Vahe 24

Ko Hono Fokotuʻu e ʻOfefine ʻo Sailosí mei he Maté

Jairus comes to see Jesus - ch.22-1

ʻI ha ʻaho ʻe taha, ne tōmapeʻe ʻa Sailosi, ko e pule ʻo e fale lotú, ʻi he vaʻe ʻo Sīsuú.

Maʻake 5:21–22

Jairus begs Jesus to bless his daughter so that she will not die - ch.22-2

Naʻe talaange ʻe Sailosi naʻe fuʻu puke lahi hono kiʻi ʻofefine taʻu 12. Naʻá ne kōlenga kia Sīsū ke haʻu muʻa ʻo tāpuakiʻi ia. Naʻá ne tui ʻe lava ʻe Sīsū ʻo fakamoʻui ia.

Maʻake 5:23, 42

As Jesus accompanies Jairus home He is stopped by other people - A messenger tells Jairus that his daughter is dead - ch.22-3

Ne kamata ke muimui atu ʻa Sīsū ʻia Sailosi ki hono ʻapí, ka naʻá Ne tuʻu [he halá] ke fakamoʻui ha fefine. Lolotonga ʻEne lea ki aí, ne aʻu mai ha taha ʻo fakahā mai kia Sailosi kuo fuʻu tōmui—kuo mate hono ʻofefiné.

Maʻake 5:24–35

Jesus tells Jairus to not be sad but believe in Him - ch.22-4

Naʻe fanongo ʻa Sīsū ki heʻene leá. Naʻá Ne tala ange kia Sailosi ke ʻoua ʻe manavahē kae tui kiate Ia.

Maʻake 5:36

Jesus, Peter, James and John arrive at Jairus' house - ch.22-5

Pea naʻe ʻalu ʻa Sīsū mo Sailosi ki he fale ʻo Sailosí. Ne fonu e falé he kakai ne nau tangi koeʻuhí ko e mate ʻa e kiʻi taʻahiné.

Maʻake 5:37–38

Jesus tells the people in Jairus' house that the girl is not dead but sleeping - ch.22-6

Naʻe tala ange ʻe Sīsū kiate kinautolu naʻe ʻikai mate e kiʻi taʻahiné ka naʻá ne mohe pē. Naʻe katakataʻi Ia ʻe he kakaí. Naʻa nau ʻiloʻi pau kuo mate e kiʻi taʻahiné.

Maʻake 5:39–40

Jesus and others go to the room where the daughter of Jairus is lying - ch.22-7

Naʻe fekau ʻe he Fakamoʻuí ke nau mavahe kotoa mei he falé tukukehe pē ʻEne kau ākongá, Sailosi, mo e uaifi ʻo Sailosí. Naʻa nau hū atu ki he loki naʻe tokoto ai e kiʻi taʻahiné.

Maʻake 5:40

Jesus raises Jairus' daughter - ch.22-8

Naʻe puke ʻe Sīsū ʻa e nima ʻo e kiʻi taʻahiné. Naʻá ne tala ange ki ai ke tuʻu ki ʻolunga. Naʻá ne tuʻu hake ʻo ʻeveʻeva. Naʻe ofo ʻene ongomātuʻá. Naʻe tala ange ʻe Sīsū kiate kinautolu ke ʻoua naʻa fakahā ki ha taha e meʻa ne hokó. Peá Ne fekau ki heʻene ongomātuʻá ke ʻoange ha meʻa ke ne kai.

Maʻake 5:41–43