Xheku po blen mjete për lyerje me punonjësin e tij, Erikun. Zgjidhni dy anëtarë të grupit që ta lexojnë tekstin vijues.
Eriku: Ou, këto furça sigurisht janë të shtrenjta. Më bën të pyes veten nëse vini çmim të mjaftueshëm për lyerjen.
Xheku: Kjo është ngaqë janë furça të mira. Kërkohen pajisje të mira që të bëhet punë e mirë.
Eriku: Pashë disa që tundeshin te fundi i kamionçinës.
Xheku: Po, më duhet ta pastroj fundin.
Eriku: Meqë ra fjala, Timi po më dërgon mesazhe me celular. Mos e ke humbur celularin tënd? Apo thjesht nuk po i paguan kontraktuesit këto ditë?
Xheku: O, po, do t’i ktheja përgjigje. Thotë që kurrë nuk e pagova, por jam i sigurt që e pagova.
Eriku: E po, hidhi një sy regjistrit të çeqeve.
Xheku: O, e pagova me para në dorë. Tani mendoj se kemi nevojë për më shumë bojë.
Eriku: Bojë? Për cilën punë? Dhe prit, a nuk mban një dokument kur e paguan dikë?
Xheku: Ty të paguaj gjithmonë, apo jo?
Eriku: Po, pra, dhe unë e shkruaj në fletoren time të shënimeve pranë orëve të mia.
Xheku: Ide e shkëlqyer! Përse nuk ia mëson Timit ta bëjë këtë? Ai është ca dembel.
Eriku: Po bie prapë telefoni im. Si ka mundësi që të gjithë e kanë numrin tim?
Xheku: Sepse ti je punonjësi im numër një!
Eriku: Është një mesazh nga zonja Anderson. Thotë se e bëtë të paguajë më tepër në faturën e fundit.
Xheku: Çfarë? Gjysmën në fillim, gjysmën kur të mbaronim. Sa e vështirë është që të kuptohet kjo?
Eriku: E po, ajo po thotë që fatura është dyfishi i asaj që u vlerësua puna. A e more prej saj 50 përqind në fillim të punës?
Xheku: Hëm, e po, duhet të kontrolloj dokumentet e mia.
Eriku: Pra, a mban vërtet dokumente?
Xheku: Pra, do të më duhet të kontrolloj dokumentet që kam, dhe patjetër do të mbaj dokumente më të mira në të ardhmen.