Te aupŭpŭ matutu a te Ekalesia
Na te Peresideniraa Matamua o Te Ekalesia a Iesu Mesia i te Feia Mo‘a i te Mau Mahana Hopea Nei
E te mau taea‘e here e: Mai tei faataahia mai na roto i te heheuraa i roto i te tuhaa 120 o te Parau Haapiiraa e te mau Parau Fafau, na te Apooraa Tiaau i te Tuhaa Ahuru e haamana i te haamau‘araa i te faufaa a te Ekalesia. I roto i te reira apooraa te vai ra te Peresideniraa Matamua, te Pŭpŭ no te Tino Ahuru Ma Piti Aposetolo, e te Episekoporaa Faatere Rahi. Na teie Apooraa e farii i te tabula haamau‘araa a te mau aupŭpŭ ohipa e no te tereraa ohipa a te Ekalesia. Ia oti ana‘e te fariiraa a teie apooraa, e titauhia i te mau aupŭpŭ ohipa a te Ekalesia ia haamau‘a i te faufaa ia au i te tabula haamau‘araa i faataahia, e ia au atoa i te mau arata‘iraa ture a te Ekalesia.
Ua horo‘ahia te mana i te aupŭpŭ matutu a te Ekalesia no te hi‘o i te mau parau e i te mau faanahoraa e titauhia no te faaau i te afaro o te hi‘opo‘araa i te faufaa e fariihia nei, e te mau haamau‘araa e haamau‘ahia nei, e no te faaau atoa i te mau hi‘opo‘araa no te paruru i te faufaa a te Ekalesia. Aita to te aupŭpŭ matutu a te Ekalesia e taamuraa i ni‘a i te tahi atu mau aupŭpŭ ohipa e te tereraa ohipa a te Ekalesia ; e te mau rave ohipa i roto i te reira aupŭpŭ e mau taata ïa e parau tu‘ite matutu faufaa ta ratou no tera tuhaa ohipa e tera tuhaa ohipa.
Ia au i te mau matuturaa i ravehia, te parau nei te aupŭpŭ matutu a te Ekalesia e, i te pae materia nei, te mau faufaa i fariihia, te mau haamau‘araa i ravehia, e te faufaa a te Ekalesia e vai ra no te matahiti 2007, ua papa‘ihia ïa te reira e ua tiaauhia hoi mai te au i te mau ture no te matuturaa faufaa, mai te au hoi i te tabula haamau‘araa i faataahia, e mai te au i te mau ture e te mau faanahoraa a te Ekalesia.
Ma te faatura,
Te aupŭpŭ matutu a te Ekalesia
Robert W. Cantwell
Raatira faatere