Vahe 20

Akoʻi ʻe Sīsū ʻa e Lotú

Sermon on the Mount - Jesus tells His disciples that they should pray in private - depicted is a man praying in public to be seen of men - ch.21-1

Naʻe akoʻi ʻe Sīsū ʻEne kau ākongá ki he founga ʻo e lotú. Naʻá Ne pehē ʻoku lotu pē ʻa e kakai ʻe niʻihi koeʻuhí ke mamata ʻa e niʻihi kehé kiate kinautolu ʻoku nau lotu. Naʻe akoʻi ʻe Sīsū ʻoku totonu ke tau fai ʻetau lotu fakatāutahá ʻi ha feituʻu ʻoku lōngonoá ʻo kapau ʻoku malava.

Mātiu 6:5–6

Sermon on the Mount - Jesus tells His disciples that they should think about what they are saying and not use vain repetitions - ch.21-2

Naʻá Ne pehē ʻoku ʻi ai e kakai ʻe niʻihi ʻoku nau lea ʻaki e meʻa tatau he taimi kotoa pē ʻoku nau lotu aí. ʻOku ʻikai ke nau faʻa fakakaukau ki he ngaahi meʻa ʻoku nau lea ʻakí. Naʻe pehē ʻe Sīsū ʻoku totonu ke tau lotu fakamātoato ki he meʻa ʻoku tau fie maʻú.

Mātiu 6:7–8

Sermon on the Mount - Jesus shows His disciples how to pray - the Lord's Prayer - ch.21-3

Naʻe fai ʻe he Fakamoʻuí ha lotu ke fakahaaʻi ki Heʻene kau ākongá ʻa e founga ʻo e lotú. Naʻá Ne kamata ʻaki ʻEne pehē, “Ko ʻemau Tamai … ʻoku ʻi hēvani.” Naʻá Ne fakahīkihikiʻi ʻa e Tamai Hēvaní peá Ne kole ha tokoni meiate Ia. Naʻá Ne pehē “ ʻēmeni” ʻi he fakaʻosinga ʻo ʻEne lotú. Kimui ange aí, naʻe tala ʻe Sīsū ki Heʻene kau ākongá ke nau lotu ki he Tamaí ʻi Hono huafá. Naʻá Ne talaʻofa ʻe tali ʻe he Tamai Hēvaní ʻenau ngaahi lotú.

Mātiu 6:9–13; 21:22; Sione 16:23