Hili e Fuakava Foʻoú

The Apostles teach the gospel - ch.64-1

Naʻe ngāue mālohi ʻa e kau taki ʻo e Siasí ke akoʻi e kakaí ʻo kau kia Sīsū Kalaisi. Naʻa nau ʻaʻahi ki he Kāingalotú mo faitohi kiate kinautolu. Naʻe kau e kakai ʻi he ngaahi fonua lahi ki he Siasí. Naʻe ʻikai ke loto e kakai anga-fulikivanú ke tui e kakaí kia Sīsū Kalaisi.

Ngāue 6:2–4, 7; 11:19–21

Wicked people change the commandments and lead some people astray. - ch.64-2

Naʻe loto e kakai angakoví ke liliu e ngaahi fekaú. Naʻe fanongo e Kāingalotu ia ʻe niʻihi kiate kinautolu. Ne tokolahi e faʻahinga ne ʻikai ke nau toe tui kia Sīsū mo ʻikai ke toe talangofua ki Heʻene ngaahi fekaú.

Kalētia 1:6–8; Taitusi 1:10–11; 1 Sione 2:18–19

Many righteous Saint are killed. The Apostles are killed also and the Church is no longer on the earth. - ch.64-3

Naʻe tāmateʻi e Kau ʻAposetoló mo e Kāingalotu tokolahi. Ne ʻikai ha taha ʻe toe ke tataki e Siasí. Naʻe toʻo e ngaahi kī ʻo e lakanga fakataulaʻeikí mei māmaní. Naʻe ʻikai ke toe ʻi ai ha kau palōfita ʻa e kakaí ke tataki kinautolu. Naʻe mole e Siasi ʻo Sīsū Kalaisí mei māmani. Kuo ʻosi fakahā pē ʻe he ongo ʻAposetolo ko Pitá mo Paula ʻe hoko e meʻá ni.

Mātiu 23:34; 24:8–10; Loma 8:36; 1 Kolinitō 4:9–13; 1 Pita 4:12; Jesus the Christ, 745–46

Many different churches are established, but none are Jesus Christ's church. - ch.64-4

Ne ʻosi atu ha ngaahi taʻu ʻe lau teau. Naʻe lahi e ngaahi siasi kehekehé. Naʻe hala ha taha ʻiate kinautolu naʻe ʻi ai ha Kau ʻAposetolo pe ko e lakanga fakataulaʻeiki ʻo e ʻOtuá. Ka naʻe pehē ʻe he kau palōfitá ʻe hili ha ngahi taʻu lahi ʻe toe fakafoki mai e Siasi ʻo Kalaisí ki he māmaní.

Ngāue 3:19–26; 2 Tesalonaika 2:1–4; 2 Tīmote 4:3–4

In 1820 Joseph Smith goes to the woods near his home and prays. - ch.64-5

ʻI he 1820 naʻe ʻi ai ha kiʻi tamasiʻi ko hono hingoá ko Siosefa Sāmita naʻá ne fie maʻu ke ne ʻiloʻi pe ko e fē ʻa e Siasi ʻo Kalaisí. Naʻá ne ʻalu ki he vaoʻakau ofi pē ʻi hono ʻapí ʻo lotu. Naʻá ne kole ki he ʻOtuá ke fakahā ange kiate ia pe ko e fē ʻa e siasi ʻoku tonú.

Hisitōlia—Siosefa Sāmita 1:3, 5, 10, 14–15

Heavenly Father and Jesus Christ appear to Joseph Smith.l - ch.64-6

Naʻe hā mai ʻa e Tamai Hēvaní mo Sīsū Kalaisi kia Siosefa Sāmita. Naʻe fakahā ange ʻe he Fakamoʻuí ke ʻoua naʻa kau ki ha taha ʻo e ngaahi siasí koeʻuhí he naʻe ʻikai ke ʻi ai Hono siasí.

Hisitōlia—Siosefa Sāmita 1:17–19

Joseph Smith translates the gold plates. - ch.64-7

Naʻe fili ʻe he ʻOtuá ke toe fakafoki mai e Siasi ʻo Sīsū Kalaisí ki he māmaní ʻia Siosefa Sāmita. Naʻe fekauʻi mai ʻe he ʻOtuá ha kau ʻāngelo ke foaki ʻa e lakanga fakataulaʻeikí kia Siosefa Sāmita. Naʻá Ne tokoniʻi ʻa Siosefa ke liliu e Tohi ʻa Molomoná. ʻI he ʻaho 6 ʻo ʻEpeleli, 1830, naʻe toe fokotuʻutuʻu e Siasi ʻo Sīsū Kalaisí ʻi he māmaní.

Hisitōlia—Siosefa Sāmita 1:33, 66–75

Joseph Smith organizes the Church with Twelve Apostles - ch.64-8

Naʻe tokoniʻi ʻe he ʻOtuá ʻa Siosefa Sāmita ke fili e Kau ʻAposetolo ʻe Toko Hongofulu Mā Uá ke tokoni kiate ia ʻi hono tataki e Siasí, ʻo hangē tofu pē ia ko hono fili ʻe Sīsū ʻa e Kau ʻAposetolo ʻe Toko Hongofulu Mā Uá ʻi he taimi naʻá Ne ʻi māmani aí. Naʻe foaki ki he kau tangata ko ʻení ʻa e mālohi ke akoʻi e ongoongoleleí mo fai ha ngaahi mana.

Tokāteline mo e Ngaahi Fuakava 102:3; 107:22–23, 35

Missionaries teach people about the true church. - ch.64-9

ʻOku fie maʻu ʻe Sīsū ke ʻiloʻi ʻe he tokotaha kotoa pē Hono Siasí. Naʻá Ne fakahā kia Siosefa Sāmita ke fekauʻi atu e kau faifekaú ke akoʻi e kakaí kotoa ʻo kau ki he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.

Tokāteline mo e Ngaahi Fuakava 1:18, 30

The Church of Jesus Christ of Latter-day Saints is the same church Jesus organized when He was on the earth. Jesus Christ is pictured with the Salt Lake Temple in the background. - ch.64-10

ʻOku tatau pē ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní mo e siasi ko ia naʻe fokotuʻutuʻu ʻe Sīsū ʻi he taimi naʻá Ne ʻi he māmaní aí.

Tokāteline mo e Ngaahi Fuakava 115:4