“Rritja e Biznesit Tim: Themeli Im: Kërkoni të Mësoni: Zgjidhni se Ku po Shkoni dhe Si të Arrini Atje”, Nisja dhe Rritja e Biznesit Tim për Mbështetjen te Vetja (2017)
“Rritja e Biznesit Tim: Themeli Im: Kërkoni të Mësoni: Zgjidhni se Ku po Shkoni dhe Si të Arrini Atje”
Si na krijon mundësi të mësuarit?
“Education for a Better Life”, [“Arsimim për një Jetë më të Mirë”], në dispozicion te srs.lds.org/videos. (Nuk keni material filmik? Lexoni tekstin e shkruar në fund të kësaj pjese.)
Çfarë donte Plaku Jozef W. Sitati kur ishte 13 vjeç? Çfarë bëri ai rreth kësaj?
Vargjet te Doktrina e Besëlidhje 88:118–119 dhe citimin nga Presidenti Gordon B. Hinkli
Hapi 1 : Lexoni citimin nga Presidenti Henri B. Ajring.
“Përgjërohuni që Shpirti t’ju tregojë atë që Zoti dëshiron që të bëni. Planifikoni që ta bëni këtë. Premtojini Atij se do të bindeni. Veproni me vendosmëri derisa ta keni bërë atë që Ai kërkoi. Dhe pastaj lutuni … për të ditur se çfarë mund të bëni [më tej].”
“Veproni Gjithë Zell”, Ensign ose Liahona , maj 2010, f. 63
Zoti ka një plan për ju. Ai ju ka bekuar me dhurata dhe talente të veçanta që do t’ju lejojnë të bëheni çdo gjë që Ai dëshiron që ju të bëheni. Ju mund ta përmbushni misionin tuaj këtu në tokë nëse jeni të zellshëm në kërkimin që ta kuptoni vullnetin e Tij për ju dhe t’i bindeni atij.
Hapi 2 : Përgjigjiuni pyetjeve më poshtë që të filloni të krijoni përfytyrimin apo “misionin e jetës” suaj. Nuk do të keni kohë ta përfundoni këtë tani, por të paktën shkruani idetë kryesore. Ju mund ta përpunoni dhe përmirësoni “misionin e jetës” suaj në të ardhmen.
Misioni i Jetës Sime
Ku dua të jem pas pesë vjetësh?
Përse?
Çfarë aftësish, njohurish ose përvojash më nevojiten për të arritur atje?
Zotohuni që t’i bëni veprimet vijuese gjatë javës.
Plotësoni veprimtaritë “Krijimi i Synimeve” dhe “Gjetja e një Këshilluesi” më poshtë.
Përfundoni së shkruari planin e “misionit të jetës” suaj dhe diskutojeni atë me familjen ose miqtë tuaj.
Kërkojini dikujt të jetë këshilluesi juaj dhe caktoni një kohë për t’u takuar.
Hapi 1 : Lexoni citimin nga Presidenti Hauard W. Hanter. Nëpërmjet punës drejt synimeve, ne i shndërrojmë shpresat tona në veprim.
“Ky është një ungjill i pendimit dhe ne kemi nevojë të pendohemi dhe të zgjedhim të veprojmë më mirë. Me të vërtetë, procesi i pendimit, i bërjes së zotimeve dhe i vendosjes së synimeve duhet të jetë i vazhdueshëm. … Jua rekomandoj këtë praktikë.”
“The Dauntless Spirit of Resolution” (takim shpirtëror në universitetin “Brigam Jang”, 5 janar 1992), f. 2, speeches.byu.edu
Synimet duhet:
Të jenë specifike dhe të matshme.
Të shkruhen diku dhe të vendosen atje ku mund t’i shihni çdo ditë.
Të kenë afate për t’u përmbushur.
Të kërkojnë veprime të veçanta për t’i përmbushur.
Të rishikohen, raportohen dhe përditësohen vazhdimisht.
Hapi 2 : Në një fletë të veçantë letre, shkruani dy ose tri synime që do t’ju ndihmojnë të arrini “misionin e jetës” suaj. Ndiqeni shembullin më poshtë. Vendoseni letrën atje ku mund ta shihni çdo ditë.
Synimi
Përse?
Hapa të Veçantë për ta Arritur Synimin
Rendi Kohor
Kujt do t’ia Raportoj Përparimin Tim?
SHEMBULL:
Të lexoj nga Libri i Mormonit për 30 minuta çdo ditë.
Që të mund të marr udhëheqje të përditshme nga Fryma e Shenjtë.
1. Të ngrihem në orën 6:30 të mëngjesit.
2. Të lexoj përpara se të ha mëngjes.
3. Ta shënoj përparimin tim në tabelë.
Unë do të bëj një vlerësim të përparimit tim çdo natë përpara se të shkoj në shtrat.
Unë do t’ia tregoj tabelën time të përparimit një pjesëtari të familjes çdo të diel.
Hapi 1: Lexoni citimin nga Plaku Robert D. Hejls.
“Në vitet e mia të moshës madhore, unë kam kërkuar këshillë nga prindërit e mi dhe nga këshilltarë besnikë e të besuar. Njëri ishte një udhëheqës i priftërisë; tjetri një mësues që besoi tek unë. … Me lutje zgjidhni këshillues që shqetësohen sinqerisht për mirëqenien tuaj shpirtërore.”
