Zotohuni

Koha Maksimale: 5 Minuta

Fletorja e Shënimeve të Biznesit

Nevojat e Paplotësuara të Klientëve

Lexoni:

Si pronar biznesi është e rëndësishme për ju që të jeni vëzhgues dhe t’u flisni njerëzve çdo ditë për të përcaktuar nevojat e paplotësuara të klientëve. Çdo ditë gjatë javës shënoni në fletoren e shënimeve të biznesit tuaj ndonjë nevojë të paplotësuar të klientëve që vëzhgoni. Krijoni një listë të pesë nevojave kryesore të paplotësuara të klientëve në fletoren e shënimeve të biznesit tuaj dhe përgatituni për t’ia treguar ato grupit në javën e ardhshme.

Epërsitë Konkurruese

Lexoni:

Gjithashtu është e rëndësishme për ju që të vëreni epërsitë konkurruese. Këtë javë, zgjidhni pesë biznese të ndryshme në komunitetin tuaj që ju interesojnë, dhe mendoni për epërsitë e veçanta konkurruese që kanë. Shënojini këto epërsi në fletoren e shënimeve të biznesit tuaj dhe përgatituni për t’ia treguar ato grupit javën e ardhshme.

Lexojeni secilin prej zotimeve më poshtë me partnerin tuaj në veprim. Aftësia juaj për të pasur sukses në nisjen ose rritjen e biznesit tuaj do të përmirësohet jashtëzakonisht kur i mbani me zell zotimet tuaja javore. Premtoni se do t’i mbani zotimet tuaja dhe më pas nënshkruani më poshtë.

Zotimet e Mia
A. Unë do t’i mbaj zotimet nga “Themeli Im” për këtë javë: Ta tregoj besimin tim këtë të diel duke e mbajtur ditën e Shabatit të shenjtë dhe duke e marrë me nderim sakramentin. Të lexoj nga Libri i Mormonit çdo ditë. Të lexoj pjesën “Shkrimet e Shenjta rreth Besimit në Veprim” te pjesa “Themeli Im” i këtij kapitulli. Të zgjedh një prej tyre dhe t’ia tregoj familjes apo miqve të mi.
B. Unë do të krijoj një listë me pesë nevoja të paplotësuara të klientëve në fletoren e shënimeve të biznesit tim.
C. Unë do të krijoj një listë të epërsive konkurruese për pesë biznese të ndryshme në fletoren e shënimeve të biznesit tim.
D. Unë do ta rishikoj faqen time “Përsiatni” dhe do t’i mbaj zotimet.
E. Unë do të vihem në kontakt me partnerin tim në veprim dhe do ta përkrah atë.

Mbani mend se javën që vjen do t’ju kërkohet të raportoni numrin e ditëve që folët me klientët dhe shkruat në fletoren e shënimeve të biznesit tuaj (shih tabelën “Vlerësimi i Përpjekjeve të Mia” në fillim të librit).

Nënshkrimi im

Nënshkrimi i partnerit në veprim

Bëni një lutje mbylljeje.