Mësoni

Koha Maksimale: 65 Minuta

1. Rëndësia e Klientëve

Lexoni:

Klientët duhet të jenë vëmendja kryesore e biznesit tuaj. Përvoja e tyre me biznesin tuaj do të përcaktojë gjerësisht se sa mirë po shkon ai. Përqendrojini të gjitha aspektet e biznesit tuaj te plotësimi i nevojave të tyre. Ju doni që ata të jenë entuziastë për përvojat që i kanë me biznesin tuaj.

Veprimtari (10 minuta)

Hapi 1: Individualisht qarkoni një “bëni” dhe një “mos bëni” që mendoni se janë më të rëndësishmet për të qenë të përqendruar te klientët tuaj.

Qendërzimi te Klientët
Bëni	Mos Bëni
Ndërtoni marrëdhënie afatgjata. Ndihmojini klientët të kuptojnë “përse‑në” e biznesit tuaj. Jepuni mundësi klientëve që të përfshihen. Dëgjojeni klientin. Jepni shërbim të jashtëzakonshëm dhe siguroni një përvojë mbresëlënëse. Ndihmojeni klientin të bëhet një përkrahës kryesor i biznesit tuaj. Krijoni një komunitet të fortë klientësh besnikë. Sigurohuni që ndërveprimet t’i sjellin përfitim klientit.	Shqetësohuni për të bërë vetëm një shitje të menjëhershme. Bëni hamendësime rreth parapëlqimeve të klientit. Merrni vendime pa marrë parasysh përshtypjen ose të dhënat e klientit. Jini të palëkundshëm për t’u dhënë variante klientëve. Nuk e ndiqni ecurinë me klientin pas shitjes. Nuk veproni bazuar te përshtypja e klientit. Nuk jepni garanci për shërbimin ose produktin tuaj. Këmbëngulni që keni të drejtë edhe pse mund ta humbni klientin.

Hapi 2: Tregojini grupit zgjedhjet tuaja nga hapi 1. Jepni emrin e një biznesi që ilustron përzgjedhjen tuaj për mundësitë të “bëni” ose “mos bëni”.

2. Kush Është Klienti Im?

Lexoni:

Si pronar biznesi, ju duhet të fitoni një kuptueshmëri të hollësishme të llojit të njerëzve, grupeve ose organizatave që ka gjasa më të mëdha që t’i blejnë shërbimet ose produktet tuaja. Sa më shumë që i kuptoni klientët tuaj, aq më të veçanta mund të jenë mesazhet, përvoja dhe përkrahja për ta. Disa faktorë që mund t’ju ndihmojnë të zbuloni klientët që synoni, përfshijnë:

• Demografikë: mosha, gjinia, gjendja civile, punësimi, niveli i të ardhurave

• Organizativë: sektor publik ose privat, tregtar ose profesional, shitje me shumicë ose pakicë

• Gjeografikë: vendndodhja, dendësia e popullsisë

• Psikografikë: personaliteti, stili i jetesës, interesat, sjelljet, opinionet

• Të sjelljes: sjellja ndaj blerjes, besnikëria ndaj markës, përfitimet e kërkuara

Veprimtari _{(10 minutes)}

Hapi 1: Shkoni te Planifikuesi i Biznesit Vetjak të Mark Beilit (te shtojca). Bëjeni dikë në grup të lexojë me zë të lartë mënyrën se si ai e përshkroi klientin që synonte për biznesin e tij të vizitave në stadium.

ikona Planifikuesi i Biznesit Vetjak

Hapi 2: Tani shkoni te Planifikuesi juaj i Biznesit Vetjak. Jini sa më specifikë që të jetë e mundur për hollësitë e klientit që synoni dhe shkruajeni këtë informacion në nënndarjen “Klienti im”. Përpiquni të përfshini në përshkrimin tuaj faktorët demografikë, organizativë, gjeografikë, psikografikë dhe të sjelljes.

Hapi 3: Bëjini disa anëtarë të grupit të tregojnë me të shpejtë disa aspekte të klientit të synuar prej tyre.

