Vahe 55

Ko Hono Tataki ʻe he Kau ʻAposetoló ʻa e Siasí

After His resurrection Jesus spends forty days with the Apostles - ch.55-1

Hili e toetuʻu ʻa Sīsuú, naʻá Ne nofo mo ʻEne Kau ʻAposetoló he ʻaho ʻe 40. Naʻá Ne akoʻi kiate kinautolu e ngaahi meʻa lahi ʻo kau ki he ongoongoleleí mo Hono Siasí.

Ngāue 1:1–3

Jesus tells His Apostles to preach the gospel to all people - ch.55-2

Naʻá Ne tala kiate kinautolu ke nau akoʻi e ongoongoleleí ki he kakai kotoa pē. Naʻá Ne toe pehē foki ʻe vave pē Haʻane mavahe meiate kinautolu, ka ʻe hoko mai ʻa e Laumālie Māʻoniʻoní ke tokoniʻi kinautolu.

Ngāue 1:4–8

The Apostles watch as Jesus ascends to heaven - ch.55-3

Naʻe mamata ʻa e Kau ʻAposetoló ki he ʻalu hake ʻa Sīsū ki he ngaahi ʻaó. Naʻe fakahā ange ʻe he ongo ʻāngeló ki he Kau ʻAposetoló ʻe toe foki mai ʻa Sīsū mei hēvani ʻi ha ʻaho.

Ngāue 1:9–11

Peter, James and John are leading the Church - ch.55-4

Naʻe hoko he taimí ni e Kau ʻAposetoló ko e kau taki ʻo e Siasi ʻo Sīsū Kalaisí he māmaní. Naʻe hoko ʻa Pita ko e Palesiteni, pea ko hono ongo tokoní ko Sēmisi mo Sione.

Mātiu 16:18–19; Tokāteline mo e Ngaahi Fuakavá 81:1–2; Jesus the Christ, 219–20

Matthias is chosen and ordained to be an Apostle - ch.55-5

Naʻe toe toko hongofulu mā taha pē ʻa e Kau ʻAposetoló—he naʻe mate ʻa Siutasi. Naʻe fakahā ʻe he Tamai Hēvaní ki he Kau ʻAposetoló ke fili ʻa Mataiasi ke hoko ko e taha ʻo e Kau ʻAposetolo ʻe Toko Hongofulu Mā Uá. Naʻe ʻi ai e uiuiʻi makehe ʻo e Kau ʻAposetoló kotoa ʻi he lakanga fakataulaʻeikí.

Mātiu 27:3–5; Ngāue 1:15–17, 21–26; Tokāteline mo e Ngaahi Fuakava 102:8

The members of the Church obey the commandments - ch.55-6

Naʻe tui e Kau ʻAposetoló mo e kau ākonga kehé ki he ʻEikí. Naʻa nau talangofua ki Heʻene ngaahi fekaú. Naʻa nau feʻofaʻaki.

Ngāue 2:41–47

The Apostles spread the gospel to many people - ch.55-7

Naʻe lava ʻe he Kau ʻAposetoló ʻo fai e ngaahi meʻa lahi ʻaki e lakanga fakataulaʻeikí mo e mālohi ʻo e Laumālie Māʻoniʻoní. Naʻa nau fakamoʻui mahaki pea hoko ko e kau faifekau. Naʻa nau ako ʻaki ʻa Sīsū Kalaisi mo ʻEne ongoongoleleí. Ne tui e kakai tokolahi ki he ngaahi lea ʻa e Kau ʻAposetoló pea nau kau ki he Siasí. Naʻe ui e kau mēmipa ʻo e Siasí ko e Kāingalotu.

Ngāue 2:2–4, 32–33, 36–43, 47; 3:1–8; Loma 1:7