Elder Marcos A. Aidukaitis
No te Hitu Ahuru
I te rae‘a-raa-hia e va‘u matahiti o te tamaiti paari a‘e a Elder Marcos Antony Aidukaitis, ua papa‘i oia i te hoê hoho‘a o to’na utuafare ei faaueraa na te fare haapiiraa. I taua taime ra, te rave ra Elder Aidukaitis i te mau hora hau ei ti‘a faatere rahi no te hoê taiete i São Paulo, i Paratira. « Te rave rahi ra vau i te ohipa e i te tereraa e rave rahi mau vahi o te ao nei, » o ta’na ïa e haamana‘o ra.
E i roto i te papa‘iraa hoho‘a a te tamaiti iti, aita o Elder Aidukaitis i roto. « Tei hea roa to oe papa ? » o te uiraa ïa a te orometua haapii i teie tamaiti. « Ah, te rave ra i te ohipa », o ta’na ïa pahono.
Teie te tahi iteraa rau o Elder Aidukaitis i to’na niuniu-raa-hia no te fa‘aara ia’na. « Ua taui au i ta‘u ohipa e ia tata‘i i te mea e tano ia tata‘i », o ta’na ïa i parau, ma te faaapî i ta’na tutavaraa no te tu‘u i te utuafare i mua roa.
Ua fanauhia Elder Aidukaitis ia Antony Aidukaitis e ia Maria Dittrich Aidukaitis i te 30 no atete 1959, i Porto Alegre i te fenua Paratira. Ua bapetizohia to’na papa i te matahiti 1940, o oia te melo matamua no te Ekalesia i roto i to’na utuafare, mai te vahine atoa a Elder Aidutaitis, Luisa Englert Aidukaitis. Ua faaipoipohia Elder e o te tuahine Aidukaitis i te 13 no tenuare 1986 iti mai i te hoê ava‘e i muri mai i to’na bapetizoraa ia’na. Ua ta‘atihia raua i roto i te hiero no Provo i Utaha i te matahiti i muri mai. E pae a raua mau tamarii.
Ua parau Elder Aidukaitis o tei tavini na i roto i te misioni apato‘a no Paratira i São Paulo mai te matahiti 1979 e tae atu i te matahiti 1981 e, na ta’na misioni i taui i to’na oraraa. Ua faarahi te reira i to’na here no te Faaora, na te reira i faaineine ia’na no te tavini i to’na utuafare e i to’na Metua i te Ao ra, e ua parau oia e, « o tei horo‘a mai ia‘u te itoito no te haapii e no te bapetizo i ta‘u vahine ».
I muri mai i ta’na misioni, ua roa‘a ta’na parau tu‘ite tuarua nui i roto i te ohipa tata‘iraa e te hoê parau tu‘ite MBA i te Fare Haapiiraa Tuatoru no Brigham Young, e i reira atoa to’na tu‘eraa i te popo. I muri mai i to’na faahanahana-raa-hia ua haamata oia i te rave i te ohipa ei taata haapa‘o i te mau taiete nuna‘a-rau, i te Mau Hau Amui no Marite na mua roa e i muri mai i te fenua Paratira e i muri mai ua iriti i ta’na iho ohipa.
Hou to’na pi‘iraa i roto i te pŭpŭ matamua no te Hitu Ahuru, ua tavini na Elder Aidukaitis ei peresideni no te misioni Brasilia i Paratira, ei Hitu Ahuru Area, ei peresideni titi ei ti‘a retioni no te ohipa totauturu e ei melo apo‘oraa teitei.