Jekjōn 9
Revelesōn kar letok kōn Josep Smith Rikanaan eo n̄an Oliver Cowdery, ilo Harmony, Pennsylvania, Eprōļ 1829. Oliver ej bōk naan in kōketak n̄an kijenmej im kar rōjan̄ e bwe en m̧ōņōņō in jeje, n̄an iien in, āinwōt an naan wōtlo̧k jān lo̧n̄iin riukok eo, im jab kajjion̄ in itōn ukok.
1–6, Bar jet ļo̧o̧k ko rej jan̄in ukok; 7–14, Bok in Mormon ej ukok jān ekkatak im jān kabab-laļ an jetōb.
1 Lo, Ij ba n̄an eok, nejū m̧aan, bwe kōnke kwaar jab aukok ekkar n̄an men eo kwaar kōņaan jān N̄a, im kar bar jino bjeje n̄an rikarejera, Josep Smith, Jun., em̧ool āindein I kōņaan bwe kwōn wōnm̧aanļo̧k m̧ae am naaj kadedeļo̧k ļo̧o̧k in, eo Iaar lōke e kake.
2 Innām, lo, abar jet bļo̧o̧k Ippa, bwe Inaaj lewōj n̄an eok kajoor bwe kwōn maron̄ jipan̄ ukōti.
3 Kwōn kijenmej, nejū m̧aan, bwe ej mālōtlōt ilo N̄a, im ej jab mennin aikuj bwe kwōn ukok ilo iien in.
4 Lo, jerbal eo me kar kūr eok n̄an kōm̧m̧ane ej n̄an jeje n̄an rikarejera Josep.
5 Im, lo, ej kōnke kwaar jab wōnm̧aanļo̧k āinwōt am kar jinoe, ke kwaar jino ukok, bwe em̧ōj Aō bōk jeraam̧m̧an in jān eok.
6 Kwōn jab aellotaan, nejū m̧aan, bwe e mālōtlōt ilo N̄a bwe Ikar m̧akūtkūt rot in ippam̧ ālikin wāween in.
7 Lo, kwaar jab meļeļe; kwaar kōtmāne bwe Inaaj kar lewōj e n̄an eok, ak kwe eaar jab wōr am̧ ļōmņak ijello̧kun wōt n̄an kajjitōk e Ippa.
8 Ak, lo, Ij ba n̄an eok, bwe kwōj aikuj aekkatak kake ilo ļōmņak eo am; innām kwōj aikuj bkajjitōk Ippa eļan̄n̄e e jim̧we, im eļan̄n̄e e jim̧we Inaaj kōm̧m̧an bwe en cmāāņāņ dbūruōm̧ iloam̧; kōn menin, kwo naaj een̄jake bwe e jim̧we.
9 Ak eļan̄n̄e ej jab jim̧we eban wōr am ejaake rot kein, ak enaaj wōr apok ilo am ļōmņak eo enaaj kōm̧m̧an bwe kwōn meļo̧kļo̧k men eo ebōd; kōn menin, kwōj jab maron̄ je men eo ekwōjarjar ijello̧kun wōt lewōj e n̄an eok jān Eō.
10 Kiiō, eļan̄n̄e kwaar jeļā men in kwo maron̄ kar aukok; ijoke, ej jab mennin aikuj bwe kwōn ukok kiiō.
11 Lo, e kar mennin aikuj ke kwaar ijjino; ak kwaar amijak, im iien eo emootļo̧k, im ej jab mennin aikuj kiiō;
12 Bwe, kwōj jab lo ke Iaar leļo̧k n̄an rikarejera aJosep ebwe maron̄, eo kake ej kabwe? Im ejjeļo̧k iaamiro Iaar liaakeļo̧k.
13 Kōm̧m̧ane men in me Iaar jiron̄ eok, im kwo naaj jeraam̧m̧an. Kwōn niknik, im jab po ilo akapo.
14 Jutak pen ilo ajerbal eo me Iaar bkūr eok n̄an e, im ejjeļo̧k juon kooļan bōram enaaj jako, im naaj ckotak eok ilo raan eo āliktata. Amen.