Jekjōn 118
Revelesōn letok kōn Josep Smith Rikanaan eo, ilo Far West, Missouri, Juļae 8, 1838, ilo uwaak n̄an owar ilo jar, “Kwaļo̧k n̄an kōm ankilam̧, O Irooj, kōn Jon̄oulruo ro.”
1–3, Irooj enaaj kakke aikuj ko an baam̧le ko an Jon̄oulruo ro; 4–6, Peļļo̧k ilo Jon̄oulruo rej kanni.
1 Em̧ool, āindein Irooj ej ba: Juon kwelo̧k en kōm̧m̧an kiiō wōt; Jon̄oulruo ro ren ko̧koņ er; im em̧m̧aan ro rej ijjitōn̄ n̄an abōk jikin ro em̧ōj aer kar wōtlo̧k.
2 Rikarejera aTomas en pād wōt n̄an jidik iien ilo āneen Zaion, n̄an kabun̄bun̄ļo̧k naan eo Aō.
3 Bwein jar eo en wōnm̧aanļo̧k wōt im kwaļo̧k naan jān awa en, im eļan̄n̄e renaaj kōm̧m̧ane men in ilo aolep ettā in bōro, ilo ineem̧m̧an im aettā, im bkijenmej, N̄a, Irooj, Ij leļo̧k n̄an er juon kallim̧ur bwe Inaaj kakke aikuj ko an baam̧le ko aer; im juon kōjām ewōr tokjān enaaj peļļo̧k n̄an er, jān iien eo m̧aanļo̧k.
4 Im jinoin rak eo ej itok ren likūt ijin im ilo̧k ioon dān ko reļļap, im ijeņ renaaj kajeededļo̧k gospel eo Aō, tarlep eo an, im kam̧ool kōn Eta.
5 Ren likūt ro rekwōjarjar Aō ilo jikin kwelo̧k in Far West, ilo ron̄ouljiljino raan in Eprōļ in ej itok, ioon ijo jikin kalōke m̧weo Im̧ō, Irooj ej ba.
6 Rikarejera Jon Taylor, im barāinwōt rikarejera Jon E. Page, im barāinwōt rikarejera Wilford Woodruff, im barāinwōt rikarejera Willard Richards, bwe ren jitōn̄e er n̄an kanne ijoko jikin ro rekar wōtlo̧k, im ren bōk ennaan eo jān kabun̄ kōn ijjitōn̄ in aer.