Elder Carlos A. Godoy
No te Hitu Ahuru
E riro to outou utuafare ei hoa fatata roa no outou », o te parau ïa a Elder Carlos Augusto Godoy, o tei piihia i roto i te pŭpŭ matamua no te Hitu Ahuru. « E riro paha outou i te faatea ê i te tahi mau hoa eiaha ra i te utuafare no te mea e mea papû te reira ».
Ua parau mai Elder Godoy na roto i te mau iteraa rau. No te mea te vai nei te mau rave‘a no te haapiiraa, no te ohipa e no te mau pi‘iraa, ua ora na Elder Godoy ; ta’na vahine Mônica Soares Brandão ; e ta raua mau tamarii e maha i te mau vahi e rave rahi, oia’toa i Porto Alegre, i Paratira ; São Paulo i Paratira ; i Provo i Utaha, i te Mau Hau Amui no Marite ; e i Belem i te fenua Paratira.
E na mua‘e i te reira, ua tono to’na mau pi‘iraa ia’na i rapae i to’na fenua e i te mau vahi tapiri, e mea au na Elder Godoy te aufeti‘iraa i to’na utuafare. E mea na roto i to’na ta‘ita‘iraa i to’na teina i te hoê ohiparaa i te Fare pureraa i faaôhia’i oia i roto i te evanelia a Iesu Mesia. Na te reira i arata‘i ia’na i te mau misionare e i te bapetizoraahia hoê ava‘e i muri mai.
Ua fanauhia Elder Godoy i te 4 no fepuare 1961 i Porto Alegre, i Paratira ia Moacir Godoy e ia Ivone Poersch Godoy. Ua faafariuhia oia i roto i te Ekalesia i te matahiti 1977 e i muri mai, ua tavini oia ei misionare rave tamau i roto i te misioni no São Paulo. Ua faaipoipohia raua o Mônica i te matahiti 1984 i roto i te hiero no São Paulo i Paratira, o ta’na i matau i te hoê amuiraa na te feia apî i te tau mahanahana i muri noa mai i to’na faafariuraahia i roto i te Ekalesia,
Ua roaa te parau tu‘ite tuatoru nui a Elder Godoy i roto i te ohipa ihiihi e te ihi politita i te fare haapiiraa tuatoru no Pontificia Eniversidade Católica e te hoê parau ‘ai’hi tuatoru i roto i te ohipa faanahanahoraa no te haapa‘o maitai i te fare haapiiraa tuatoru no Brigham Young. E rave rahi te vahi e rave rahi mau ti‘araa o ta’na i ohipa mai hou oia a faati‘a’i i ta’na iho taiete.
Ua tavini na o Elder Godoy ei episekopo, ei melo apooraa teitei, ei peresideni misioni, e Hitu Ahuru Area. Ua parau oia e, e mea na roto i teie nei mau rave‘a taviniraa oia i haapii ai no ni‘a i te « riroraa » e i te hi‘oraa i mua i te haapiiraa i roto i to’na piiraa apî.
« Te ite nei au i te hoê itiraa », o ta’na ïa i parau, « area râ, ua ite au e te arata‘i nei te Faaora i teie ohipa e e nehenehe Ta’na e tauturu ia tatou ia riro mai Ia’na ra te huru ».