Themeli Im: Mbështetja te Vetja Është një Parim Shpëtimi

Koha Maksimale: 20 Minuta

Përsiatni:

Gjoni 10:10.

Gjoni 10:10

“Unë kam ardhur që të kenë jetë e ta kenë me bollëk.”

Diskutoni:

Çfarë është një jetë me bollëk?

Shikoni:

“He Polished My Toe” [“Më Lustroi Gishtin e Këmbës”], në dispozicion te srs.lds.org/videos. (Nuk keni material filmik? Shihni tekstin e shkruar në fund të këtij mësimi.)

Diskutoni:

A besoni se ka zgjidhje për problemet tuaja? Si mund të kualifikohemi që fuqia e Zotit të na ndihmojë?

Lexoni:

Referencën nga Manuali 2 dhe citimin nga Plaku Dallin H. Ouks.

Manuali 2: Administrimi i Kishës

“Mbështetja tek vetja është aftësia, zotimi dhe përpjekja për të siguruar nevojat shpirtërore dhe fizike të jetës për vete dhe familjen. Kur anëtarët bëhen të mbështetur tek vetja, ata janë gjithashtu më të aftë që të shërbejnë e të kujdesen për të tjerët.”

(2010), 6.1.1

Plaku Dallin H. Ouks

“Çfarëdo që na bën të jemi të varur nga dikush tjetër për vendime apo burime që mund t’i siguronim vetë, na dobëson shpirtërisht dhe e vonon rritjen tonë drejt asaj që plani i ungjillit synon që ne të jemi.”

“Repentance and Change”, Ensign ose Liahona, nënor 2003, f. 40

Të jesh i mbështetur te vetja nuk do të thotë që ne mund të bëjmë apo arrijmë çdo gjë që na vjen në mendje. Përkundrazi, do të thotë të besojmë se nëpërmjet hirit apo fuqisë aftësuese të Jezu Krishtit dhe vetë përpjekjes sonë, ne mund t’i plotësojmë të gjitha nevojat shpirtërore e materiale të jetës që kërkojmë për veten tonë dhe familjet tona. Mbështetja te vetja është provë e mirëbesimit apo besimit tonë te fuqia e Perëndisë për të lëvizur male në jetën tonë dhe për të na dhënë forcë që të triumfojmë mbi sprovat dhe vuajtjet.

Diskutoni:

Si ju ka ndihmuar hiri i Krishtit për t’i plotësuar nevojat shpirtërore dhe materiale të jetës?

Veprimtari (5 minuta)

Hapi 1: Zgjidhni një partner dhe lexojeni secilin parim më poshtë.

Parimet Doktrinore të Mbështetjes te Vetja
1. Mbështetja te vetja është një urdhërim.	“Kisha dhe anëtarët e saj urdhërohen nga Zoti të mbështeten te vetja dhe të jenë të pavarur” (Teachings of Presidents of the Church: Spencer W. Kimball [2006], f. 116).
2. Perëndia mund dhe do të sigurojë një mënyrë që fëmijët e Tij të drejtë të bëhen të mbështetur te vetja.	“Dhe është qëllimi im për të siguruar për shenjtorët e mi, sepse gjithë gjërat janë të miat” (DeB 104:15).
3. Materialja dhe shpirtërorja janë një për Perëndinë.	“Si rrjedhim, me të vërtetë unë ju them se gjithë gjërat për mua janë shpirtërore” (DeB 29:34).

Hapi 2: Me partnerin tuaj diskutoni përse besimi te këto të vërteta mund t’ju ndihmojë të bëheni më të mbështetur te vetja.

Diskutoni:

Lexoni citimin nga Presidenti Marion G. Romni. Si e dini nëse po bëheni më i mbështetur te vetja?

Presidenti Marion G. Romni

“Pa mbështetje te vetja një njeri nuk mund t’i ushtrojë këto dëshira të brendshme për të shërbyer. Si mundemi të japim nëse nuk kemi asgjë? Ushqim për të uriturit nuk mund të vijë nga rafte bosh. Para për të ndihmuar nevojtarët nuk mund të vijnë nga një portofol bosh. Përkrahje dhe mirëkuptim nuk mund të vijnë nga dikush që është i uritur emocionalisht. Mësimdhënia nuk mund të vijë nga një i pamësuar. Dhe më e rëndësishmja nga të gjitha, udhërrëfim shpirtëror nuk mund të vijë nga i dobëti shpirtërisht.”

“The Celestial Nature of Self-Reliance”, Ensign, nëntor 1982, f. 93

Zotohuni:

Zotohuni që ta bëni veprimin vijues gjatë javës:

• Lexojeni letrën nga Presidenca e Parë në fillim të këtij manuali dhe përcaktoni bekimet e premtuara. Çfarë duhet të bëni për t’i marrë ato? Shkruajini mendimet tuaja më poshtë.

• Tregojani familjes apo miqve tuaj atë që keni mësuar sot rreth mbështetjes te vetja.

He Polished My Toe [Më Lustroi Gishtin e Këmbës]

Nëse nuk jeni në gjendje ta shikoni materialin filmik, zgjidhni një anëtar të grupit për ta lexuar tekstin vijues.

He Polished My Toe [Më Lustroi Gishtin e Këmbës]

Plaku Enrike R. Falabela:

Kur po rritesha, ne nuk kishim shumë të ardhura. Më kujtohet një ditë kur iu afrova babait tim dhe i thashë: “Baba, më nevojiten një palë këpucë të reja. Këto të vjetrat janë grisur tashmë.” Ai ndaloi dhe vështroi këpucët e mia dhe pa që vërtet ishin të grisura. Ai tha: “Mendoj se kjo është diçka që mund ta rregullojmë”. Ai mori pak bojë të zezë dhe m’i lustroi këpucët, duke i lënë me shkëlqim dhe bukur. Ai më tha: “Tani i ke në rregull, bir”. U përgjigja: “Jo, ende jo. Ende mund ta shohësh gishtin që më del nga këpuca.” Ai tha: “Epo, mund ta rregullojmë edhe atë!” Ai mori edhe pak bojë dhe lustroi gishtin tim.

Atë ditë mësova se ka zgjidhje për çdo problem. Unë jam i bindur se ky parim i mbështetjes te vetja dhe kjo nismë është një mënyrë për ta përshpejtuar punën e Zotit. Ajo është pjesë e punës për shpëtim.

Të gjithë ne mund të bëhemi më të mirë nga sa jemi tani. Ju duhet ta largoni apatinë. Shumë herë bëhemi të vetëkënaqur dhe kjo e shkatërron përparimin tonë. Çdo ditë është një ditë që mund të përparoj nëse vendos të bëj diçka ndryshe për ta përmirësuar atë që e kam bërë keq në të kaluarën. Nëse e bëni me besim, duke ushtruar besim e shpresë në Krishtin, që Ai do të jetë atje për t’ju ndihmuar, ju do ta gjeni mënyrën për të përparuar në gjëra materiale dhe shpirtërore. Kjo është ngaqë Perëndia jeton dhe ju jeni biri apo bija e Tij.