Ripote mai na Tabacakacaka ni Dikevi Vika ni Lotu, 2007
Ki na Mataveiliutaki Taumada ni Lotu i Jisu Karisito ni Yalododonu Edaidai
Kemuni na Veitacini: Me vaka e vakamacalataki ena ivakatakila ena wase 120 ni Vunau kei na Veiyalayalati, eratou na vakadonuya na Matabose ni iWasewasei ni iKatini na vakayagataki ni ilavo ni Lotu. Era lewena na Matabose oqo na Mataveiliutaki Taumada, na Kuoramu ni iApositolo Le Tinikarua, kei na Matabisopi Vakatulewa. Na matabose oqo e solia na veivakadonui ena ilavo vakarau ni veitabacakacaka ni Lotu kei na kena cakacaka. Ni ra sa ciqoma na veivakadonui ni matabose oqo, me ra na qai vakayagataka na veitabacakacaka ni Lotu na tuvailavo vakadonui me baleti ira, ia me sala vata kei na kena lawatu vata kei na kena iwalewale ena Lotu.
Sa soli ki na Tabacakacaka ni Dikevi Vika ni Lotu na veivakadonui me ra raica na ivolatukutuku kei na ivakarau ni cakacaka kecega e ganita, me dikevi kina na matau ni kena lewai na ilavo eda ciqoma ka vakayagataka, na vakayagataki kei na taqomaki ni iyau ni Lotu. Na Tabacakacaka ni Dikevi Vika ni Lotu e tu vakataki koya mai na veitabacakacaka tale eso ni Lotu kei na veicakacaka kece, ia ko ira na kena vakailesilesi era daunivika raraba vakaivola, daudikevi ivola, daudikevi ivola vakompiuta, kei ira tale eso na kenadau ena veika vakaivola sa tu vei ira na kila ka vakacakacaka.
Ni yavutaki ena dikevi ivola sa vakayacori, sa nanuma kina na Tabacakacaka ni Dikevi Vika ni Lotu, ena veika e baleta na iyauqaqa, na cau e ciqomi, na ilavo e vakayagataki, kei na iyaubula ni Lotu me baleta na yabaki 2007 era sa vakaivolataki ka qaravi ena ivakarau donu ni vakaivolataki ilavo, tuvailavo vakadonui, kei na kena lawatu kei na ivakarau ena Lotu.
Vakasavui ena vakarokoroko,
Tabacakacaka ni Dikevi Vika ni Lotu
Robert W. Cantwell
Manidia Dairekita