Vahe 25

Ko e Ala ha Fefine ʻi he Kofu ʻo Sīsuú

Ne puke ha fefine ʻi ha taʻu ʻe 12. Naʻá ne ʻalu ki he kau toketā lahi, ka naʻe ʻikai pē ke nau lava ʻo tokoniʻi ia.

Maʻake 5:25–26

ʻI he ʻaho ʻe taha, naʻá ne mamata ki hono ʻātakaiʻi ʻe he kakai tokolahi ʻa Sīsū. Naʻá ne tui ʻe fakamoʻui ia kapau te ne ala pē ki Hono kofú. Naʻá ne tutui atu pē he fuʻu kakaí ʻo ne ala ki Hono kofú.

Mātiu 9:20–22; Maʻake 5:27–28

Tuaiekemo kuo fakamoʻui ia. Ne tafoki ʻa Sīsū ʻo fehuʻi, “Ko hai naʻe ala ki hoku kofú?”

Maʻake 5:29–30

Naʻe manavahē ʻa e fefiné. Naʻá ne tō ki lalo ʻi he ʻao ʻo e Fakamoʻuí mo fakahā ange ko ia ne ala kiate Iá. Naʻe fakahā ange ʻe Sīsū kiate ia kuo fakamoʻui ia ʻi heʻene tui kiate Iá.

Maʻake 5:33–34