Vahe 29

Ko e Hāʻele ʻa Sīsū ʻi he Fukahi Vaí

Jesus's disciples are in a boat on the Sea of Galilee in the midst of a storm - ch.29-1

Hili hono fafanga e toko 5,000, naʻe hāʻele hake ʻa Sīsū ki ha moʻunga ke lotu. Naʻe heka vaka ʻene kau ākongá ke kolosi he Tahi Kālelí. ʻI heʻene poʻulí, naʻe kamata ke mālohi e matangí pea hou e tahí.

Mātiu 14:22–24

Jesus walks over the water to get to the boat - ch.29-2

ʻI he tuʻuapō ʻo e pō ko iá, ne hāʻele mai ʻa Sīsū ke kau fakataha mo ʻEne kau ākongá. Naʻá Ne hāʻele mai he fukahi vaí ke aʻu ki he vaká.

Mātiu 14:25

The disciples are afraid when they see Jesus walking on the water - ch.29-3

Ne mamata atu e kau ākongá ki Heʻene hāʻele mai he fukahi vaí. Naʻa nau manavahē. Naʻa nau fakakaukau ko ha laumālie Ia. Naʻe ui atu ʻa Sīsū kiate kinautolu, “Ko au pē; ʻoua te mou manavahē.”

Mātiu 14:26–27

Peter walks on the water toward the Savior - ch.29-4

Naʻe fie lue foki mo Pita ia he fukahi vaí. Naʻe talaange ʻe Sīsū kia Pita ke haʻu kiate Ia. Ne hopo ʻa Pita ki tuʻa mei he vaká. Naʻá Ne kamata ke lue ʻi he fukahi vaí ki he Fakamoʻuí.

Mātiu 14:28–29

Because of the strong wind Peter is afraid and begins to sink - ch.29-5

Koeʻuhí naʻe fuʻu mālohi ʻa e matangí, ne kamata ilifia ʻa Pita. Ne kamata ke ne ngoto hifo ʻi he vaí peá ne kaila kia Sīsū ke fakamoʻui ia.

Mātiu 14:30

The Savior takes Peter by the hand and asks why he is afraid - ch.29-6

Naʻe puke ʻe he Fakamoʻuí ʻa e nima ʻo Pitá. Naʻá Ne ʻeke ange kia Pita pe ko e hā ʻoku ʻikai ke lahi ange ʻene tuí.

Mātiu 14:31

Jesus and Peter walked to the boat and the storm ceased - ch.29-7

ʻI he aʻu mai ʻa Sīsū mo Pita ki he vaká naʻe malū ʻa e matangí. Ne hūfia kotoa ʻe he kau ākongá ʻa e Fakamoʻuí. Naʻa nau ʻiloʻi ko e ʻAlo Ia ʻo e ʻOtuá.

Mātiu 14:32–33