop n̄e ejjeļo̧k lukkuun bwijjin Aron maron̄ in loe, eļan̄n̄e e kar kūr im kōjenolo̧k im kapit e n̄an kajoor in, ium̧win pein Presidency eo Kein Kajuon an Melkizedek Priesthood eo.

20 Im eo lukkuun bwijjin Aron, barāinwōt, eaikuj ijjitōn̄ jān Presidency in, im lo ke ej tōllo̧ke, im aekkapit, im bkōjenolo̧k e ium̧win pā ko pein Presidency in, eļan̄n̄e jaab rej jab maron̄ ekkar n̄an kōmlet n̄an m̧akūtkūt ilo priesthood eo aer.

21 Ak, jān pedped wōt ioon kean̄ eo kōn jim̧we eo aer jān priesthood eo wanlaļtak jān jemān n̄an nejin, remaron̄ abņōņō kōn ekkapit eo aer eļan̄n̄e ilo jabdewōt iien remaron̄ kam̧ool e bwij eo aer, ak n̄an jeļā kake kōn revelesōn jān Irooj ium̧win pā ko pein Presidency in ba kake ilōn̄.

22 Im bar juon alen, ejjeļo̧k bisop ak pris eutiej eo naaj kōjenolo̧k e n̄an jerbal in naaj ekajete im̧aan jikin kien ak liaakeļo̧k kōn jabdewōt nana, ijello̧kun wōt n̄e ej im̧aan aPresidency eo Kein Kajuon an kabun̄ in;

23 Im toun wōt aer lo bwe e ebōd im̧aan Presidency in, jān naan in kam̧ool ko reban maron̄ kariabi, e naaj ņa ruōn;

24 Im eļan̄n̄e e ej ukeļo̧k naaj ajeorļo̧k an bōd, ekkar n̄an bujen ko im kien ko an kabun̄ in.

25 Im bar juon alen, toun wōt an ro ajemān im jinen wōr nejier ilo Zaion, ak ilo jabdewōt bstake ko an me em̧ōj kajutaki, im rej jab ckatakin er n̄an meļeļe pedped in katak in ukeļo̧k, tōmak ilo Kraist eo Nejin Anij emour, im peptaij im mennin letok eo an Jetōb Kwōjarjar jān likūt pā ko ioon, n̄e druwalitōk iiō ko rūttoier, ejero̧wiwi eo ej pād ioon bōran ro jemān im jinen.

26 Bwe en̄in enaaj kien eo n̄an ro rej pād ilo aZaion, ak ilo jabdewōt stake ko an im em̧ōj kajutaki.

27 Im ro nejier renaaj apeptaij n̄an bjeorļo̧k in jero̧wiwi ko aer n̄e cruwalitōk iiō rūttoier, im bōk likūt pā ko ioer.

28 Im renaaj barāinwōt katakin ro nejier n̄an ajar, im n̄an etetal jejjet im̧aan Irooj.

29 Im ro rej pād ilo Zaion renaaj barāinwōt kōjparok araan in Jabōt n̄an kokwōjarjar e.

30 Im ro rej pād ilo Zaion barāinwōt renaaj keememej jerbal ko aer, toun wōt jitōn̄ er n̄an jerbal, ilo aolep tiljek; bwe ripād waan naaj pād ilo ememej im̧aan Irooj.

31 Kiiō, N̄a, Irooj, Ij jab em̧ōņōņō ippān ro rej pād ilo Zaion, bwe ewōr aripād waan ilubwiljier; im ro nejier rej barāinwōt rūttoļo̧k ilo bnana; rej barāinwōt cjab kanooj kappukot m̧weiie ko an indeeo, ak mejaer reobrak kōn arōk.

32 Men kein rej jab aikuj pād, im aikuj in jako jān ilubwiljier; kōn menin, rikarejera Oliver Cowdery en bōkiļo̧k ennaan kein n̄an āneen Zaion.

33 Im juon kien Ij leļo̧k n̄an er—bwe e eo ej jab kōm̧m̧ani ajar ko an im̧aan Irooj ilo iien ko aer, e enaaj pād ilo bememej im̧aan riekajet eo an armej ro Aō.

34 aEnnaan kein rej m̧ool im tiljek; kōn menin, jab rupi, im jab bkōjenikļo̧k jāni.

35 Lo, N̄aij aAlpa im Omega, im Ij bitok m̧ōkaj. Amen.