Jeje Ko Rekwojarjar
Katak im Bujen Ko 62


Jekjōn 62

Revelesōn letok kōn Josep Smith Rikanaan eo, ioon parijet in Missouri Reba ilo Chariton, Missouri, O̧kwōj 13, 1831. Ilo raan in Rikanaan eo im jar ko ippān, ro rekar etal ilo iaļ eo aer jān Independence n̄an Kirtland, raar ioon jet elder ro rekar itok ilo iaļ eo aer n̄an āneen Zaion, im, ālikin lem̧ōņōņō ilo iakiakwe doon, eaar bōke revelesōn in.

1–3, Naan in kam̧ool ro rej ļo̧o̧ki ilo lan̄; 4–9, Elder ro rej itōn etal im kwaļo̧k naan ekkar n̄an ekajet im āinwōt tōl jān Jetōb.

1 Lo, im eo̧ron̄, O kom̧ elder ro an kabun̄ eo Aō, Irooj ami Anij ej ba, em̧ool Jisōs Kraist, ami arijojomar, eo ejeļā m̧ōjņo̧ an armej im wāween bjipan̄ ro ckapo er.

2 Im em̧ool Meja rej pād ioon ro rej jan̄in kar wanlōn̄ļo̧k n̄an āneen Zaion; kōn menin mijen eo ami ejjan̄in kijōr in dipiio.

3 Mekarta, kom̧ jeraam̧m̧an, bwe anaan in kam̧ool eo me kom̧ij kwaļo̧ke rej bkanne ilo lan̄ bwe enjeļ ro ren lale; im rej m̧ōņōņō ioomi, im cjero̧wiwi ko am em̧ōj jeoriļo̧k jān kom̧.

4 Im kiiō wōnm̧aanļo̧k ilo ito-itak in ami. Kom̧in ainļo̧k kom̧ ioon āneen aZaion; im kōm̧m̧ane juon kwelo̧k im m̧ōņōņō ippān doon, im ajeļo̧k juon kwōjkwōj n̄an eo Eutiej Tata.

5 Innām kom̧ maron̄ ro̧o̧l n̄an kwaļo̧k kam̧ool, aaet, em̧ool aolep ippān doon, ak ruo ian ruo ian, āinwōt an em̧m̧an n̄an kom̧, ej jab aorōk n̄an Eō; kom̧in tiljek wōt, im akabun̄bun̄ļo̧k naan ko rem̧m̧an n̄an ro rej pād ioon laļ, ak ilubwiljin jarlepju in rijar ko an ro renana.

6 Lo, N̄a, Irooj Iaar bōktok kom̧ ippān doon bwe kallim̧ur eo en maron̄ kūrm̧ool, bwe ro retiljek ilubwiljimi ren maron̄ jokane im m̧ōņōņō ippān doon ilo bukwōn in Missouri. N̄a, Irooj, Ij kallim̧uri ro rej tiljek im Ij jab maron̄ ariab.

7 N̄a, Irooj, I m̧ōņōņō, eļan̄n̄e jabdewōt ilubwiljimi ekōņaan uwe ioon o̧o̧j ko, ak ioon donkey ko, ak ioon jariot ko, e naaj bōk kōjeraam̧m̧an in, eļan̄n̄e ej bōk e jān pein Irooj, kōn juon būruōn akam̧m̧oolol ilo aolep men otemjeļo̧k.

8 Men kein rej pād wōt ippemi n̄an kōm̧m̧an ekkar n̄an ekajet im tōl ko an Jetōb.

9 Lo, aaelōn̄ eo ej ami. Im lo, im lo, Ij pād bippān ro retiljek iien otemjej. Em̧ool āindein. Amen.