Vahe 28
Ko Hono Fafanga ʻe Sīsū ʻa e Kakai ʻe Toko 5,000
ʻI he fanongo ʻa Sīsū ki aí naʻá Ne ʻalu ki ha potulala ofi ki he Tahi Kālelí. Naʻe ʻiloʻi ʻe he kakai tokolahi ʻa e feituʻu naʻá Ne ʻi aí. Naʻe muimui ʻiate Ia ha kakai ʻe 5,000 tupu mo e ʻamanaki te Ne akoʻi kinautolu.
Ne akoʻi kinautolu ʻe Sīsū he ngaahi meʻa lahi. Kuo taimi ke fai e kaí, ka naʻe tokolahi ha kakai ne ʻikai haʻanau meʻakai. Naʻe loto ʻene kau ākongá ke fekau ʻe Sīsū ʻa e kakaí ki he ngaahi kolo ofi taha maí ke fakatau mai ha meʻakai.
Naʻe talaange ʻe Sīsū ki he kau ākongá ke vakai pe naʻe ʻomi ʻe ha taha ha meʻakai. Naʻa nau ʻilo ha kiʻi tamasiʻi naʻe ʻi ai ʻene foʻi mā ʻe nima mo e kiʻi mataʻiika ʻe ua.
Naʻe tala ʻe Sīsū ki he kakaí kotoa ke nau nofo ki lalo. Naʻá Ne tāpuakiʻi ʻa e maá mo e iká peá Ne pakipaki ia.
Naʻe tufaki ʻe he kau ākongá ʻa e meʻakaí ki he kakaí. Naʻe lahiʻānoa ʻa e meʻakaí ki he kakaí kotoa.