Themeli Im: Zgjidhini Problemet

Koha Maksimale: 20 Minuta

Përsiatni:

Përse na lejon Ati Qiellor që të përballemi me probleme dhe sfida?

Shikoni:

“A Bigger Truck?” [“Një Kamion më i Madh?”], në dispozicion te srs.lds.org/videos. (Nuk keni material filmik? Lexoni tekstin e shkruar në fund të kësaj pjese.)

Diskutoni:

Cili është problemi i vërtetë në këtë histori? Cilat janë disa nga mundësitë për të dy burrat?

Lexoni:

Vargjet te Doktrina e Besëlidhjet 9:7–9 dhe citimin nga Plaku Robert D. Hejls.

Doktrina e Besëlidhje 9:7–9

“Vër re, ti nuk ke kuptuar; ke menduar se do të ta jap atë, kur ti nuk e more mundimin as për të më pyetur.

Por, vër re, unë të them se ti duhet ta studiosh atë tërësisht në mendjen tënde; më pas ti duhet të më pyesësh nëse është e drejtë dhe nëse është e drejtë, unë do të bëj që kraharori yt do të digjet përbrenda; si rrjedhim, do ta ndiesh që është e drejtë.

Por nëse nuk është e drejtë, ti nuk do të kesh ndjenja të tilla, por do të kesh një mpirje të mendimit që do të të bëjë ta harrosh gjënë që është e gabuar.”

Plaku Robert D. Hejls

“Zoti pret nga ne që të ndihmojmë për zgjidhjen e vetë problemeve tona. … Ne jemi qenie njerëzore që mendojmë e arsyetojmë. Ne kemi zotësinë t’i dallojmë nevojat tona, të planifikojmë, të vendosim synime dhe t’i zgjidhim problemet tona.”

“Every Good Gift”, New Era, gusht 1983, f. 8,9

Veprimtari (5 minuta)

Hapi 1: Individualisht lexoni modelin e zgjidhjes së problemeve në kutinë më poshtë.

Model për zgjidhjen e problemeve

Hapi 2: Zgjidhni një problem që po hasni dhe shkruajeni poshtë.

Hapi 3: Përdorni kohë gjatë javës që ta zbatoni për problemin tuaj secilin prej hapave nga modeli i zgjidhjes së problemeve. Shkruajini përgjigjet tuaja në hapësirën më poshtë:

1) Përcaktoni:

2) Studioini mundësitë:

3) Vendosni dhe veproni:

Lexoni:

1 Nefi 17:51 dhe 1 Nefi: 18:2–3.

1 Nefi 17:51

“Dhe tani, në qoftë se Zoti ka fuqi kaq të madhe dhe ka bërë kaq shumë mrekulli mes fëmijëve të njerëzve, si është e mundur që ai nuk mund të më udhëzojë që unë të ndërtoj një anije?”

1 Nefi 18:2–3

“Tani, unë, Nefi, nuk i punova trarët sipas mënyrës që mësohej nga njerëzit, as nuk e ndërtova anijen sipas mënyrës së njerëzve; por e ndërtova atë sipas mënyrës që Zoti më tregoi; prandaj ajo nuk ishte sipas mënyrës së njerëzve.

Dhe unë, Nefi, shkova në mal shpesh dhe iu luta Zotit shpesh; prandaj Zoti më tregoi gjëra të mëdha.”

Diskutoni:

Në ç’mënyrë ishte në gjendje Nefi ta ndërtonte një anije?

Zotohuni:

Zotohuni që t’i bëni veprimet vijuese gjatë javës.

• Veproni sipas hapave që diskutuat te veprimtaria me qëllim që të filloni ta zgjidhni problemin tuaj. Mbani mend, mos hiqni dorë! Duhet kohë për t’i zgjidhur problemet e për të bërë ndryshime.

• Tregojani familjes apo miqve tuaj atë që keni mësuar sot rreth zgjidhjes së problemeve.

“A Bigger Truck?” [“Një Kamion më i Madh?”]

Nëse nuk jeni në gjendje ta shikoni materialin filmik, zgjidhni një anëtar të grupit për ta lexuar tekstin vijues.

“A Bigger Truck?” [“Një Kamion më i Madh?”]

Plaku Dallin H. Ouks: Dy burra formuan një ortakëri. Ata ndërtuan një depo të vogël anës një rruge të rrahur. Ata siguruan një kamion dhe shkuan me të në fushën e një fermeri, ku blenë një ngarkesë të plotë me shalqinj me një dollar copa. Ata e çuan kamionin e ngarkuar në depon e tyre, ku i shitën shalqinjtë me një dollar copa.

Ata shkuan përsëri te fusha e fermerit dhe blenë një ngarkesë tjetër të plotë me shalqinj me një dollar copa. Duke i çuar anës rrugës, ata e shitën një shalqi me një dollar. Teksa u kthyen sërish te fusha e fermerit për të marrë një ngarkesë tjetër, njëri nga ortakët i tha tjetrit: “Ne nuk po fitojmë shumë para me biznesin, apo jo?”

“Jo, nuk po fitojmë”, u përgjigj ortaku i tij.

“A mendon se na duhet një kamion më i madh?”

(“Focus and Priorities”, Ensign, maj 2001, f. 82)