3. Përcaktimi i Mesazhit të Biznesit Tim

Lexoni:

Pasi t’i keni përcaktuar klientët që synoni, është e rëndësishme të komunikoni me ta arsyen përse duhet të jenë të interesuar për shërbimin ose produktin e ofruar nga biznesi juaj. Që të ndihmoni për ta komunikuar këtë gjë, zhvilloni një mesazh të shkurtër biznesi që me të shpejtë e nxit dhe e dallon atë që ofron biznesi juaj. Ai duhet të përfshijë tri pjesë kyç:

1. Emrin e biznesit tuaj.

2. Shërbimin ose produktin tuaj.

3. Arsyet përse shërbimi ose produkti juaj është i ndryshëm apo më i mirë. (Referojuni Planifikuesit tuaj të Biznesit Vetjak për të shqyrtuar arsyet përse shërbimi ose produkti juaj është i ndryshëm apo më i mirë.)

Ja një shembull i një mesazhi të shkurtër biznesi:

“Tungjatjeta, unë jam Teri. Po filloj një biznes që do të quhet Ushqime nga Fushat e Fshehura. Ne sigurojmë ushqime të shëndetshme banketesh për veprimtari biznesesh, veprimtari familjare dhe grupe të tjera. Në ushqimet tona përdorim vetëm përbërësit më të freskët organikë. Përqendrimi ynë është te kënaqja e njerëzve që i kushtojnë vëmendje shëndetit, të cilët dëshirojnë gjellë të veçanta vegjetariane dhe një përvojë pa ndërlikime.”

Grua duke përdorur kompjuter dore

Veprimtari (15 minuta)

Hapi 1: Shkruani një projekt fillestar të mesazhit të shkurtër të biznesit tuaj në hapësirën më poshtë. Ka të ngjarë që nuk do të keni kohë të mjaftueshme që ta përfundoni këtë tani, por të paktën shkruani idetë kryesore. Ju do të jeni të gjendje ta përpunoni dhe përmirësoni mesazhin e biznesit tuaj në të ardhmen.

Hapi 2: Ndahuni në grupe. Ushtroni se si t’ia thoni partnerit tuaj mesazhin e biznesit tuaj. Jepini përshtypje njëri‑tjetrit. Përdorini përshtypjet nga partneri juaj që të rishikoni dhe përmirësoni mesazhin e biznesit tuaj.

4. Përcaktimi i Kanaleve më të Mira të Shitjeve për Biznesin Tim

Lexoni:

Është e rëndësishme të gjeni mënyrat më të efektshme për t’iu afruar klientëve tuaj. Shumë pronarë biznesesh përdorin mënyra të shumta të tregtimit në dyqane dhe internet për t’u shitur klientëve të tyre dhe për të komunikuar me ta. Gjithsesi, është më e mira për pronarët e bizneseve të reja që të përqendrohen te zhvillimi i jo më shumë se një kanali dyqanesh dhe një kanali në internet. Kanale të tjera mund të shtohen kur biznesi fillon të rritet. Kanalet e zakonshme të shitjeve përfshijnë ato që renditen më poshtë:

Kanalet e Shitjeve në Dyqane

• Shitjet e drejtpërdrejta: Ju ose shitësi juaj u shet drejtpërsëdrejti klientëve nëpërmjet kontaktit personal.

• Shpërndarësi ose shitësi me shumicë: Ju i shitni një shpërndarësi ose një shitësi me shumicë, që e blen produktin tuaj me shumicë dhe më pas ua shet bizneseve të tjera të shitjes me pakicë.

• Shitësi me pakicë: Ju u shitni bizneseve të shitjes me pakicë dhe ata u shesin klientëve.

Kanalet e Shitjeve në Internet

• Faqja e internetit: Transaksionet e shitjeve ndodhin në vetë faqen tuaj në internet.

• Dyqani në internet: Transaksionet e shitjeve ndodhin në faqen e internetit të dyqanit, jo në faqen tuaj të internetit.

• Programi për celularët: Transaksionet e shitjeve ndodhin nëpërmjet një programi për celularët.

Veprimtari (5 minuta)

Hapi 1: Nga lista më lart e kanaleve të shitjeve, individualisht shkruani një kanal të shitjeve në dyqan dhe një kanal të shitjeve në internet që do të kenë më shumë kuptim për biznesin tuaj. Jepni hollësi shtesë rreth këtyre kanaleve nëse dëshironi.