“Përballja me Sfidat e Botës së Sotme”, Ensign ose Liahona , nëntor 2015, f. 46
Mund t’ju nevojitet dikush me shumë përvojë për t’iu përgjigjur pyetjeve tuaja – dikush që e ka bërë atë që doni të bëni. Këshillues të tjerë mund të jenë miqtë ose pjesëtarët e drejtë të familjes. Këta janë njerëz që janë të gatshëm të shpenzojnë kohë duke ju nxitur të bëni ndryshime në jetën tuaj dhe duke ju mbajtur përgjegjës për të përparuar.
Hapi 2 : Mendoni rreth llojit të ndihmës që ju nevojitet. Shkruani një listë të njerëzve që mund të jenë këshilluesit tuaj. Përsiatni dhe lutuni për listën tuaj me emra.
Hapi 3 : Përgjigjiuni pyetjeve më poshtë që të filloni një marrëdhënie këshillimi. Për ta ftuar dikë që të jetë këshilluesi juaj, ju thjesht mund të pyetni: “Po përpiqem të bëj një ndryshim në jetën time. A do të ishit i gatshëm të më ndihmoni?”
Këshilluesi Im
Kë do të donit të ishte këshilluesi juaj?
Kur do t’i kërkoni atij apo asaj për të qenë këshilluesi/ja juaj?
Kur mund të takoheni për t’i treguar “misionin e jetës” suaj dhe synimet tuaja?
Sa shpesh do të donit të takoheshit me këshilluesin/en tuaj?
Hapi 4 : Mbani mend se ju jeni përgjegjës për “misionin e jetës” suaj. Kur takoheni me këshilluesin tuaj:
Shqyrtoni përparimin tuaj.
Shqyrtoni pengesat në përparimin tuaj dhe atë që po bëni për t’i kapërcyer ato.
Shqyrtoni veçanërisht atë që planifikoni të bëni përpara se të takoheni me këshilluesin tuaj sërish.
Nëse nuk jeni në gjendje ta shikoni materialin filmik, zgjidhni një anëtar të grupit për ta lexuar tekstin vijues.
Pamja
Education for a Better Life [Arsimim për një Jetë më të Mirë]
Plaku Jozef W. Sitati : Në moshën 13‑vjeçare jetoja në një pjesë tepër rurale të Kenias. Njerëzit kishin shumë pak gjëra. Por ata që dukej se mund t’i kishin gjërat që të tjerët i admironin, ishin ata që kishin arsimim të mirë. Arrita ta kuptoj se arsimi ishte çelës për një jetë më të mirë.
Vazhdonte të më vinte mendimi që të shkoja e të flisja me drejtorin e njërës prej shkollave që dëshiroja me të vërtetë ta frekuentoja. Më nevojitej biçikleta e babait për ta bërë këtë udhëtim që më mori gjysmë dite. Nuk kisha dalë kurrë prej fshatit tim. Nuk dija se si të flisja anglisht shumë mirë dhe ky drejtor ishte një burrë i bardhë. Kurrë më parë nuk kisha takuar apo folur drejtpërdrejt me një burrë të bardhë, kështu që ky ishte një mendim që më trembi.
Diçka brenda meje vazhdonte të më shtynte dhe të më thoshte që duhej ta bëja këtë, kështu që u nisa për ta takuar drejtorin. Kur e vështrova, mund të shikoja se ai qe pothuaj i befasuar ta shihte këtë të ri të qëndronte si ushtar përpara tij. Nga sytë dukej dashamirës dhe kjo më dha zemër. I thashë se doja me të vërtetë të hyja në shkollën e tij dhe do të isha shumë i lumtur nëse do të më pranonte. Pastaj ai tha: “E po, do të shohim kur të dalin rezultatet e provimit”. I thashë: “Faleminderit, zotëri”. Në më pak se katër minuta dola nga zyra.
Ato katër minuta që kalova në atë zyrë, ishin çastet vendimtare në jetën time. Isha i vetmi nxënës nga shkolla ime fillore që u përzgjodh në një nga shkollat më të mira në zonën tonë. Fakti që ky burrë i mirë ma kishte dhënë këtë mundësi, më bëri mirënjohës dhe më frymëzoi që të përpiqesha të isha nxënësi më i mirë në klasën time.
Kjo hapi mundësi të reja për mua që të shkoja në një tjetër shkollë të mirë dhe më pas të përgatitesha për në universitet. Arsimimi im bëri të mundur që ta gjeja bashkëshorten time në universitet. Më aftësoi që të gjeja një punë në qytet. Ndërkohë që jetonim në Nairobi, ne u ndeshëm me një çift misionarësh që na ftuan në shtëpinë e tyre, ku ata kishin mbledhje me ata që ishin anëtarë të Kishës. Po të mos kisha qenë në Nairobi në atë kohë, nuk do ta kisha gjetur kurrë ungjillin. Fakti që isha në një punë të sigurt, më mundësoi të shërbeja në Kishë.
Dëshmoj se arsimi është një çelës për mbështetjen te vetja. Do të hapë shumë rrugë që ju të mund të jeni në gjendje të siguroni për veten tuaj materialisht si edhe të bëheni të mbështetur te vetja shpirtërisht.