Ngaahi Feituʻu ke ʻIloʻí

(Ko e ngaahi mataʻifika ʻi he loto haʻí ko e ngaahi vahe ia ʻoku nau tala ʻa e ngaahi meʻa naʻe hoko ʻi he ngaahi feituʻu ko iá.)

Mape 1: Ko e Fonua Tapu ʻi he Taimi ʻo e Fuakava Foʻoú

1. Tāmasikusi Naʻe ʻalu ʻa Paula ki he kolo ko ʻení pea hā ʻa Sīsū kiate ia ʻo tala ange ke fakatomala. (59)

2. Sesalia Filipaí Ko e feituʻu ʻeni naʻe fakamoʻoniʻi ai ʻe Sīsū Ki Heʻene pekiá mo e toetuʻú, pea fakamoʻoniʻi ʻe Pita ko Sīsuú ko e ʻAlo ia ʻo e ʻOtuá. (32)

3. Kālelí Naʻe fakaʻaongaʻi lahi ʻe Sīsū hono taimí ʻi he vahefonua ko ʻení ke akoʻi ʻa e ongoongoleleí mo fakamoʻui ʻa e mahakí. (19–20, 34, 36)

4. Kāpaneume Naʻe fakahoko ʻe Sīsū ʻa e ngaahi mana lahi ʻi he koló ni. (23–25, 30)

5. Tahi Kālelí Naʻe akoʻi ʻe Sīsū ʻa e kakai tokolahi he feituʻú ni. Naʻe lolomi ʻe Sīsū ʻa e matangí peá Ne ʻeveʻeva ʻi he fukahi vai ʻo e tahi Kālelí. (18, 21, 29)

6. Kena Naʻe liliu ʻe Sīsū ʻa e vaí ko e uaine ʻi ha kātoanga mali heni. Naʻe haʻu ha tangata ki heni ʻo kole kia Sīsū ke fakamoʻui hono foha naʻe puke. (12, 16)

7. Nāsaleti Naʻe tupu hake ʻa Sīsū ʻi he koló ni. (2, 4, 9, 17)

8. Samēlia Naʻe akoʻi ʻe Sīsū ha fefine ʻo kau ki he vai ʻo e moʻuí ʻi ha vaitupu ʻi he fonuá ni. Naʻe fehiʻa ʻa e kakai Siu tokolahi ʻi he kakai ʻo Samēlia. (15, 58)

9. Vaitafe Soataní Naʻe papitaiso ʻe Sione ko e Papitaisó ʻa Sīsū Kalaisi ʻi he vaitafé ni. (10)

10. Sopa Naʻe fakamoʻui heni ʻe Pita ʻa Tāpaita. (60)

11. Selikō ʻI he talanoa fakatātā ʻo e tangata Samēlia leleí, naʻe mei tāmateʻi ai ha tangata lolotonga ʻene fononga he halá ki he koló ni. (35)

12. Selusalema Naʻe fakaʻaongaʻi ʻe Sīsū mo ʻEne Kau ʻAposetoló ha taimi lahi ki he akoʻí ʻi he koló ni. Naʻe pekia pea toetuʻu ʻa Sīsū ʻi heni. (6, 39–40, 44–57, 63) Vakai, Mape Ko e ongo talanoa makehe naʻe hoko ʻi Selusalema.

13. Pētani Naʻe nofo heni ʻa Lāsalosi, ʻa ia naʻe fokotuʻu ʻe Sīsū mei he maté, mo hono ongo tuofāfine ko Mele mo Maʻata. (43)

14. Pētelihema Naʻe ʻaloʻi ʻa Sīsū ʻi heni. (5, 7)

map 1

Tahi Metitelēniane

Tahi Maté

Tāmasikusi

Sesalia Filipai

KĀLELI

Kāpaneume

Tahi Kāleli

Kena

Nāsaleti

SAMĒLIA

Vaitafe Soatani

Sopa

Selikō

Selusalema

Pētani

Pētelihema

Mape 2: Selusalema ʻi he Taimi ʻo Sīsuú

1. Kolokota Ngalingali ko e feituʻu ʻeni naʻe pekia ai ʻa Sīsū Kalaisi ʻi he kolosí. (53)

2. Fonualoto ʻi he Ngoué Ngalingali ko e feituʻu ʻeni naʻe tanu ai ʻa Sīsuú, naʻe toetuʻu pea talanoa mo Mele Makitaline. (53, 54)

3. Anovai ʻo Peteseta Naʻe fakamoʻui heni ʻe Sīsū ha tangata ʻi he ʻaho Sāpaté. (27)

4. Temipalé Naʻe talaʻofa heni ʻa e angelo ko Kepalelí kia Sakalia ʻe ʻi ai hono foha, ʻa ia ko Sione ko e Papitaisó. Naʻe faiako ʻa Sīsū ʻi he temipalé ni. Naʻá ne tuli foki ha kakai ki tuʻa mei he temipalé ʻa ia naʻa nau fakatau atu ʻa e fanga monumanu ki he feilaulaú. (1, 6, 9, 11, 13, 45, 56)

5. Ngoue ko Ketisemaní Naʻe lotu ʻa Sīsū Kalaisi, mamahi koeʻuhí ko ʻetau ngaahi angahalá, naʻe lavakiʻi ʻe Siutasi ʻIsikaliote, pea naʻe puke ia ʻi he ngoue ko ʻení. (51, 52)

6. Moʻunga ʻŌlivé Naʻe akoʻi ʻe Sīsū fekauʻaki mo ʻene Hāʻele ʻAnga Ua Mai ki hení. (46)

7. Fale ʻo Kaiafasi Ngalingali ko e feituʻu ʻeni naʻe tuku ai ʻe he kau taki ʻo e kakai Siú ʻa Sīsū ke fakamāuʻí, tukuakiʻi ia ki hono maumauʻi ʻa e Laó. (52)

8. Loki ʻi ʻOlungá Ngalingali ko e feituʻu ʻeni naʻe ʻi ai ʻa e loki naʻe kai ai ʻe Sīsū mo ʻEne Kau ʻAposetoló ʻa e Laka Atú. Naʻe akoʻi ʻe Sīsū ʻEne Kau ʻAposetoló ʻo kau ki he Sākalamēnití ki muʻa siʻi peá ne ʻalu ki he ngoue ʻi Ketisemaní. (49, 50)

map 2

Kolokota

Fonualoto ʻi he Ngoué

Anovai ʻo Petesetá

Temipalé

Ngoue ko Ketisemaní

Moʻunga ʻŌlivé

Fale ʻo Kaiafasí

Loki ʻi ʻOlunga