2: Mësoni

“Zgjidhja e Nevojave të Paplotësuara të Klientëve: Mësoni”, Nisja dhe Rritja e Biznesit Tim për Mbështetjen te Vetja (2017)

“Zgjidhja e Nevojave të Paplotësuara të Klientëve: Mësoni”

Mësoni

Koha Maksimale: 70 Minuta

1. Përse Blejnë Njerëzit?

Shikoni:

“Why Do People Buy” [“Përse Blejnë Njerëzit”], në dispozicion te srs.lds.org/videos. (Nuk keni material filmik? Lexoni tekstin e shkruar në fund të kësaj pjese.)

Pamja

kutia e vënies në punë të materialit filmik

Diskutoni:

Çfarë mësuat nga ky material filmik rreth arsyes përse blejnë njerëzit?

2. Mësoni se si t’i Plotësoni dhe Përcaktoni Nevojat e Klientëve

Lexoni:

Pronarët e suksesshëm të bizneseve përpiqen t’i kuptojnë dhe plotësojnë nevojat e paplotësuara të klientëve. Të kuptuarit e nevojave të klientëve është një mundësi e vazhdueshme që kërkon përpjekje, kohë dhe këmbëngulje domethënëse. Nevojat e klientëve tuaj do të ndryshojnë herë pas here, prandaj vazhdimisht do të keni nevojë që ta përshtatni biznesin tuaj për t’i plotësuar ato. Kjo është e vërtetë nëse po konsideroni një mundësi të re biznesi ose administroni një biznes ekzistues. Kjo pjesë do t’ju ndihmojë të mësoni se si ta përcaktoni larminë e nevojave që mund të kenë klientët tuaj.

Pamja

Një grua dhe një burrë duke përdorur një kompjuter portativ

Veprimtari (10 minuta)

Hapi 1: Individualisht shqyrtoni listën vijuese të kategorive të bizneseve. Përzgjidhni një kategori që ju intereson dhe që ka nevoja klientësh që keni mundësi t’i plotësoni. Nëse asnjë nga kategoritë në listë nuk përkon me interesat tuaja, krijoni vetë kategoritë tuaja.

Shërbime të kontabilitetit	Industria ushqimore	Shërbime të përkujdesjes për të moshuarit
Zhvillimi i programeve kompjuterike	Flokëtore	Shërbime të mjeteve shoqërore të komunikimit
Shërbime për automjete	Sigurimet	Mësime sporti
Ushqime për bankete	Shërbime ligjore	Shërbime përkthimesh
Shërbime pastrimi	Shërbime lëvizjeje	Këshillime
Riparim kompjuterësh	Mësime muzike	Krijim faqesh interneti
Qepje rrobash	Trajner personal	Shërbime martesore
Analiza të dhënash	Kujdes për kafshët	Kujdes për oborret
Planifikim festimesh	Fotografi	Të Tjera:

Hapi 2: Brenda kategorisë së zgjedhur, shkruani tri nevoja për të cilat njerëzit do të paguanin para. Më pas shkruani një mundësi biznesi që do ta plotësonte atë nevojë. Për shembull, nëse keni interes për shërbime martesore, disa mundësi biznesi që mund të plotësojnë një nevojë, përfshijnë ato që vijojnë.

Nevoja e Klientit	Mundësia e Biznesit
Ftesa dasme që duken të pashoqe	Kaligrafi për ftesat e dasmës posaçërisht për klientin
Materiale filmike novatore dasme	Dronë për fotografitë e dasmës
Vështirësi në dërgimin e kartolinave të falënderimit	Një shërbim që dërgon për çiftin kartolina të veçanta falënderimi

Nevoja e Klientit	Mundësia e Biznesit
1.
2.
3.

Hapi 3: Ndahuni në dyshe dhe tregoni listën e mundësive të biznesit që i shkruat.

