Elder Kent D. Watson
No te Hitu Ahuru
Ia hi‘o ti‘a oia i muri i roto i to’na oraraa, ua ite tamau noa o Elder Kent Dee Watson e taata faaroo oia e te vai noa nei â to’na iteraa papû area râ, ua tupu te hoê ohipa o tei haaputapu ia’na.
« Ua haaputapu te faaotiraa o ta‘u i rave ei taure‘are‘a no te haere e rave i ta‘u misioni i te taato‘araa o te mau hi‘oraa o to‘u oraraa », o te parau ïa a Elder Watson, o tei piihia iho nei i roto i te pŭpŭ piti no te Hitu Ahuru.
Ua farii oia i to’na piiraa ia tavini i roto i te misioni apato‘a o te fenua Taiwan. « Ei hopea no ta‘u misioni, ua taui au ei piahi ite rii ei piahi maitai roa », o ta’na ia i parau. « E mea na roto i ta‘u misioni au i farerei ai i to‘u hoa vahine. Ua haafarereihia vau ia’na e te hoê taea‘e misionare ua oti ta’na misioni. Na roto i ta‘u misioni i haapii ai au i te reo Tinito. Na roto i ta‘u misioni i roaa’i ia‘u te hoê toro‘a o ta‘u i au maitai i roto i te ohipa. Na roto i ta‘u misioni i roaa’i i to‘u utuafare ia tere haere e ia noho i tera e i tera oire.
Ua roaa te parau ‘aiihi tuatoru a Elder Watson i te fare haapiiraa no Brigham Young e ua rave oia i te ohipa ei haapa‘o faufaa e ua riro mai i muri iho ei peresideni e ei CEO [paoti rahi] no te hoê taiete no te ao atoa nei.
Ua ho‘i atoa Elder Watson i te vahi oia i rave ai i ta’na misioni e ta’na atoa vahine no te tavini ei peresideni misioni no Taiwan Taichung e ei mono peresideni no te misioni no Taiwan Kaohsiung. Te raveraa i te ohipa i pihai iho i teie mau misionare apî, ua horo‘a mai te reira i te ti‘aturiraa ia’na i roto i te puai o te feia apî o te Ekalesia.
Ua tavini Elder Watson i roto e rave rahi mau piiraa i roto i te Ekalesia, oia’toa ei episekopo e ei tauturu i roto i te peresideniraa tĭtĭ.
Ua fanauhia Elder Watson i te Oire no Cedar i Utahia i te Mau Hau Amui no Marite, ia Lorezo Dee Watson e ia Joyce Watson i te 8 no me 1943. Ua faaipoipohia oia ia Connie Lingmann i te 23 no atete 1967 i roto i te hiero no Roto Miti e e na metua raua no na tamarii e pae.