Kanali i shitjeve në dyqane:

Kanali i shitjeve në internet:

Hapi 2: Ndahuni në grupe. Shpjegoni përse secili kanal që zgjodhët, ka kuptimin më të madh për biznesin tuaj.

5. Tërheqja e Klientëve … me Çfarë?

Lexoni:

Biznesi juaj nuk do t’i tërheqë automatikisht klientët. Ju nevojitet të ofroni gjëra për të cilat kanë interes dhe që besojnë se do t’u sjellin përfitim atyre. Sigurohuni që mesazhi i biznesit tuaj lidhet me gjëra që i dëshirojnë klientët e tyre të mundshëm. Vendoseni veten në pozitën e klientëve tuaj dhe pyetni: “A kam interes t’i blej shërbimet ose produktet që ofron ky biznes? Përse po ose përse jo?”

Pronarët e mençur të bizneseve janë krijues në tërheqjen e vëmendjes së klientëve të tyre. Më poshtë renditen disa mënyra për ta tërhequr vëmendjen e klientëve.

ikona e Sigurimit të Informacionit Sigurimi i informacionit dhe ideve nëpërmjet materialeve filmike, blogjeve, gazetave, artikujve dhe shfaqjeve tregtare.

ikona e Përputhjes Përputhja me interesat e klientëve dhe kauzat shoqërore, të tilla si sponsorizimi i veprimtarive.

ikona e Lejimit Lejimi i klientëve që ta provojnë shërbimin ose produktin me pak shpenzim ose pa shpenzim, të tillë si ofrimi i mostrave ose kuponëve.

ikona e Mirëbesimit Rrënjosja e mirëbesimit te fama e kompanisë dhe cilësia e shërbimit ose produkteve të saj nëpërmjet shqyrtimeve të klientëve, çmimeve vlerësuese për atë sektor ose sigurimeve të tjera për cilësinë.

ikona e Sigurimit të Volisë Sigurimi i volisë dhe kursimit të kohës duke e bërë biznesin tuaj të lehtë për t’u gjetur dhe me të cilin punohet lehtë (për shembull, përmirësimi i motorit të kërkimit mund të ndihmojë ta bëjë biznesin tuaj që të gjendet lehtë në internet).

ikona e Bashkëpunimit Bashkëpunimi në mënyrë krijuese me një biznes të mirënjohur jokonkurrues, që i shërben të njëjtit grup klientësh.

Veprimtari (10 minuta)

Hapi 1: Nisur nga lista më sipër, përcaktoni individualisht të paktën një mënyrë se si mund ta tërhiqni vëmendjen e klientëve tuaj. Shkruajini përgjigjet tuaja më poshtë.

Hapi 2: Tani ndahuni në grupe me nga tre veta. Tregoni mënyra se si mendoni ta tërhiqni vëmendjen e klientëve tuaj. Merrni përshtypje nga anëtarët e grupit për këto ide.

6. Matja e Suksesit të Komunikimeve me Klientët

Lexoni:

Është e rëndësishme të matni nëse komunikimet tuaja po tërheqin interesin e klientëve, duke kontribuar në më shumë shitje dhe në fitim të rritur. Që ta bëni këtë, ju keni nevojë të matni:

• Një mënyrë të veçantë se si po komunikoni me klientët tuaj.

• Cili është rezultati i biznesit.

Shqyrtojini shembujt që vijojnë.

Matja e suksesit të komunikimeve me klientët

Të qenit i zënë me punë nuk është e njëjtë me të qenit i suksesshëm. Nëse komunikimet tuaja nuk po prodhojnë rezultate, atëherë ky nuk është një përdorim i mirë i kohës suaj. Kjo është arsyeja përse është e rëndësishme që gjithmonë t’i matni rezultatet tuaja.

Veprimtari (10 minuta)

Hapi 1: Merrni parasysh pyetjen vijuese dhe shkruajeni përgjigjen tuaj në hapësirën më poshtë: Si do ta matni nëse po funksionojnë idetë që i përcaktuat në pjesën 5?

Hapi 2: Diskutoni si grup disa mënyra se si ju do ta matni nëse po funksionojnë këto ide.