1 දැන් එය මෙසේ සිදු විය, එනම් අනූ එක්වන වසර පසුව තිබූ අතර තවද ලීහායි ජෙරුසලෙමෙන් පිටත්ව ගිය කාලයේ සිට වසර හයසියයක් ගත වී තිබුණේය; තවද එනම් එය ලැකොනියස් ප්‍රධාන විනිශ්චයකරු සහ දේශය කෙරෙහි ආණ්ඩුකාරයා වූ වසරේදී විය.

2 තවද හීලමන්ගේ පුත්‍රයා වූ නීෆායි, ඔහුගේ වැඩිමහල් පුත්‍රයා වූ, ඔහුගේ පුත්‍ර වූ නීෆායි හට තවද තබන ලද සියලු වාර්තා සහ ලීහායි ජෙරුසලමෙන් පිටතට ගිය දා සිට පාරිශුද්ධ ලෙස තිබූ සියලු දේවල්, පිත්තල තහඩු සම්බන්ධයෙන් භාරකාරකම ලබාදී, සරහෙම්ලා දේශයෙන් පිටතට ගියේය.

3 ඉන්පසු ඔහු දේශයෙන් පිටතට පිටව ගිය අතර, තවද ඔහු ගියේ කොහේදැයි, කිසිඳු මනුෂ්‍යයෙකු නොදන්නේය; තවද ඔහුගේ පුත්‍ර වූ නීෆායි ඔහු වෙනුවට වාර්තා තබා ගත්තේය, එසේය, මෙම ජනතාවගේ වාර්තාවන්ය.

4 තවද එය මෙසේ සිදු විය, එනම්, අනූ දෙවන වසර ආරම්භයේදී, බලව, අනාගතවක්තෘවරුන්ගේ අනාවැකි වඩාත් සම්පූර්ණයෙන් ඉටු වීමට පටන් ගත්තේය; මක්නිසාද ජනතාව අතරෙහි බලවත් සළකුණු සහ බලවත් වූ හාස්කම් සිදු වීමට පටන් ගත්තේය.

5 එහෙත් එනම් ලේමන්වරයෙකු වූ සාමුවෙල්, විසින් කියන ලද්දාවූ වචන සම්පූර්ණ වීමට කාලය පසුවී ඇතැයි එහි සමහරුන් කීමට පටන් ගත්තෝය.

6 තවද ඔවුන් ඔවුන්ගේ සහෝදරයන් මත, මෙසේ කියමින් ප්‍රීති වන්නට පටන් ගත්තෝය: බලව කාලය පසුවී ඇත, තවද සාමුවෙල්ගේ වචන සම්පූර්ණ වී නැත්තේය; එසේහෙයින්, මෙම දේවල් සම්බන්ධව නුඹලාගේ ප්‍රීතිය සහ නුඹලාගේ ඇදහිල්ල නිෂ්ඵල වී ඇත්තේය.

7 තවද එය මෙසේ සිදු විය, එනම්, ඔවුන් දේශය මුළුල්ලෙහිම මහත් ඝෝෂාවක් ඇති කළෝය; තවද යම් හෙයකින් ප්‍රකාශ කල දේවල් සිදු නොවේයැයි, විශ්වාස කළාවූ ජනතාව ඉතා ශෝක වීමට පටන් ගත්තෝය.

8 එහෙත් බලව, ඔවුන්ගේ ඇදහිල්ල නිෂ්ඵල නොවූ බව ඔවුන් දැනගන්නා පිණිස, එනම් එහි රාත්‍රියක් නොමැතිවාක් මෙන් එම රාත්‍රිය සහ එම දවස එය එක දවසක් මෙන් විය යුතුසේ ඒ දවස සඳහා ස්ථිරවම ඔවුන් බලා සිටියෝය.

