Veivakavuvuli me Baleta na noda Gauna

Na lesoni ni Matabete i Melikiseteki kei na iSoqosoqo ni Veivukei ena ikava ni Sigatabu me na dau vagolei tikoga ki na “Veivakavuvuli me Baleta na Noda Gauna.” E rawa ni vakarautaki na veilesoni yadua mai na dua na vosa se sivia. Me ra digia na vosa e dodonu me vakayagataki na peresitedi ni iteki se tikina, se e rawa ni ra lesia na itavi oqo vei ira na bisopi kei na peresitedi ni tabana. E dodonu me ra dau vakabibitaka na veiliutaki vakabete na kena bibi na nodra vulica vata e dua na vosa ena vei-Sigatabu na veitacini ena Matabete i Melikiseteki kei ira na marama ena iSoqosoqo ni Veivukei

Me ra vakauqeti o ira era dau lakova na lesoni ena ikava ni Sigatabu me ra dau vulica ka kauta mai ki na kalasi na mekesini ni koniferedi raraba ka se qai qaravi oti koto ga oqo.

Vakatutu ni Kena Vakarautaki e dua na Lesoni mai na Veivosa Eso

Masulaka me tiko vata kei iko na Yalo Tabu ena nomu vulica ka vakavuvulitaka na vosa. Ena so beka na gauna o na temaki mo vakarautaka na lesoni ena nomu vakayagataka na veiyaragi tale eso, ia na lewenivuli vakadonui ga sai koya na vosa ni koniferedi. Ia sa nomu ilesilesi ga mo vukei ira na tani ka bulataka na kosipeli me vaka e vakavuvulitaki ena koniferedi raraba ni Lotu ka se qai vakayacori oti ga oqo.

Railesuva na veivosa eso, vakasaqara na ivakavuvuli kei na ivunau ka na sotava na nodra gagadre na lewe ni kalasi. Vaqara talega na italanoa, idusidusi vakaivolanikalou kei na veimalanivosa eso mai na koniferedi ka na vukei iko ena nomu vakatavulica na veika vakaidina oqo.

Tuva na sala o via vakatavulica kina na ivunau kei na ivakavuvuli. E dodonu me oka ena nomu ituvatuva na veitaro ka na vukei ira na lewe ni kalasi me ra:

Vakasaqara na ivakavuvuli kei na ivunau ena (vei)vosa o veivakavulici tiko kina.
Vakasamataka na kedra ibalebale.
Wasea na veika era kila, na nodra vakasama, na veika era sa sotava kei na ivakadinadina.
Bulataki na veivakavuvuli kei na ivunau oqo ena nodra bula.

Vei-Vula	iYaragi ni Lesoni ni iKava ni Sigatabu
Me 2008– Okotova 2008	Veivosa ka tabaki ena Liaona ni Me 2008*
Noveba 2008– Epereli 2009	Veivosa ka tabaki ena Liaona ni Noveba 2008*