ဩဝါဒနှင့် ပဋိညာဉ်များ ၁၂၅

အပိုဒ်ငယ် ၁၂၅

အိုင်အိုဝါနယ်မြေရှိ သန့်ရှင်းသူတို့နှင့်စပ်လျဉ်း၍ ၁၈၄၁ခု၊ မတ်လ၊ နော်ဗူး၊ အီလီနွိုက်၌ ပရောဖက်ဂျိုးဇက်စမစ်သို့ ပေးတော်မူခဲ့သည့်ဗျာဒိတ်တော်။

၁–၄၊ သန့်ရှင်းသူတို့သည် မြို့များကို တည်ဆောက်၍ ဇိအုန်ပန္နက်များသို့ စုဝေးကြရမည်။

၁ အိုင်အိုဝါနယ်မြေရှိ သန့်ရှင်းသူတို့နှင့်စပ်လျဉ်း၍ ကိုယ်တော်ရှင်၏ အလိုတော်ကား အဘယ်အရာနည်း။

၂ ကိုယ်တော်ရှင်အမှန်မိန့်တော်မူသည်မှာ၊ သင်တို့ကို ငါဆိုသည်ကား၊ သူတို့ကိုယ်သူတို့ ငါ၏နာမတော်ဖြင့် ခေါ်၍ ငါ၏သန့်ရှင်းသူများဖြစ်ရန် အားထုတ်နေသူတို့သည် ငါ၏ အလိုတော်ကို လုပ်ဆောင်၍၊ သူတို့နှင့်စပ်လျဉ်းသည့် ငါ၏ ပညတ်တော်များကို စောင့်ထိန်းကြလျှင်၊ သူတို့အား ငါ့ကျွန် ဂျိုးဇက်စမစ် အားဖြင့် ငါခန့်အပ်ထားမည့် နေရာများသို့ သူတို့ကိုယ်သူတို့ အတူတကွ စုဝေးစေလော့၊ ထို့အတူ ငါ၏နာမတော်အဖို့ မြို့များကို တည်ဆောက်စေလော့၊ လာမည့်အချိန် အနည်းငယ်၌ ဘဏ္ဍာတိုက်မှာရှိသည့် အရာအတွက် သူတို့ပြင်ဆင်နိုင်စေခြင်းငှာပေတည်း။

၃ သူတို့ကို နော်ဗူးမြို့နှင့်ဆန့်ကျင်ဘက်မြေပေါ်၌ ငါ၏နာမတော်အဖို့ မြို့တစ်မြို့ကို တည်ဆောက်စေလော့၊ ဇရဟင်မလအမည်ကို ထိုမြို့ပေါ်၌ရှိစေလော့။

၄ ထိုမြို့၌ နေထိုင်လိုကြသူများ တည်းဟူသော၊ အရှေ့အရပ်မှ၊ ထို့အတူ အနောက်အရပ်မှ၊ ထို့အတူ မြောက်အရပ်မှ၊ ထို့အတူ တောင်အရပ်မှလာကြသည့် ခပ်သိမ်းသောသူတို့ကို နက်ရှေဗေလ်မြို့မှာကဲ့သို့၊ သို့မဟုတ် နော်ဗူးမြို့မှာကဲ့သို့ပင်၊ ထိုတူသောနေရာ၌၊ ထို့အတူ ငါခန့်အပ်ထားလေသည့် ခပ်သိမ်းသောပန္နက်တို့၌ သူတို့၏အမွေခံရာကို ရယူကြစေလော့ဟု ကိုယ်တော်ရှင်မိန့်တော်မူ၏။