9 දැන් එය මෙසේ සිදු විය, එනම්, අනාගතවක්තෘ සාමුවෙල් විසින් දෙන ලද සළකුණ සිදු වන්නේ නම් මිස, එම සම්ප්‍රදායන් විශ්වාස කළාවූ සියල්ලන්ම මරණයට පත්කළ යුතු බවට, නොඇදහිලිවන්තයන් විසින් වෙන් කරන ලැබුවාවූ දවසක් තිබුණේය.

10 දැන් එය මෙසේ සිදු විය, එනම් නීෆායිගේ පුත්‍රයා වන නීෆායි, ඔහුගේ ජනතාවගේ මෙම දුෂ්ටකම දුටු විට, ඔහුගේ හදවත අතිශයින් ශෝකයට පත් විය.

11 තවද එය මෙසේ සිදු විය, එනම්, ඔහු පිටතට ගොස් තවද පොළොව මත වැඳ වැටී, එසේය, ඔවුන්ගේ පියවරුන්ගේ සම්ප්‍රදායන් තුළ ඔවුන්ගේ ඇදහිල්ල නිසා විනාශ වීමට ආසන්නව සිටි අය උදෙසා, තවද ඔහුගේ ජනතාව වෙනුවෙන් ඔහුගේ දෙවියන්වහන්සේ හට බලවත් ලෙස මොරගැසුවේය.

12 තවද එය මෙසේ සිදු විය, එනම්, ඔහු ඒ දවස මුළුල්ලෙහිම ස්වාමීන්වහන්සේ හට බලවත් ලෙස මොරගැසුවේය; තවද බලව, ස්වාමීන්වහන්සේගේ හඬ ඔහු වෙතට පැමිණ, මෙසේ කී සේක:

13 නුඹගේ හිස ඔසවා තවද ප්‍රීතිමත් වන්න; මක්නිසාද බලව, කාලය අත ළඟය, තවද මෙම රාත්‍රියේදී සළකුණ දෙනු ලබන්නේය, තවද එනම් මාගේ ශුද්ධ වූ අනාගතවක්තෘවරුන්ගේ මුවින් මා ප්‍රකාශ කරන්නට සැලැස්වූ සියල්ල සම්පූර්ණ කරන බව මා ලෝකය හට පෙන්වීම පිණිස, තවද පසුවදා මා ලෝකය තුළට පැමිණෙන සේක.

14 බලව, ලෝකයේ පටන්ගැන්මේ සිට මනුෂ්‍ය දරුවන් හට මා දන්වන ලද්දාවූ සියලුම දේවල් සම්පූර්ණ කිරීමට තවද පියාණන්වහන්සේගේ සහ පුත්‍රයාණන්වහන්සේගේ කැමැත්ත කිරීමට මා මාගේ ස්වකීයන් වෙතට පැමිණෙන සේක – මා නිසා පියාණන්වහන්සේත්, තවද මාගේ මාංශය නිසා පුත්‍රයාණන්වහන්සේත්ය. තවද බලව, කාලය අත ළඟය, තවද මෙම රාත්‍රියේදී සළකුණ දෙනු ලබන සේක.

15 තවද එය මෙසේ සිදු විය, එනම්, නීෆායි වෙතට පැමිණි එම වචන, ඒවා පැවසූ ආකාරයටම සම්පූර්ණ විය; මක්නිසාද බලව, හිරු බැස යන විට එහි අන්ධකාරය නොවීය; තවද රාත්‍රිය පැමිණි විට එහි අන්ධකාර නොවූ හෙයින්, ජනතාව මවිතයට පත් වීමට පටන් ගත්තෝය.

16 තවද එහි අනාගතවක්තෘවරුන්ගේ වචන විශ්වාස නොකළාවූ බොහෝ දෙනෙක් විය, ඔවුන් පොළොව මත වැටී තවද මරණයට පත්වූවාක් මෙන් විය, මක්නිසාද එනම් අනාගතවක්තෘවරුන්ගේ වචන විශ්වාස කළ අය සඳහා ඔවුන් තැබූ මහා විනාශයේ සැලැස්ම නිෂ්එල වූ බව ඔවුන් දැන සිටියෝය; මක්නිසාද දෙනු ලැබුවාවූ සළකුණ ඒ වන විටත් අත ළඟ විය.

