Vahe 60
Ko Hono Fakamoʻui ʻe Pita ʻa Tāpaitá
Naʻe nofo ha fefine lelei ko Tāpaita ʻi he kolo ko Sopá. Ko e ākonga ia ʻa Sīsū Kalaisi. Naʻá ne tokoniʻi e kakai tokolahi peá ne fai mo e ngaahi meʻa lelei lahi.
Naʻá ne puke ʻo mate.
Naʻe ʻoatu ha fekau mei hono ngaahi kaungāmeʻá kia Pita. ʻI he taimi naʻe aʻu ai ʻa Pita ki aí, naʻá ne kole ki he ngaahi kaungāmeʻa ʻo Tāpaitá ke nau hū ki tuʻa mei he lokí.
Naʻe tūʻulutui ʻa Pita ʻo lotu, peá ne toki tala ange kia Tāpaita ke tuʻu hake. Naʻá ne fakaʻāʻā hake hono matá mo tangutu hake ki ʻolunga.
Naʻe tokoni ʻa Pita ki ai ke tuʻu ki ʻolunga. Naʻá ne ui e ngaahi kaungāmeʻa ʻo Tāpaitá. Naʻa nau omi ʻo sio kuó ne moʻui. Naʻe ngāueʻaki ʻe Pita ʻa e mālohi ʻo e lakanga fakataulaʻeikí ke fakamoʻui ʻa Tāpaita. Naʻe tui e kakai tokolahi ʻi Sopa kia Sīsū Kalaisi ʻi heʻenau ʻilo kuo toe moʻui ʻa Tāpaitá.