Elder Gary E. Stevenson
No te Hitu Ahuru
I muri mai i to’na tatararaa i te auraa no te parau e « hoê iteraa no te ruriraa i te turi avae, » te faaite nei Elder Gary Evan Stevenson i to’na aau mehara no te pi‘iraa ia tavini i roto i te pŭpŭ matamua no te Hitu Ahuru.
« E faaroo pinepine tatou e e faata‘a te Fatu i te feia o Ta’na e pii, e no reira ua na reira’toa Oia no‘u ».
Ua fanauhia o Elder Stevenson i te 6 no atete 1966, i Ogden, Utaha, i te Mau Hau Amui no Marite, ia Evan Stevenson e Jean Stevenson. Ua haere oia i te fare haapiiraa tuarua no Utaha, e ua farii i te parau tu‘ite no te mau ohipa faatereraa e ua farerei atoa i ta’na vahine o, Lesa Jean Higley. Ua faaipoipohia raua i te 20 no eperera 1979 i roto i te hiero no Idaho Falls i Idaho, e metua raua no na e maha tamaroa.
Ua faati‘a e ua hoê Elder e te tuahine Stevenson i roto i te hoê faanahoraa te hoê hoho‘a taviniraa i roto i to raua oraraa e te ti‘aturi papû nei e te oaoa mau e itehia ïa i roto i te taviniraa ia vetahi ê. « Mai te mea e tavini outou ia vetahi ê, te tavini ra ïa outou i te Fatu », o te parau ïa a Elder Stevenson. « Na teie nei ture e faati‘a i to tatou oraraa e ia tatou ia hopoi i te oaoa ia vetahi ê e ia tatou atoa hoi ».
Ua tavini amui na raua i roto i te Haapiiraa Sabati ei na orometua haapii i roto i ta raua paroita i Providence, i Utaha i te Mau Hau Amui no Marite e ua tavini atoa Elder Stevenson ei peresideni no te misioni o Nagoya i te fenua Tapone ei faahauraa i ta’na taviniraa ei misionare apî i te fenua Tapone apatoa, ei episekopa e i roto i te peresideniraa no te hoê tĭtĭ.
No to’na paariraa mai i roto i te hoê utuafare niuhia i ni‘a i te evanelia, ua auraro Elder Stevenson i na metua parau-ti‘a no te haapiiraa ia’na i to’na apîraa i te rave i te ohipa puai. Ei peresideni no te hoê taiete tauihaa no te ‘ea e no te faaeta‘etaraa tino o ta’na i tauturu i te iritiraa matamua i te uputa ei taure‘are‘a apî tei faahanahanahia i te fare haapiiraa tuarua, e te ti‘aturi nei Elder Stevenson e e mea titauhia te parau tumu no te raveraa i te ohipa puai i roto i te mau huru atoa o te oraraa nei.
« E tano te raveraa i te ohipa puai i roto i to tatou mau toro‘a ohipa e i roto atoa i te mau pi‘iraa o te Ekalesia e e mea tano roa no te faaohipa i roto i te ohipa misionare », o ta’na ïa i parau. « Eita paha tatou e haamaitaihia i roto i te paari taa ê tera râ, e nehenehe te tahi noa’tu taata e rave puai i te ohipa no te rave faaoti i te mau mea rarahi ».