17 තවද එනම් දෙවියන්වහන්සේගේ පුත්‍රයාණන් ඉක්මනින් ප්‍රකාශ විය යුතු බව ඔවුන් දැනගැනීමට පටන් ගත්තෝය. එසේය, කෙටියෙන්ම, පොළෝ තලය මත සිටියාවූ සියලුම මනුෂ්‍යයන් බටහිර සිට නැගෙනහිර දක්වාත්, උතුරු දේශයේ සහ දකුණේ දේශයන් දෙකේම අතිශයින් මවිතයට පත් වූ අතර එනම් ඔවුන් පොළොව මත වැටුණෝය.

18 මක්නිසාද එනම් අනාගතවක්තෘවරුන් වසර ගණනාවක සිට මෙම දේවල් සාක්ෂි දරා ඇති බවත්, තවද එනම් දෙන ලද්දාවූ සළකුණ දැනටමත් අත ළඟ බවත් ඔවුන් දැන සිටියෝය; තවද ඔවුන්ගේ අයුතුකම් සහ ඔවුන්ගේ අවිශ්වාසය නිසා ඔවුන් බිය වීමට පටන් ගත්තෝය.

19 තවද එය මෙසේ සිදු විය, එනම්, ඒ මුළු රාත්‍රිය මුළුල්ලෙහිම අන්ධකාරයක් නොවීය, එහෙත් එහි දහවල් මධ්‍යහනය මෙන් ආලෝකය විය. තවද එය මෙසේ සිදු විය, එනම් එහි නිසි පිළිවෙළට අනුව, උදෑසන නැවතත් හිරු උදා විය; මක්නිසාද දෙන ලද සළකුණ හේතුවෙන්, තවද එනම් ස්වාමීන්වහන්සේගේ උපත සිදු විය යුතු දවස එය බව ඔවුන් දැන සිටියෝය.

20 තවද එය මෙසේ සිදු විය, එසේය, සියලු දේවල්, සියලු ආකාරයම, අනාගතවක්තෘවරුන්ගේ වචනවලට අනුව සිදු විය.

21 තවද එය මෙසේ සිදු විය, එසේම, එනම් තවද වචනයට අනුව නව තාරකාවක් ද දර්ශනය විය.

22 තවද එය මෙසේ සිදු විය, එනම්, මෙම කාලයේ සිට සාතන් විසින්, ජනතාව අතරට බොරුව පෙරට ගෙන යාමට පටන් ගත්තේය, එය ඔවුන්ගේ හදවත් දැඩි කිරීම සඳහාත්, ඔවුන් දුටු එම සළකුණු සහ පුදුමයන් විශ්වාස නොකරන අරමුණෙන්ය; එහෙත් මෙම බොරු සහ මුළාවන් එසේතිබියදීත්, ජනතාවගෙන් වැඩි කොටසක් විශ්වාස කර, තවද ස්වාමීන්වහන්සේ වෙතට හැරුණෝය.

23 තවද එය මෙසේ සිදු විය, එනම්, නීෆායි ජනතාව අතරට ගොස්, තවද එසේම තවත් බොහෝ දෙනෙකුද, පසුතැවිල්ල වෙතට බෞතිස්ම කරමින්, එයින් මහත් පව් කමාවක් ලැබීය. තවද මෙසේ ජනතාව නැවතත් දේශයේ සාමය ඇති කර ගැනීමට පටන් ගත්තෝය.

24 තවද මෝසෙස්ගේ නීතිය පිළිපැදීම තවදුරටත් අවශ්‍ය නොවන්නේ යැයි ශුද්ධ ලියවිලි මඟින් ඔප්පු කිරීමට උත්සාහ කරමින් දේශනා කිරීමට පටන් ගත් කිහිප දෙනෙකු හැර, එහි කිසිඳු මතභේදයක් නොවීය. දැන් මෙම කාරණයේදී ඔවුන් ශුද්ධ ලියවිලි තේරුම් නොගෙන වැරදි කළෝය.

