Elaine S. Dalton
Peresideni rahi no te Feia Apî Tamahine
I to‘u tamarii-rii-raa, e mea au na Elaine Schwartz Dalton te ohipa ori. Area râ, ei metua vahine apî no na ono tamarii, e au atu ra e, eita te ohipa ori e tano faahou no te hoê metua vahine, no reira ua haamata oia i te ohipa horo te hoê rave‘a no te iteraa i te oaoa i roto i te mau faa‘eta‘etaraa. I te matamua-roa-raa, e horo oia 10 taahiraa e 10 taahiraa e tae noa’tu e ua nehenehe oia e horo hoê maile i te atea. Na roto i teie nei haamataraa ha‘iha‘i iti, i horo ai oia i te hororaa atea 18 taime.
« Ua hopoi mai te hororaa i te hoê taime no te haapapûraa i to‘u feruriraa e ia feruri i to‘u oraraa »,o ta te tuahine Dalton ïa i parau.
Ua fanauhia te tuahine Dalton i Ogden i Utaha i te Mau Hau Amui no Marite i te 1 no novema 1946 ia Melvin Leo Schwartz e ia Emma Martin Schwartz. Ua faaipoipohia oia ia Stephen Eugene Dalton i te 13 no tetepa 1968, i roto i te hiero no Roto Miti. Ua roaa ta’na parau tu‘ite tuarua nui no te reo Peretane i te fare haapiiraa tuatoru no Brigham Young. Ua tavini oia i roto i te tomite rahi no te Feia Apî Tamahine e ei tauturu matamua e ei tauturu piti i roto i te peresideniraa rahi no te Feia Apî Tamahine. Ua tavini atoa na oia ei peresideni no te Feia Apî Tamahine no te tĭtĭ, ei haapa‘o no te mau Tarona, ei ti‘a haamaramarama no te Sotaiete Tauturu no te feia apî paari e ei orometua no te Sotaiete Tauturu.
Ei peresideni rahi apî no te Feia Apî Tamahine, ua parau te tuahine Dalton e, « ta‘u parau poro‘i taviri i te feia apî tamahine no te Ekalesia hoê â ïa i ta ratou e faaroo noa i to ratou mau metua i te mau taime atoa ratou e haere atu ai i rapae i te uputa o te fare: ‘A haamana‘o e o vai ra outou’ ».
Te ti‘aturi nei oia i te tauturu i te feia apî tamahine ia ite e e mau tamahine ratou na to ratou Metua i te Ao ra, o tei here ia ratou. « E parau ratou i te reira i te mau hepetoma’toa i roto i ta ratou parau tai‘o area no te rahiraa o te feia apî tamahine, aita te reira i tomo maitai atura i roto i to ratou aau », o te parau ïa a te tuahine Dalton. « Ia maramarama râ te hoê tamahine apî e e tamahine oia na te Atua, na te reira e faata‘a i te taato‘araa o to’na mau auraa e o vetahi ».
Te faaitoito nei oia ia ratou ia vai mâ noa. «Te ohipa matamua roa o tei faata‘ahia na ratou ia rave maori râ, te ohipa hiero », o ta’na ïa i parau. « Eiaha e maere e, o te tumu ïa Satane e ‘aro ai, i te faahemaraa i te feia apî tamahine ia ore e vai mâ noa. A faariro ia outou ei mea mâ. Te vai ra te mana i roto i te oraraa mâ ».