Lexoni:

Që të keni mundësi të suksesshme biznesi, ju duhet të plotësoni një nevojë ose të zgjidhni një problem për të cilin njerëzit janë të gatshëm të paguajnë. Për të përcaktuar nëse njerëzit do të jenë të gatshëm të paguajnë për shërbimin ose produktin tuaj, ju keni nevojë të flitni me ta për të. Duke folur me klientë të mundshëm, ju mund ta vlerësoni kërkesën për shërbimin ose produktin tuaj dhe të shihni nëse është i mjaftueshëm për t’i mbështetur shitjet që ju nevojiten për të pasur sukses biznesi juaj. Përshtypjet nga klientët gjithashtu mund të ndihmojnë për ta përpunuar idenë e biznesit tuaj.

Fillojeni ta vini herët në provë me klientët idenë e biznesit tuaj – përpara se të investoni shumë nga koha ose paratë – për të parë nëse ka një treg për të. Shumica e pronarëve të bizneseve duhet t’i përshtatin dhe përpunojnë shumë herë idetë e tyre dhe hollësitë që gjenden në bizneset e tyre përpara se të gjejnë ofertën e duhur që ka potencialin për të pasur sukses.

Nëse njerëzit nuk kanë interes të fortë për shërbimin ose produktin tuaj dhe nuk janë të gatshëm të paguajnë për të, edhe pasi e përpunoni, fillojeni nga fillimi me një ide tjetër. Mos vazhdoni të investoni në një ide që nuk ka mundësi të fortë për sukses.

Përveç që të flisni me klientë të mundshëm për ta vlerësuar idenë e biznesit tuaj, ju keni nevojë të bëni hulumtim tjetër. Zoti ka këshilluar: “Studio[je] atë tërësisht në mendjen tënde” (DeB 9:8). Nëse njerëzit janë të gatshëm të paguajnë për shërbimin ose produktin tuaj, ky është një fillim i mirë, por keni nevojë të vazhdoni ta vini në provë dhe ta përpunoni idenë tuaj. Studioni se çfarë po bëjnë konkurrentët tuaj. Hulumtojeni informacionin në internet dhe lexoni botimet për sektorin e industrisë. Flisni me ekspertë të cilët dinë rreth llojit të biznesit që po shqyrtoni. Këto përpjekje do t’ju ndihmojnë ta kuptoni mjedisin e biznesit dhe të merrni parasysh mundësitë dhe rreziqet e mundshme. Këto përpjekje gjithashtu do t’ju ndihmojnë të zhvilloni dhe përpunoni idenë e biznesit tuaj nisur nga faktet, njohuria dhe të dhënat.

3. Vëzhgimi i Ndryshimit dhe Përfitimi prej Tij

Lexoni:

Ndryshimi është kudo përreth nesh dhe po ndodh gjithmonë. Shumë njerëz e kanë frikë ndryshimin. Gjithsesi, pronarët e suksesshëm të bizneseve e mirëpresin ndryshimin ngaqë i lejon t’u drejtohen nevojave të paplotësuara dhe të zgjidhin probleme. Ata vazhdimisht vëzhgojnë dhe parashikojnë ndryshimet dhe prirjet. Ata veprojnë shpejt me këto mundësi.

Disa ndryshime për të cilat interesohen pronarët e bizneseve, përfshijnë:

Ndryshimet demografike. Ka ndryshime të popullatave bazuar në gjininë, moshën, racën, etninë, fenë, gjuhën, të ardhurat, arsimimin dhe faktorë të tjerë.
Ndryshimet rregullatore ose të vendosura nga qeveria. Këto rrjedhin nga ligjet, rregulloret apo urdhrat prej qeverive ose trupave të tjerë autoritarë.
Ndryshimet teknologjike. Këto janë risi ose shpikje që e përmirësojnë efektshmërinë ose arrijnë përfitime të tjera.
Ndryshimet kulturore. Këto janë ndryshime në vlerat, normat dhe përfitimet e një grupi, të cilat ndikojnë te sjellja.