25 එහෙත් එය මෙසේ සිදු විය, එනම් ඔවුන් ඉක්මණින්ම හැරී, තවද ඔවුන් සිටි වැරැද්ද පිළිබඳ ඒත්තු ගැන්වී, මක්නිසාද නීතිය තවමත් සම්පූර්ණ වී නොමැති බව ඔවුන් හට දැනගැනීමට සැලැස්වූ අතර, තවද එනම් එය සෑම ආකාරයෙන්ම සම්පූර්ණ විය යුතු බවත්; එසේය, එය සම්පූර්ණ විය යුතු බවට වචනය ඔවුන්ට පැමිණියේය; එසේය, එහි සියල්ල සම්පූර්ණ වනතුරු එක බිංදුවක් හෝ අකුරක්වත් පහව නොයන්නේය; එසේහෙයින් මෙම වසරේදීම ඔවුන්ගේ වරද දැනගැනීමට පමුණුවන ලද්දේය, තවද ඔවුන්ගේ වැරදි පාපොච්චාරණය කරනු ලද්දේය.

26 තවද මෙසේ සියලු ශුද්ධවූ අනාගතවක්තෘවරුන්ගේ අනාවැකියේ වචනවලට අනුව සිදු වූ සළකුණු හේතුවෙන් ජනතාව හට යහපත් ආරංචිය ගෙන එමින් අනූ දෙවන වසර ගෙවී ගියේය.

27 තවද එය මෙසේ සිදු විය, එනම් දේශය ග්‍රහනව කඳුකරයේ වාසය කළාවූ ගැඩියැන්ටන් කොල්ලකරුවන් හැරුනු විට, අනූ තුන්වන වසරද එසේම සාමයෙන් ගෙවී ගියේය; මක්නිසාද ඔවුන්ගේ රහස් ස්ථානයන් ඉතා ශක්තිමත් ග්‍රහනයන් බැවින් එනම් ජනතාවට ඔවුන්ව යටත් කරගැනීමට නොහැකි විය; එසේහෙයින් ඔවුන් බොහෝ මිනීමැරුම් සිදු කළ අතර, තවද දරුණු ලෙස ජනතාව අතර මිනීමැරුම් සිදු කළෝය.

28 තවද එය මෙසේ සිදු විය, එනම්, අනූ හතරවන වසරේදී ඔවුන් බොහෝ සංඛ්‍යාවකින් වැඩි වීමට පටන් ගත්තෝය, මක්නිසාද නීෆායිවරුන්ගෙන් බොහෝ විරුද්ධවාදීන් ඔවුන් වෙත පලා ගිය අතර, එය දේශයේ රැඳී සිටියාවූ නීෆායිවරුන් හට බොහෝ ශෝකයක් ඇති කළේය.

29 තවද එහි එසේම ලේමන්වරුන් අතර මහත් ශෝකයට හේතුවක් විය; මක්නිසාද බලව, ඔවුන්ට බොහෝ දරුවන් සිටි අතර ඔවුන් වැඩෙමින් තවද වයසින් ශක්තිමත්ව වර්ධනය වීමට පටන් ගත්තෝය, එනම් ඔවුන් ඔවුන් වෙනුවෙන්ම වූ අතර, තවද සෝරාම්වරුන් වූ සමහරුන් විසින් ඔවුන්ගේ බොරු සහ චාටු බස් මඟින් එම ගැඩියැන්ටන් කොල්ලකරුවන්ට එක්වීමට ඔවුන්ව පෙරට ගෙන ගියෝය.

30 තවද මෙසේ ලේමන්වරුන් ද එසේම පීඩාවට පත් වූවෝය, තවද නැගී එන්නාවූ පරම්පරාවේ දුෂ්ටකම නිසා ඔවුන්ගේ ඇදහිල්ල සහ ධර්මිෂ්ඨකම අඩු වීමට පටන් ගත්තෝය.