Pagannurotan ti Pammati

Balabalaen ti Pagannurotan ti Pammati ti 13 a kangrunaan a puntos ti pammati kadagiti miembro ti Ti Simbaan ni Jesucristo dagiti Santo iti Ud-udina nga Aldaw. Immuna nga insurat ni Propeta Joseph Smith dagitoy iti surat ken ni John Wentworth, maysa nga editor ti pagiwarnak, kas sungbat iti kiddaw ni Mr. Wentworth a mangammo no ania ti patien dagiti miembro ti Simbaan. Naipablaak dagitoy idi agangay kadagiti pagiwarnak ti Simbaan. Maibilbilangda itan a nasantuan a kasuratan ken nairamanda iti Perlas a Kapatgan.