ဩဝါဒနှင့် ပဋိညာဉ်များ ၁၃၁

အပိုဒ်ငယ် ၁၃၁

၁၈၄၃ ခု၊ မေလ ၁၆ နှင့် ၁၇ ရက်၊ ရာမု၊ အီလီနွိုက်၌ ပရောဖက်ဂျိုးဇက်စမစ်ပေးခဲ့သည့် သွန်သင်ချက်များ။

၁–၄၊ ဆီလက်ရှယ်လ် အိမ်ထောင်ဖက်ပြုခြင်းသည် အမြင့်ဆုံး ကောင်းကင်ဘုံ၌ ချီးမြှောက်ခြင်းအတွက်မရှိမဖြစ် လိုအပ်၏။ ၅–၆၊ လူသားတို့အား ထာဝရအသက်သို့ အဘယ်သို့ တံဆိပ်ခတ်သည်ကို ရှင်းပြ ထား၏။ ၇–၈၊ စိတ်ဝိညာဉ်တစ်ခုလုံးသည် အရာဝတ္ထုဖြစ်၏။

၁ ဆီလက်ရှယ်လ်ဘုန်းအသရေ၌ ကောင်းကင်ဘုံ သို့မဟုတ် အဆင့် သုံးခုရှိ၏။

၂ အမြင့်ဆုံးကို ရရှိရန်၊ လူသည် ဤယဇ်ပုရောဟိတ်အခွင့် (အိမ်ထောင်ဖက်ပြုခြင်း၏ ထာဝရတည်မြဲသောပဋိညာဉ်သစ်ဟု ဆိုသော) သို့ ဝင်ရောက်ရမည်။

၃ ထိုသူသည် မဝင်ရောက်လျှင်၊ မရရှိနိုင်။

၄ ထိုသူသည် အခြားတစ်ခုထဲသို့ ဝင်ရောက်နိုင်၏၊ သို့ရာတွင်၊ ထိုအရာသည် သူ့နိုင်ငံတော်၏ အဆုံးဖြစ်၏။ တိုးပွားခြင်းကို မရရှိနိုင်။

၅ (၁၈၄၃ ခု၊ မေလ ၁၇ ရက်) ပရောဖက်ပြုချက်၏ ပို၍မြဲမြံသောစကားကဆိုလိုသည်မှာ လူသားသည် ဗျာဒိတ်တော်နှင့် ပရောဖက်ပြုဟောသောဝိညာဉ်တို့အားဖြင့်၊ သန့်ရှင်းသော ယဇ်ပုရောဟိတ်အခွင့်တန်ခိုးအားဖြင့်၊ ထာဝရအသက်သို့ တံဆိပ်ခတ်ထားကြောင်း သူ၏ သိခြင်း ဖြစ်၏။

၆ လူတစ်ယောက်အဖို့ အသိတရားကင်းမဲ့လျက် ကယ်တင်ခြင်းသို့ ရောက်ရန်မှာ မဖြစ်နိုင်။

၇ ထိုကဲ့သို့သော ဒြပ်မဲ့အရာဝတ္ထုမရှိ။ စိတ်ဝိညာဉ်တစ်ခုလုံး သည် အရာဝတ္ထုဖြစ်၏၊ သို့ရာတွင် ထိုအရာသည် ပို၍တင့်တယ် သို့မဟုတ် ပို၍စင်ကြယ်၏၊ စင်ကြယ်သောမျက်စိတို့ဖြင့်သာ ပိုင်းခြား၍ သိမြင်နိုင်၏။

၈ ကျွန်ုပ်တို့သည် ထိုအရာကို မမြင်နိုင်။ သို့ရာတွင် ကျွန်ုပ်တို့၏ကိုယ်ခန္ဓာတို့ စင်ကြယ်ကြသောအခါ ထိုအရာတစ်ခုလုံးသည် အရာဝတ္ထုဖြစ်ကြောင်း ကျွန်ုပ်တို့မြင်ကြလိမ့်မည်။