4. Gjetja e Pasionit Tim dhe Nxjerrja e Mësimeve nga Përvoja Ime

Lexoni:

Ne të gjithëve na janë dhënë dhurata nga Ati ynë në Qiell (shih DeB 46:11). Pronarët e suksesshëm të bizneseve shpesh ndjekin biznese që përshtaten me dhuntitë, talentet, pasionet dhe interesat e tyre. Interesi i tyre kryesor zakonisht nuk është paraja; përkundrazi, është zgjidhja e një problemi ose plotësimi i një nevoje për të cilën interesohen shumë. Këta pronarë biznesesh shpesh e shpenzojnë kohën e tyre të lirë duke menduar rreth biznesit të tyre, sepse ata kanë interes të madh që të sjellin një ndryshim pozitiv. Kjo ndjesi qëllimi siguron zotim ndaj cilësisë dhe përsosurisë së biznesit – dhe pathyeshmëri e shtytje gjatë kohëve të vështira.

Pronarët e suksesshëm të bizneseve shpesh kanë përvojë pune në sektorin e biznesit të tyre, duke punuar në një sektor që ka lidhje me të ose duke qenë klientë të shërbimeve ose produkteve të sektorit. Kjo përvojë shpesh u jep pronarëve të bizneseve njohuri për konkurrencën, lidhje të vlefshme dhe vetëdije për problemet dhe nevojat e paplotësuara të klientëve.

Shikoni:

“Unmet Needs” [“Nevojat e Paplotësuara”], në dispozicion te srs.lds.org/videos. (Nuk keni material filmik? Lexoni tekstin e shkruar në fund të kësaj pjese.)

Pamja

kutia e vënies në punë të materialit filmik

Veprimtari (20 minuta)

Hapi 1: Kjo veprimtari do t’ju ndihmojë të shqyrtoni mënyrën se si pasionet dhe aftësitë tuaja mund t’ju çojnë drejt një mundësie të mirë biznesi. Me këtë në mendje, individualisht merrni parasysh pesë pyetjet vijuese dhe shkruani përgjigjet tuaja.

Nëse do të kisha një ditë të lirë për të bërë diçka që kisha interes, si do ta kaloja atë ditë?

Ku mund ta jap ndihmesën më të madhe me talentet e mia në shërbim të të tjerëve në një mënyrë domethënëse?

Cilat janë tri aftësi që i kam, që mund t’i përdor për të fituar para?

Cilët janë tri sektorë ose fusha ku kam përvojë pune domethënëse ose njohuri dhe interes të madh?

Çfarë nevojash ose problemesh që nuk janë zgjidhur, ekzistojnë në këto fusha?

Hapi 2: Ndahuni në grupe. Tregojini partnerit tuaj një nevojë ose problem që ju do të ishit plot pasion dhe të zotuar ta zgjidhnit. Mund të jetë një nevojë ose problem për të cilin keni përvojë ose ide të rëndësishme.

Pamja

ikona Planifikuesi i Biznesit Vetjak

Hapi 3: Nisur nga bashkëbisedimi që sapo e keni pasur, plotësoni rreshtat në nënndarjen “Pasionet dhe aftësitë që kam” në Planifikuesin tuaj të Biznesit Vetjak. Ju lutemi të shkruani me laps, ngaqë mund të doni ta përditësoni këtë pjesë në të ardhmen.

5. A Ka Epërsi Konkurruese Mundësia e Biznesit Tim?

Lexoni:

Të gjitha bizneset kanë konkurrentë, prandaj biznesi juaj ka nevojë të ketë epërsi konkurruese që të nxjerrë fitim dhe t’i ruajë klientët. Që të ketë epërsi konkurruese, biznesi juaj ka nevojë të jetë i ndryshëm ose më i mirë sesa konkurrentët tuaj. Një epërsi konkurruese shpesh siguron një pengesë për hyrjen, e cila e bën të vështirë për konkurrentët që ta kopjojnë shërbimin ose produktin tuaj.

Shikoni:

“Competitive Advantage” [“Epërsia Konkurruese”], në dispozicion te srs.lds.org/videos. (Nuk keni material filmik? Lexoni tekstin e shkruar në fund të kësaj pjese.)

Pamja

kutia e vënies në punë të materialit filmik

Diskutoni:

Çfarë mësuat nga ky material filmik rreth mënyrës se si t’i zbuloni epërsitë konkurruese që mund të keni?

