¶ 1 BEA i he e nau ofi ki Jelusalema, o hoko ki Betefeji, ki he mouga ko Olive, nae toki fekau e Jisu ae akoga e toko ua,

2 O ne behe kiate kinaua, Mo o ki he botu kakai oku hagatonu mai, bea te mo ilo leva ae asi oku nootaki, mo hono uhiki: vevete o tataki mai kiate au.

3 Bea kabau e lea ha taha kiate kimoua, te mo behe, Oku na aoga ki he Eiki; bea te ne tuku mai leva ia.

4 Nae fai eni kotoabe, koeuhi ke fakamooni aia nae lea aki e he balofita, o behe,

5 Mou tala ki he taahine o Saione, Vakai, oku ha‘u ho Tu‘i kiate koe, oku agamalu, o heka ki he asi, moe uhiki koe fanau ae asi.

6 Bea nae alu ae ogo akoga o na fai o hage koe fekau a Jisu kiate kinaua,

7 O omi ae asi, moe uhiki, bea nau ai ki ai ho nau kofu, o nau fakaheka  ia ki ai.

8 Bea folahi atu e he kakai toko lahi ho nau kofu i he hala; bea nae tutuu hifo e he niihi ae uluulu‘i akau, o falikiliki aki ae hala.

9 Bea koe kakai toko lahi nae muomua mo muimui atu, naa nau kalaga, o behe, Hosana ki he Foha o Tevita: Oku monuia ia oku ha‘u i he huafa o Jihova; Hosana i oluga.

10 Bea i he ene hoko ki Jelusalema, nae gatū ae kolo kotoa, o behe, Kohai eni?

11 Bea behe e he kakai, Ko Jisu eni, koe balofita o Nasaleti i Kaleli.

¶ 12 Bea hu a Jisu ki he fale lotu lahi oe Otua, o kabuji kitua akinautolu kotoabe nae fefakatauaki i he fale lotu lahi, o ne filihi ae gaahi balebale oe kau fetogi baaga, moe nofoa o nautolu nae fakatau lube.

13 O ne beheage kiate kinautolu, Kuo tohi, E ui hoku fale koe fale lotu; ka kuo mou gaohi ia koe ana oe kau kaihaa.

14 Bea nae ha‘u kiate ia, i he fale lotu lahi, ae kui moe bibiki; bea ne fakamoui akinautolu.

15 Bea kuo mamata ae kau taulaeiki lahi moe kau tagata tohi ki he gaahi mea mana naa ne fai, moe kalaga ae tamaiki i he fale lotu lahi, o behe, Hosana ki he foha o Tevita; naa nau ita lahi,

16 O nau behe kiate ia, Oku ke ogo‘i e nau lea? Bea talaage e Jisu kiate kinautolu, Io; bea oku heeki jii ke mou lau, Kuo ke ma‘u ae fakamalo mei he gutu oe kau valevale moe kei huhu?

¶ 17 Bea tuku eia akinautolu, kae alu ia mei he kolo ki Betani; bea mohe ai.

18 Bea bogibogi ai, i he ene liu mai ki he kolo, kuo fiekaia ia.

19 Bea mamata ia ki he akau koe fiki i he hala, bea alu ia ki ai, ka nae ikai te ne ilo ai ha mea ka koe lau be, bea behe eia ki ai, Gata i heni, ke oua naa tubu ha fua iate koe o lauikuoga. Bea mate leva ae akau koe fiki.

20 Bea kuo mamata ki ai ae kau akoga, bea nau ofo, o behe, Kuo mate vave ae akau koe fiki!

21 Bea lea a Jisu, o beheage kiate kinautolu, Ko eku tala mooni atu kiate kimoutolu, Kabau oku mou ma‘u ae tui, bea oua naa fakataetaetui, e ikai te mou fai be aia  kuo fai ki he akau koe fiki, ka oka mou ka tala ki he mouga ni foki, Ke hiki koe, mo li koe ki he tahi; e fai ia.

22 Bea koe mea kotoabe aia te mou kole i he lotu, i he tui, te mou ma‘u.

¶ 23 Bea kuo hu ia ki he fale lotu lahi, bea ha‘u kiate ia ae kau taulaeiki lahi moe mātua oe kakai, i he ene kei malaga, o nau behe, Koe bule fe oku ke fai ai ae gaahi mea ni? bea kohai nae ne tuku ae bule ni kiate koe?

24 Bea lea a Jisu, o beheage kiate kinautolu, Teu fehui kiate kimoutolu foki ki he mea e taha, bea kabau te mou tala ia kiate au, teu tala foki kiate kimoutolu ae bule koia oku ou fai ai ae gaahi mea ni.

