Jekjōn 48
Revelesōn letok kōn Josep Smith Rikanaan eo, ilo Kirtland, Ohio, M̧aaj 10, 1831. Rikanaan eo eaar kajjitōk jān Irooj kake jekjek in bōki bwidej ko n̄an an Ro Rekwōjarjar amņak ie. Men in ekar juon me eaorōk ilo wāween kalimjekļo̧k em̧m̧akūt eo an ro uwaan Kabun̄ in jān turear in United States, ilo pokake n̄an naan in jiron̄ eo an Irooj bwe ren aintok doon ilo Ohio (lale jekjōn kein 37:1–3; 45:64).
1–3, Ro Rekwōjarjar ilo Ohio rej itōn ajeji bwidej ko aer ippān ro jeir im jatier ilo kabun̄; 4–6, Ro Rekwōjarjar ren wia bwidej ko, kalōk juon jikin kwelo̧k, im ļoor kapilōk eo an opija ro rej tōl er.
1 E mennin aikuj bwe kom̧in pād wōt ilo iien in ilo jikin jokwe ko ami, āinwōt enaaj em̧m̧an n̄an jekjek ko kom̧ij pād ie.
2 Im toun wōt an wōr ami bwidej, kom̧ naaj aajeji n̄an ro jeiūm̧i im jātimi jān turear;
3 Im toun wōt an jab wōr ami bwidej, kōtļo̧k er n̄an wiaik ilo iien in ilo ijoko ipeļaakin, āinwōt n̄e em̧m̧an n̄an er, bwe emennin aikuj im ekkar bwe en wōr jikier n̄an jokwe n̄an iien in.
4 E mennin aikuj im ekkar bwe kom̧in kōjparok aolep jāān ko kom̧ maron̄, im bwe kom̧in bōk aolep kom̧ maron̄ ilo jim̧we, bwe ilo iien tokālik kom̧in maron̄ in awiaik bwidej n̄an jikin jolōt, bem̧ool jikin kwelo̧k eo.
5 Jikin eo eban kiiō kijōr in kwaļo̧k e; ak ālikin ro jeiūm̧i im jātimi rej itok jān rear ewōr jet aem̧m̧aan ro naaj jitōn̄ er, im n̄an er naaj leļo̧k e n̄an bjeļā jikin eo, ak n̄an er naaj kwaļo̧k e.
6 Im naaj jitōn̄ er n̄an wiaik bwidej ko, im n̄an kōm̧m̧ane juon ijjino n̄an jinoe pedped eo an ajikin kwelo̧k eo; innām kom̧ naaj jino kuktok ippān bnokwe ko ami, aolep em̧m̧aan ekkar n̄an baam̧le eo an, ekkar n̄an jekjek ko ej pād ie, im āinwōt jitōn̄ e n̄an e jān doulul in president ro im bisop eo an kabun̄ in, ekkar n̄an kakien ko im kien ko me kom̧ ar bōki, im ko kom̧ naaj bōki tokālik. Em̧ool āindein. Amen.