Lexoni:

Pronarët vijues i ngritën bizneset e tyre përqark tri epërsive konkurruese shumë të ndryshme.

Pamja

Tre shembuj të epërsisë konkurruese

Diskutoni:

Çfarë llojesh të epërsive konkurruese keni vërejtur në bizneset vendore?

Burimet

Përse Blejnë Njerëzit?

Zgjidhni dy anëtarë të grupit që ta lexojnë tekstin vijues:

Daniela: I dua shumë qentë. Dhe më pëlqen t’i mahnit njerëzit! Atëherë thashë përse të mos i ndërthur në një karrierë dy gjërat që i dua!

[Materiali filmik tregon Danielën në kabinën “Qenushi i Mahnitur” duke mbajtur një qen të vogël me një shprehje të pështjelluar. Qeni ka veshur një xhaketë të mbuluar me diamante të rreme dhe kollare.]

Solomoni: Dhe si të shkoi ajo?

Daniela: Le të themi se po lehja në drejtimin e gabuar.

Solomoni: Duket se ke nevojë të bësh pak hulumtim për tregun.

Daniela: Kjo duket si diçka që nuk kam asnjë lloj ideje se si ta bëj.

Solomoni: E po, mendo për njerëzit të cilëve po përpiqesh t’u shesësh. Ata janë tregu yt. Nga ajo pikë, thjesht ka rëndësi që t’u bësh atyre pyetjet e duhura.

Daniela: Do të thuash që duhet t’i pyes qentë nëse u pëlqen të mahniten?

Solomoni: Dua të them që duhet të pyesësh njerëzit që kanë qenë, se çfarë duan dhe sa shumë janë të gatshëm të paguajnë për të. Ne të gjithë e dimë se njerëzit që kanë qenë, i duan qentë e tyre, por cilat janë disa gjëra për të cilat nuk kanë kohë ose që nuk u pëlqejnë, për të cilat janë të gatshëm të paguajnë dikë tjetër për t’i bërë?

Daniela: E po, e di se nuk u pëlqen që të pastrojnë jashtëqitjet e qenve të tyre.

Solomon: Ky është një fillim. Përse nuk shkon tek ata dhe të fillosh të bësh disa pyetje?

Daniela: Në rregull, ç’thua për këtë pyetje: “Çfarë i pëlqen qenit tuaj?”

Solomoni: Po! Një tjetër pyetje e mirë mund të jetë: “Çfarë është diçka që do të doni t’i jepni qenit tuaj, por nuk keni kohë për të?”

Daniela: Në rregull, mendoj se e kuptoj.

Solomoni: Çdo njeri dëshiron gjëra të ndryshme. Kyçi i fillimit të një biznesi është të gjesh diçka që e duan shumë njerëz dhe për të cilën janë të gatshëm të paguajnë. Është thjesht hulumtim për klientët e tu. Sapo ta dish se çfarë duan shumë njerëz dhe për çfarë janë të gatshëm të paguajnë, ti mund të krijosh një biznes që i plotëson nevojat e tyre.

[Më vonë, pasi Daniela e ka filluar biznesin e saj.]

Daniela: Në rregull, pra bëra shumë pyetje dhe fola me shumë njerëz që kanë qenë. Doli që njerëzit që kanë qenë, duan dikë që t’i dojë qentë e tyre po aq shumë sa i duan ata dhe të kujdesen për ta ndërkohë që ata vetë janë larg tyre. Prandaj kjo është ajo përreth së cilës e ndërtova biznesin tim. O, dhe akoma bëj shumë pyetje si: “Çfarë mund të bëj që t’u bëj ju dhe qenin tuaj edhe më të lumtur?”

Solomoni: Pra, nevoja e paplotësuar është?

Daniela: Kopsht për Qentë! Njerëzit që i duan qentë, duan që të tregohet kujdes për qentë e tyre kur nuk mund të jenë me ta. Pra i nxjerr për shëtitje, u pres thonjtë, i laj mirë, u mësoj lodra … dhe paguhem për ta bërë atë!