25 Koe babitaiso a Jone, nae meife? mei he lagi, be mei he tagata? Bea nau fealeleaaki, o behe, Kabau te tau behe, Mei he lagi; bea e behe eia kiate kitautolu, Bea koeha nae ikai ai te mou tui kiate ia?

26 Bea kabau te tau behe, Mei he tagata; oku tau manavahe ki he kakai; he oku lau kotoabe koe balofita a Jone.

27 Bea nau talaage kia Jisu, o behe, Oku ikai te mau ilo. Bea behe eia kiate kinautolu, Bea e ikai teu tala kiate kimoutolu ae bule koia oku ou fai ai ae gaahi mea ni.

¶ 28 Ka koeha ho mou loto? Nae ai ae tagata e taha nae toko ua hono foha; bea ha‘u ia ki hono uluaki, o ne behe, Foha, alu o gaue i he eku goue vaine he aho ni.

29 Bea talaage eia o behe, E ikai: ke hili ia ne ne fakatomala bea alu.

30 Bea ha‘u ia ki hono toko ua, o ne lea behe be foki. Bea lea ia, o behe, Eiki, teu  alu: ka nae ikai alu ia.

31 Kohai ia iate kinaua nae fai ae loto o ena tamai? Bea nau talaage kiate ia, Koe uluaki. Bea behe e Jisu kiate kinautolu, Oku ou tala mooni atu kiate kimoutolu, Oku tomua hoko ae kau tanaki tukuhau moe kau faa feauaki ki he buleaga oe Otua iate kimoutolu.

32 He nae ha‘u a Jone kiate kimoutolu i he hala oe maonioni, bea nae ikai te mou tui kiate ia: ka nae tui kiate ia ae kau tanaki tukuhau moe kau faa feauaki: bea hili hoo mou mamata ki ai, nae ikai te mou fakatomala ai, ke mou tui kiate ia.

¶ 33 Fanogo ki he fakatātā e taha: Nae ai ae eiki e taha, naa ne to ae goue vaine, o takatakai aki ia ae a, o keli i ai ae tataoaga uaine, o ne laga ae fale leo, o ne tuku ia ki he kau tagata tauhi goue, kae alu ia ki he fonua mamao:

34 Bea kuo ofi hono toukai vaine, bea fekau eia ene kau tamaioeiki ki he kau tauhi goue, koeuhi ke nau ma‘u hono gaahi fua.

35 Bea buke e he kau tagata goue ene kau tamaioeiki, o haha ae toko taha, mo tamate‘i ae toko taha, bea tologaki aki ae maka ae toko taha.

36 Bea toe fekau eia ae kau tamaioeiki lahi hake i he uluaki: bea nau fai behe be kiate kinautolu.

37 Bea fekau fakamui eia a hono foha kiate kinautolu, o ne behe, Te nau fakaabaaba ki hoku foha.

38 Ka kuo mamata ae kau tauhi goue ki he foha, bea nau fealeleaaki,  o behe, Ko eni ae foha hoko; ha‘u, ke tau tamate‘i ia, bea tau ma‘u hono tofia.

39 Bea naa nau buke ia, o li ia kituaa goue vaine, o tamate‘i ia.

40 Bea koia, oka ha‘u ae eiki oe goue vaine, koeha te ne fai ki he kau tauhi goue koia?

41 Bea nau talaage kiate ia, Te ne fakaauha fakamamahi ae kau tagata agakovi koia, bea tuku ene goue ki he kau tauhi kehe, te nau atu kiate ia ae fua i hono gaahi faahita‘u.

42 Bea beheage e Jisu kiate kinautolu, Oku heeki jii te mou lau i he tohi, Koe maka koia nae liaki e he kau tufuga, ko ia ia kuo hoko koe fugani oe tuliki; koe gaue eni a Jihova, bea koe mea fakaofo i ho tau ao?

43 Koia oku ou tala atu ai kiate kimoutolu, E ave ae buleaga oe Otua iate kimoutolu, bea e atu ia ki ha kakai e tubu ai hono gaahi fua.

44 Bea ko ia e to ki he maka ni, e mafeji ai ia: ka ko ia fulibe e to ia ki ai, te ne momoji ia ke efuefu.

45 Bea kuo fanogo ae kau taulaeiki lahi moe Falesi ki he ene gaahi fakatātā, naa nau ilo ko ene lea kiate kinautolu.

46 Ka i he e nau holi ke buke ia, naa nau manavahe ki he kakai, he naa nau behe, Koe balofita ia.