ဩဝါဒနှင့် ပဋိညာဉ်များ ၁၁၈

အပိုဒ်ငယ် ၁၁၈

“တစ်ဆယ့်နှစ်ပါးနှင့် စပ်လျဉ်း၍၊ အကျွန်ုပ်တို့အား ကိုယ်တော်၏အလိုတော်ကို ပြတော်မူပါ” ဟူသော ပတ္ထနာပြုခြင်းအတွက် အဖြေအဖြစ်၊ ၁၈၃၈ ခု၊ ဇူလိုင် ၈ ရက်၊ အနောက်ဖျား၊ မစ်ဆိုရီ၌ ပရောဖက်ဂျိုးဇက်စမစ်အားဖြင့် ပေးတော်မူခဲ့သည့် ဗျာဒိတ်တော်။

၁–၃၊ ကိုယ်တော်ရှင်သည် တစ်ဆယ့်နှစ်ပါး၏ မိသားစုများအတွက် ပေးသနားတော်မူလိမ့်မည်။ ၄–၆၊ တစ်ဆယ့်နှစ်ပါး၌ လစ်လပ်သောနေရာများကို ဖြည့်၏။

၁ ကိုယ်တော်ရှင်အမှန်မိန့်တော်မူသည်ကား၊ ညီလာခံတစ်ခုကို ချက်ချင်းကျင်းပစေလော့။ တစ်ဆယ့်နှစ်ပါးကို ဖွဲ့စည်းစေလော့။ ကျရှုံးသောသူတို့၏နေရာကို ထောက်ပံ့ရန် လူတို့ကို ခန့်အပ်ထားစေလော့။

၂ ငါ့ကျွန်သောမတ်စ်အား ငါ၏နှုတ်ကပတ်တော်ကို ပြောကြားစေရန်၊ ဇိအုန်ပြည်၌ ကာလအတန်အရာ ဆက်၍နေစေလော့။

၃ ကျန်ကြွင်းသောသူတို့ကို ထိုနာရီမှစပြီး၊ ဆက်၍ ဟောပြောစေလော့၊ သူတို့သည်လည်း ဤအမှုကို စိတ်နှလုံးနှိမ့်ချခြင်းဖြင့်၊ သိမ်မွေ့အောက်ကျို့ခြင်းနှင့် နှိမ့်ချခြင်း၊ ထို့အတူ စိတ်ရှည်ခြင်းတို့ဖြင့် ဆောင်ရွက်လျှင်၊ ငါ၊ ကိုယ်တော်ရှင်သည် သူတို့၏မိသားစုများအတွက် ပေးသနား တော်မူမည် ဖြစ်ကြောင်း ကတိထားတော်မူ၏။ ထိရောက်သောတံခါးသည်လည်း ယခုမှစ၍ ပွင့်လိမ့်မည်။

၄ လာမည့်နွေဦး၌ သူတို့အား ကြီးစွာသောရေတို့ကို ကျော်၍ထွက်ခွာစေ၊ ထို့အတူ ၎င်းနေရာ၌ ငါ၏ဧဝံဂေလိတရားတော်ကို၊ ပြည့်စုံခြင်းကို ကြေညာစေ၊ ထို့အတူ ငါ၏နာမတော်အကြောင်းကို သက်သေခံကြစေလော့။

၅ ငါ၏ကျွန်တို့ကို အနောက်ဖျားမြို့မှ၊ လာမည့် ဧပြီ နှစ်ဆယ့်ခြောက်တွင်၊ ငါ၏ အိမ်တော် တည်ဆောက်ရာ မြေကွက်မှ ထွက်ခွာကြစေလော့။

၆ ငါ့ကျွန်ဂျွန်တေလာ၊ ထို့အတူ ငါ့ကျွန်ဂျွန်အီးပေ့ဂ်ျ၊ ထို့အတူ ငါ့ကျွန်ဝီလဖို့ဝုဒရပ်ဖ်၊ ထို့အတူ ငါ့ကျွန်ဝီလာ့ဒ်ရစ်ချတ်တို့ကို ကျရှုံးလေသောသူတို့၏နေရာ၌ တာဝန်ထမ်းဆောင်ရန် ခန့်အပ်ခံစေလော့၊ သူတို့၏တာဝန်ကိုလည်း တရားဝင်ကြေညာစေလော့။