Nevojat e Paplotësuara

Zgjidhni dy anëtarë të grupit që ta lexojnë tekstin vijues:

Marku: Për 22 vjet kam punuar në fushën e komunikimit – punë në një zyrë pritjeje. E pranova punën ngaqë e dua bejsbollin. Qëndrova në atë punë ngaqë nuk dija vërtet se çfarë të bëja tjetër. Shumica e gjërave që shkruaj, nuk ka të bëjë fare me lojën. Është shkrim biznesi – nuk ka aspak pasion në të për mua.

Riku: Pra, a po kërkon të bësh një ndryshim?

Marku: Po, po e mendoj, por nuk jam i sigurt se si ta bëj. Më pëlqen shumë të jem në stadium dhe më pëlqen shumë të jem pranë lojtarëve. Më pëlqen shumë të lexoj dhe hulumtoj. Më pëlqen të tregoj histori.

Riku: Në rregull, duket se këto janë disa gjëra për të cilat ke pasion.

Marku: E po, do të më pëlqente vërtet të luaj bejsboll, por tani jam goxha i moshuar për këtë!

Riku: Në rregull, le ta heqim atë nga lista. Pra kemi: Të pëlqen shumë të jesh pranë lojtarëve. Të pëlqen shumë të lexosh dhe hulumtosh. Të pëlqen shumë të tregosh histori.

Marku: Ato janë tri kryesoret.

Riku: Në tri aftësitë e tua kryesore përmende tregimin e historive.

Marku: Histori të mira. Më pëlqen të hulumtoj dhe t’i shkruaj ato. Jam shkrimtar i mirë, por edhe më pëlqen t’u tregoj histori grupeve të miqve.

Riku: Të lexosh. Të shkruash. Të tregosh histori. Duket se ke menduar shumë për këtë.

Marku: Ngjan më shumë se kam kaluar shumë kohë duke shkruar gjëra dhe duke i hedhur tutje. Shkrova çdo ide dhe i hodha tutje të këqijat.

Riku: Dhe përse ishin të këqijat, si të themi, të këqija?

Marku: E po, dukeshin se ishin jashtë asaj që po kërkoj. E di se çfarë dua të them? Kam qenë pranë bejsbollit për 22 vjet. E di se njerëzit do të shpenzojnë para për lojën dhe shumë gjëra rreth lojës. Dua të gjej diçka që më intereson dhe akoma të mund të fitoj aq para sa ta mbështet familjen time.

Riku: Mendoj se je në udhën e duhur. Ti e di se cilat janë aftësitë e tua dhe për çfarë ke pasion. Nëse klientët e tu janë tifozë bejsbolli si ti, çfarë mendon se dëshirojnë?

Marku: E po, kjo është pyetja që vazhdoj t’ia bëj vetes. Duhet të ketë një lloj nevoje të paplotësuar që këta tifozë do ta dëshironin.

Riku: Tani do të më thuash sa shumë letra shpenzove për t’i shkruar idetë dhe i flake ato.

Marku: Saktë! Edhe pse e pakësova numrin, ende kisha shumë ide të këqija.

Riku: Pra, tani që ke një listë të nevojave të paplotësuara, cilat janë ato?

Marku: Mendoj se tifozët dëshirojnë të bëjnë një vizitë nëpër stadium. Ata duan të shohin gjërat prapa skenës; dëshirojnë të dëgjojnë histori që mund t’i marrin vetëm duke qenë atje. Në fund të ditës, ata duan të argëtohen. Dhe u pëlqen që vizita në stadium të jetë e veçantë – si marrja e biletave për vende që janë prapa lojtarit që godet topin.

Riku: Në rregull, tani mendoj se po e zgjidhim problemin.

Marku: Po, por si të fitoj para me këtë? Të bëj një regjistrim zanor që merret nëpërmjet internetit? Të shkruaj një dokumentar? Të ndërtoj një park zbavitjeje për bejsbollin? Të bëj një program kompjuterik?

Epërsia Konkurruese

Zgjidhni tre anëtarë të grupeve që të lexojnë tekstin vijues:

Tregimtari: Çfarë është një epërsi konkurruese? Shumë njerëz do të përgjigjen punë e shumtë, shërbim i mirë për klientët ose ta kesh biznesin të hapur deri natën vonë. Ky është një fillim. Por që të kesh epërsi ndaj një konkurrenti, është që të kesh diçka që ata nuk e kanë. Është si të ndërtosh një udhë me pengesa përreth biznesit tënd që një konkurrent do ta kishte vërtet të vështirë për t’i kapërcyer. Ndoshta ti ke një recetë të fshehtë; një pjesë të pashoqe makinerie; një rrjet shpërndarësish; një produkt, shpikje ose patentë origjinale. Ndoshta dyqani yt është në vendndodhjen e përsosur. Mund të jetë aq e thjeshtë sa të kesh një ndjekje besnike nga klientët dhe një markë tek e cila mund të kenë besim. Le të kthehemi te Marku dhe Riku për të parë nëse mund të përcaktojnë epërsinë konkurruese të Markut.

Riku: Pra, ke pasur ca ditë më shumë për të menduar rreth idesë së biznesit tënd. Shpenzove shumë letër.

Marku: Ou, po.

Riku: Le të shqyrtojmë disa nga ato ide. Një park zbavitjeje bejsbolli?

Marku: I pamundur. Kushton miliona dollarë.

Riku: Në rregull. Regjistrime për internet, programe kompjuterike ose dokumentar. A duket ndonjë prej tyre e arritshme?

Marku: E arritshme, po. Por nuk besoj se do të fitoj ndonjë para prej tyre.

Riku: Pra, s’ke më ide?

Marku: Po, s’kisha. Por atëherë iu ktheva listës sime të aftësive dhe pasioneve.

Riku: Mirë. Le t’i shohim pak ndryshe. Cila prej tyre është një epërsi konkurruese?

Marku: Nuk jam i sigurt që e di se çfarë do të thuash.

Riku: Pra, çfarë ke ti që askush tjetër nuk e ka?

Marku: Epo, kam punuar në stadium për 22 vjet. E njoh si në pëllëmbë të dorës. Çdo cep, çdo karrige, çdo dollap ka një histori të veçantë – besëtytni lojtarësh, shakara të këndshme – plot gjëra të mira. Dhe unë kam një lidhje të mirë me personelin dhe pronarët, kështu që mund të vazhdoj të mësoj histori të mira. I kam shkruar shumë prej tyre: lojtarë të vjetër, lojtarë të rinj; djelmoshat që kujdesen për shkopinjtë e bejsbollit; Roxheri, maniaku i famshëm i autografeve …

Riku: Duket se ke pasion për mbledhjen e historive prapa skenës që të gjithë i kanë qejf shumë. Dhe ti ke mbledhur e dokumentuar më shumë se kushdo tjetër në organizatë.

Marku: Po, janë gjëra që tifozët i pëlqejnë shumë, por nuk kanë se ku t’i gjejnë.

Riku: Dhe ti e di se si të tregosh një histori të mirë.

Marku: Pra këto janë të gjitha epërsi konkurruese?

Riku: Sigurisht. Sa do të paguanin tifozët që të dëgjonin histori si ato që ke mbledhur ti?

Marku: Ndërkohë që bënin një vizitë në stadium? Plot! Askush nuk e ka lejen që kam unë. Askush nuk mund të tregojë histori ashtu siç i tregoj unë! Dua të them, ti bën një vizitë tani dhe ata të thonë se sa larg është qendra e fushës, sa tifozë nxë stadiumi dhe më pas ata tregojnë se ku ulen gazetarët sportivë. E mërzitshme. Unë mund të bëj shumë më tepër se kjo!

Riku: Në rregull, pra! Mendoj se ke një ide biznesi për të cilën je plot pasion. I ke të gjitha aftësitë e duhura, ke gjetur diçka që e duan tifozët dhe patjetër që ke epërsi konkurruese. Në fakt, ke shumë prej tyre: leje hyrjeje në stadium, njerëz që i njeh në stadium, dhe histori nga 22 vjet.